Абактагы адамдар. Архив

Кыз зордуктап түрмөгө түшкөн милиционерлер... 90-жылдардагы кылмыштар

1494
(жаңыланган 21:32 10.12.2018)
Sputnik Кыргызстан агенттиги 25 жыл мурда декабрь айында чыккан гезиттерди барактап, ошол учурдагы чуулгандуу окуяларды тизмектейт.

Бул сапар 100 миң сом үчүн түрмөдө күзөттө турган жаш жоокер кылмышкердин колуна ачкыч карматканы, үч милиционердин жаш кызды паркта зордуктаганы өңдүү чуулгандуу окуялар чагылдырылат.

Погончон зөөкүрлөр

Статья в криминальной хронике газеты 1990-х годов
© Sputnik / Мирбек Сакенов
Погончон зөөкүрлөр

Милицияда чогуу иштеген үч дос түндө жумуштан чыгып кинотеатрга барган кыз-жигитке кол көтөргөн. Алар баланы катуу сабап ара жолго таштап, жанындагы сулууну паркка алып барып зордуктаган. Көп өтпөй ошол эле күнү погончондор кесиптештерин колго түшүрүп, камакка алган. Кийин жаш кызга кол салгандар темир тор артындагы адамдардан таяк жеп, ооруканага жатканга чейин жетишкен.

Мыкаачы кызганчаак жигит

Статья в криминальной хронике газеты 1990-х годов
© Sputnik / Мирбек Сакенов
Мыкаачы кызганчаак жигит

32 жаштагы жигит мамилелеш болуп жүргөн келиндин үйүнө келип, анын батириндеги жашоочуларды бычактаган. Эргул үй ээсин, анын энесин жана кызын бир нече жолу сайып жиберген. Жыйынтыгында келин менен 10 жаштагы кыз ооруканада дарыгерлердин жардамы менен аман калган. Ал эми жабырлануучунун улгайган энеси алган жаракатынан улам окуя болгон жерде көз жумган. Көрсө, бычак ала жүгүргөн эркек келиндин көптөн бери жанын койбой, ага үйлөнүү үчүн болгон аракетин жасап жүргөн экен.

Түрмөдөн качкан жоокер

Статья в криминальной хронике газеты 1990-х годов
© Sputnik / Мирбек Сакенов
Түрмөдөн качкан жоокер

Соттолуп камакта жаткан адам түрмөдө күзөттө турган жаш жоокер менен сүйлөшүп, үйүнө түн ичинде барып келе калайын деп ага 50 миң сом берген. Ал күнү кызматкер аны эркиндикке чыгарып жиберген. Андан соң ал кайра 100 миң сом берем деп алдап, түрмөдөн чыккан боюнча таптырбай кетип калган. Эртеси кылмышкердин колуна ачкыч карматкан жоокер да качып жөнөгөн. Бирок ал бир жумадан кийин милиционердин колуна түшкөн. Акчага азгырылган жигитти сот жети жылга эркинен ажыраткан. Бир нече жолу кесилген кылмышкер болсо ошол боюнча дайынын таптырган эмес.

Курал көтөргөн окуучулар

Статья в криминальной хронике газеты 1990-х годов
© Sputnik / Мирбек Сакенов
Курал көтөргөн окуучулар

Борбор калаадагы спорттук мектепте окуган үч жигит жолдон такси токтотуп, аны көздөгөн жерине айдаткан. Шектүүлөр барчу жерине жеткенде 30 жаштагы айдоочуга кол салып, бирөө тапанча менен коркутса, экинчиси ур-токмокко алган. Ал эми артында отурган үчүнчүсү таксистти шарф менен муунта баштаган. Анысы аз келгенсип, жабырлануучуну өлтүрүп салабыз деп коркутуп, колу-бутун байлап унаанын артына жүктөшкөн. Көп өтпөй машинаны шаар аралап айдап жөнөгөндөрдүн экөө укук коргоо кызматкерлеринин колуна түшүп, айдоочу аман калган. Алардын үчүнчүсү из жашырып таптырбай кеткен.

Көчөдө келинге кол салган милиционер

Статья в криминальной хронике газеты 1990-х годов
© Sputnik / Мирбек Сакенов
Көчөдө келинге кол салган милиционер

Укук коргоо органында иштеген жаран кечинде көчөдө кетип баратып, жол боюнда майда-чүдө саткан жаш келин менен жыныстык катнашка барганга аракет кылган. Өзүн токтото албаган милиционер коомдук жайда күч колдонуп, келиндин ич кийимин айрып ийгенге жетишкен. Сот аны бир жылга эркинен ажыраткан.

1494
Белгилер:
90-жылдар, газета, кылмыш, Кыргызстан
Тема боюнча
Карындашынын жылаңач сүрөтүн интернеттен көрүп... Ноябрдагы чуулуу окуялар
Киши колдуу болгон депутат, ок жеген прокурор. Жыл ичиндеги чуулуу өлүмдөр
40 миң сомго күйөөсүн көз алдында бычактатып... 90-жылдардагы кылмыштар
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

281
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

281
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

210
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

210
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

356
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

356
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда