Бурулайдын өлүмү: прокурор Бөдөшевди 23 жылга кесүүнү сурады

© Sputnik / Нурис АлымбаевСудебное заседание по делу об убийстве Бурулай Турдали кызы
Судебное заседание по делу об убийстве Бурулай Турдали кызы - Sputnik Кыргызстан
Жазылуу
Жабырлануучу тараптын жактоочулары күнөөлөнүп жаткан кишини эркинен өмүр бою ажыратууну сурады.

БИШКЕК, 10-дек. — Sputnik. Бурулай Турдали кызынын өлүмүнө шектелип жаткан Марс Бөдөшевди жабырлануучу тараптын жактоочулары өмүр бою эркинен ажыратууну суранышты. Сот жараяны учурда Свердлов райондук сотунда өтүп жатат.

Мамлекеттик айыптоочу 19 жаштагы Бурулай Турдали кызын ала качып кеткен Марс Бөдөшевди 23 жыл эркинен ажыратууну суранды. Анда күнөөлөнүп жаткан адамдын убактылуу кармоо жайында отурган бир күнү эки күнгө эсептелери айтылды. Мындан сырткары, кызды ала качууга катыштыгы бар делген Сейитовго жети жыл берүүнү сурап, анын убактылуу кармоо жайында отурган бир күнүн эки күн болуп эсептелерин кошумчалады. Прокурор күнөөлөнүп жаткандардын айыбы күбөлөрдүн көрсөтмөсү жана экспертизанын жыйынтыгы менен далилденгендигин айтты.

Сүрөтү калды тартылып... Жатакананын дубалындагы Бурулайдын элеси. Видео - Sputnik Кыргызстан
Сүрөтү калды тартылып... Жатакананын дубалындагы Бурулайдын элеси. Видео
Анткен менен каза болгон кыз тараптын жактоочусу Бөдөшевди эркинен өмүр бою ажыратууну сурады.

Эске салсак, 2018-жылы 28-майдын түнүндө 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Кыз алган жараатынан улам каза болуп, эркек киши ооруканага түшкөн.

Окуядан кийин Чүй милициясынын жетекчиси жумуштан айдалып, укук коргоо органдарынын башка кызматкерлерине дисциплинардык чара көрүлгөн.

Ал эми айыпталып жаткан киши өткөн жолу болгон сот жараянында окуя боюнча өзүнүн версиясын айткан. Аларды милициянын бөлүмүнө алып келгенден кийин "ошол маалда ким экенин билбейм, бирөө ызырынып, сөгүнүп өтүп кеткен. Мен аны карап калсам, Бурулай күлүп койгон. Ошол бойдон эмне болгонун билбейм. Көзүмдү ачсам, ооруканада жатыптырмын" деген.

Жаңылыктар түрмөгү
0