Ооруканадагы ымыркай. Архив

Бишкекте мигрант энеси курбусуна таштап кеткен 2 жашар наристе чарчап калды

246
(жаңыланган 20:07 08.12.2018)
Баланын энеси бир ай мурда Россияга иштегени кеткен.

БИШКЕК, 7-дек. — Sputnik. 28-ноябрь күнү Бишкектеги балдардын аймактык ооруканасына оор абалда эки жаштагы бала түшкөн. Милициядан билдиришкендей, наристенин денесинин бир канча жеринде жаракаты болгон. 

Чүй РИИБинин маалымат кызматынан баланы багып жүргөн 32 жаштагы аял суракка алынганын айтышты. 

“Анын айтымында, бала эки кабаттуу керебеттен кулап кеткен. Өзү 2017-жылдан бери Кайыңдыда туугандарынын үйүндө жашап, үч баласын жалгыз багып жүргөн. Мурда Баткен облусунун Кызыл-Кыя шаарында турчу экен”, — деп айтылат милициянын билдирүүсүндө. 

Ошол жактан келин чарчап калган баланын 42 жаштагы энеси менен таанышкан. Ушул жылдын ноябрь айында энеси 2 жаштагы уулун жаңы курбусуна таштап, Россияга иштегени кеткен. 

Маалыматка караганда, окуя тууралуу уккан эне Россиядан кайтып келген. Ал эми баланын абалы күн санап оорлой бергендиктен, кийин аны Эне жана баланы коргоо улуттук борборуна которушкан. 

Тилекке каршы, наристе өзүнө келбеген бойдон 6-декабрь күнү саат 6.30да чарчап калды. 

Аталган факты боюнча КРдин Кылмыш жана жаза кодексинин 104-беренеси ("Саламаттыкка атайылап оор залал келтирүү") менен кылмыш иши козголду. Шектелүүчү комплекстүү психологиялык экспертизадан өткөрүлүүдө. 

246
Белгилер:
жаракат, оорукана, өлүм, Бишкек
Пикирлер