Премьер-министр Мухаммедкалый Абылгазиев Нарын жана Ысык-Көл облустарындагы кырсыктын кесепеттерин жоюу жана жабыркагандарга көмөк көрсөтүү боюнча иштин так көзөмөлгө алынышын камсыздоону тапшырды.

Өкмөт шамалдан жабыркаган Ысык-Көлгө жардам бере турган болду

109
(жаңыланган 10:24 04.12.2018)
Өткөн аптанын соңунда Ысык-Көлдө катуу шамал болсо, Жумгалда жер көчкөн.

БИШКЕК, 3-дек. — Sputnik. Премьер-министр Мухаммедкалый Абылгазиев Нарын жана Ысык-Көл облустарындагы кырсыктын кесепеттерин жоюу жана жабыркагандарга көмөк көрсөтүү боюнча иштин так көзөмөлгө алынышын камсыздоону тапшырды. Бул тууралуу өкмөттүн маалымат кызматы билдирди.

Эскерте кетсек, өткөн апта соңунда Ысык-Көл облусунда катуу шамал болуп, социалдык объектилердин, турак жайлардын чатырын учуруп кеткен. Андан сырткары, бак-дарактар менен зым карагайлар кулаган. Ал эми Нарындын Жумгалында көчкү жүрүп, мындан улам ички жолдор жабылып, суу түтүктөрү жабыркаган

Кеңешмеде жаратылыш кырсыктары жана анын кесепеттерин жоюу багытында жүрүп жаткан иштер менен өзгөчө кырдаалдар министринин орун басары Калыс Ахматов маалымат берген.

"Учурда Жумгалда көчкү бөгөп калган жолдун бир тарабы ачылып, ичүүчү суу жеткирүүгө атайын транспорт дайындалган. Суу инфраструктурасын калыбына келтирүү боюнча иштер улантылууда, алар бир жума ичинде жыйынтыкталмакчы", — деди ал.

Каракол шаарындагы шамалдын кесепети. Архивдик сүрөт
© фото очевидца, отправленное по WhatsApp-каналу
Ал эми катуу шамалдан улам облус боюнча 122 үй жана 22 социалдык объектинин чатыры бузулган. Эң көп Жети-Өгүз районунун тургундары жабыркаган. Облус боюнча келтирилген зыян 14,3 миллион сомду түзгөнү белгилүү болду.

Абылгазиев биринчи вице-премьер Кубатбек Бороновго өзгөчө кырдаалдын кесепетин жоюу жана жапа чеккен адамдарга жардам көрсөтүү боюнча кырсыктан жабыркаган райондорго барууну тапшырды.

109
Белгилер:
өкмөт, Жер көчкү, катуу шамал, Жумгал району, Нарын облусу, Ысык-Көл
Тема боюнча
Катуу суук түшөбү? Декабрь айына карата аба ырайы
Жумгалда көчкү жүрүп, суу түтүктөрүн жабыркатты
Ысык-Көлдөгү катуу шамалдын кесепети. Чыгымдар эсептелүүдө
Өрттөнгөн унаа. Архивдик сүрөт

Ташкентте 19 жаштагы кыз үйлөнбөй койгон жигитинин машинасын өрттөп салды

105
(жаңыланган 19:13 20.09.2020)
Тергөө учурунда сүйүшкөн жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

БИШКЕК, 20-сен. — Sputnik. Ташкенттин Үчтепа районунда үйлөнүүгө макул болбой койгон жигиттин автоунаасын сүйгөн кызы өрттөп жиберди. Бул туурасында Sputnik Өзбекстан агенттиги укук коргоо органдарына таянуу менен билдирди.

Маалыматка ылайык, кечээ, 19-сентябрда, райондук милиция бөлүмүнө Ситора Г. аттуу 19 жаштагы кыз Lacetti Jentra үлгүсүндөгү автоунааны өрттөп жибергени туурасында билдирүү түшкөн.

Посмотреть эту публикацию в Instagram

Публикация от IIBB / ГУВД (@iibb_uz)

Аталган машина кыздын сүйгөнү Асилбек Н. аттуу 23 жаштагы жигитке таандык болгон.

Жашоону эмнеден баштоону билбей турам. Күйөөсү башкага кетип калган келиндин каты

Тергөө учурунда жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

"Жигит кызга үйлөнүүгө убада берген, бирок кийинчерээк сөзүнө турбай кетип калган. Буга ызаланган кыз анын машинасынын ичи-тышына бензин чачып өрттөп жибирген", — деп айтышкан милициядан.

Учурда жагдайдын чоо-жайы териштирилип жатат.

105
Белгилер:
убада, өрт, машина, жигит, кыз, Ташкент
Тема боюнча
Кыз талашкан. Бир жигитти алтоолоп сабаган Оштогу окуянын чоо-жайы
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

188
(жаңыланган 16:21 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бухара облусунун акмимчилиги тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда, Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча, Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

188
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү

28
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

28
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды