Бишкек шаарынын Свердлов райондук сотунун судьясы Санжар Чотонов Бурулай Турдали кызын ала качып милиция бөлүмүнөн өлтүрдү деп шектелип жаткан Марс Бөдөшевдин мүлкүн конфискациялоо менен 20 жылга эркинен ажыратты

Бурулайдын соту боюнча өкүм чыкты

5457
(жаңыланган 18:40 13.12.2018)
Марс Бөдөшевди мамлекеттик айыптоочу 23 жылга эркинен ажыратууну суранган болчу.

БИШКЕК, 11-дек. — Sputnik. Бишкек шаарынын Свердлов райондук сотунун судьясы Санжар Чотонов Бурулай Турдали кызын ала качып милиция бөлүмүнөн өлтүрдү деп шектелип жаткан Марс Бөдөшевдин мүлкүн конфискациялоо менен 20 жылга эркинен ажыратты, кылмышкер жазасын күчөтүлгөн тартипте өтөйт. 

Свердловский районный суд вынес приговор по делу об убийстве 19-летней Бурулай Турдали кызы, осужденный Марс Бодошев получил 20 лет лишения свободы в колонии строгого режима с конфискацией имущества.
© Sputnik / Нурис Алымбаев
Дело об убийстве 19-летней Бурулай Турдали кызы

Ал эми кылмышка катыштыгы бар деп айыпталган Акмат Сейитов 7 жылга кесилди.

Камакка алынгандар жабырлануучу тарапка материалдык чыгым үчүн 300 миң сом, моралдык чыгым үчүн 500 миң сом төлөп берүүгө милдеттендирилди. Соттун өкүмү 10 күндүн ичинде күчүнө кирет. Бул убакыт аралыгында айыпталуучу тарап Бишкек шаардык сотуна доо арыз менен кайрыла алат.

Белгилей кетсек, Марс Бөдөшев Кылмыш-жаза кодексинин 155 ("Ала качуу") жана 97-беренелери ("Адам өлтүрүү") боюнча күнөөлүү деп табылса, Акмат Сейитов 30-берене ("Кылмыш кылууга көмөк көрсөтүү") боюнча эркинен ажырады. 

Сот Чотонов Марс Бөдөшев коюлган айыпты жарым-жартылай мойнуна алганын айтты. Андан сырткары, кылмыш иши боюнча айыпталуучулардын күнөөсү толугу менен далилденгенин кошумчалады. Ошондой эле Бурулайды Бөдөшев өлтүргөнүндө шек жок деген чечим чыкканын билдирди.

Айыпталуучулар Бөдөшев менен Сейитов өкүм чыгардын алдында акыркы сөзүн сүйлөп, соттон ишти адилеттүү карап берүүнү суранышкан.

Белгилей кетсек, мамлекеттик айыптоочу 19 жаштагы Бурулай Турдали кызын өлтүрдү деп айыпталып жаткан Марс Бөдөшевди 23 жылга эркинен ажыратууну суранган

Сүрөтү калды тартылып... Жатакананын дубалындагы Бурулайдын элеси. Видео
© Sputnik / Эмиль Садыров , предоставлено Миргуль Турдалиевой
Эске салсак, 2018-жылдын 28-майынын түнүндө 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Кыз алган жараатынан улам каза болуп, эркек киши ооруканага түшкөн.

Окуядан кийин Чүй милициясынын жетекчиси жумуштан айдалып, укук коргоо органдарынын башка кызматкерлерине дисциплинардык чара көрүлгөн.

Ал эми айыпталып жаткан киши өткөн жолу болгон сот жараянында окуя боюнча өзүнүн версиясын айткан. Аларды милициянын бөлүмүнө алып келгенден кийин "ошол маалда ким экенин билбейм, бирөө ызырынып, сөгүнүп өтүп кеткен. Мен аны карап калсам, Бурулай күлүп койгон. Ошол бойдон эмне болгонун билбейм. Көзүмдү ачсам, ооруканада жатыптырмын" деген.

5457
Белгилер:
соттук чечим, сот, Марс Бөдөшев, Бурулай Турдали кызы, Бишкек
Тема:
Милиция бөлүмүндө бычакталган Бурулай (37)
Тема боюнча
Жаныман ызырынган бирөө өткөн. Бурулайдын өлүмүнө шектүү Бөдөшев өз версиясын айтты
Бурулайдын өлүмү боюнча сот отурумунда мушташ чыкты. Видео
Бурулайдын өлүмү: криминалист сотто берген көрсөтмөлөрүндө жаңылууда
ӨКМ кызматкери өрт жеринде. Архивдик сүрөт

Түндө Бишкекте азык-түлүк саткан дүкөн өрттөнүп кетти. Видео

129
(жаңыланган 10:42 23.01.2021)
Өрт түнкү үчтөрдө чыгып, ага куткаруучулардын бир бөлүмү тартылган. Дүкөндөгү азык-түлүктөр менен 11 муздаткыч жана кондиционер күйүп кеткен.

БИШКЕК, 23-янв. — Sputnik. Бишкекте түндө дүкөн өрттөнүп кеткенин ӨКМдин маалымат кызматы кабарлады.

"Короче" Telegram-каналы өрттүн видеосун жарыялады.

23-январга караган түнү 5-кичи районундагы №48 үйдүн жанында жайгашкан азык-түлүк саткан дүкөндөн өрт чыккандыгы тууралуу маалымат түшкөн. Өрттү өчүрүүгө саат 02:39да Октябрь районунан бир бөлүм тартылган.

Тилсиз жоо саат 03:36да чектөөгө алынып, 04:30да толук өчүрүлгөн.

"Кийинчерээк дүкөндүн аянты 50 чарчы метр экени аныкталды. Ошондой эле азык-түлүктөр менен биргеликте 11 муздаткыч жана кондиционер күйүп кеткен", — деп айтылат маалыматта.

Өрткө электр жабдыктарын орнотуудагы эреже бузуулар себеп болгон.

129
Белгилер:
дүкөн, өрт, ӨКМ, Бишкек
Тема боюнча
Бала бакчадагы өрт. Милиция күйүп жаткан имараттагы адамдарды сыртка чыгарып кеткен
Кол кишен кармаган ИИМ кызматкерлери. Архив

"Ботош" каймана аты бар уюшкан кылмыштуу топтун мүчөсү кармалды

168
(жаңыланган 17:26 22.01.2021)
Ысык-Көлдө бир катар кылмыштарды жасаган деген шек менен кармалган "Ботоштун" кримтөбөл Камчы Көлбаевдин кылмыштуу тобунда мүчө экени аныкталган.

БИШКЕК, 22-янв. — Sputnik. Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды. Бул тууралуу УКМКнын басма сөз кызматы кабарлады.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды

Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

2020-жылдын сентябрь айында Ысык-Көл облустук сотунун чечими менен "Ботошту" камакка алуу түрүндөгү бөгөт чарасы үй камагына өзгөртүлгөн.

УКМК тарабынан уюшкан кылмыштуу топторго каршы тиешелүү иш-чаралар жүрүп жатканы кошумчаланды.

168
Белгилер:
УКМК, уюшкан кылмыштуу топ
Тема боюнча
Автомат такап, баса калып... Спецназ кримтөбөл "Алтуханы" кармаган видео
Тулпар долбоорунун ЖМК менен иш алып баруу боюнча адиси Бекжан Акматбеков

Акматбеков: "Тулпар" тиркемеси аркылуу транспорттун кыймылын көрүүгө болот

0
"Тулпар" долбоорунун ЖМК менен иш алып баруу боюнча адиси Бекжан Акматбеков адистер Бишкек шаарынын тургундары тиркеме аркылуу транспорттун кыймылын көрүүгө мүмкүнчүлүк берген функцияны кошуунун үстүндө иштеп жатышканын айтты.
Акматбеков: "Тулпар" тиркемеси аркылуу транспорттун кыймылын көрүүгө болот

Акматбековдун айтымында, 2020-жылдын аягында активдүү жүргүнчүлөрдүн арасында конкурс уюштурулуп, бир ай бекер жүрүү үчүн карта белекке берилген.

"Долбоор ишке киргенден бери Бишкектиктер 140 миңге жакын көк стандарттык карталарды сатып алышты. 42 миңден ашык кызыл карталар жеңилдетилген категориядагы жарандарга берилди жана дээрлик 10 миңдей мектеп окуучулары жашыл карталарга ээ болду. Эми мектеп карталарын долбоордун сайтынан онлайн режимде алса болот. Ошондой эле биз жакында NFC технологиясынын жардамы менен төлөмдөрдү аралыктан жүргүзүү мүмкүнчүлүгүн киргиздик. Эми виртуалдык картаны Android смартфондору аркылуу алып, жүрүү акысын төлөй аласыз. Ал 31-январга чейин акысыз", — деди Акматбеков.

Адис былтыр Бишкекте 1-марттан баштап муниципалдык транспортко жол кирени төлөө электрондук карталар аркылуу жүргүзүлө баштаганын эске салды.

0
Белгилер:
"Тулпар" электрондук төлөм системасы, карта, электрондук билет
Тема боюнча
Бишкекте картасыз, нак акча менен төлөнчү жол кирени кымбаттатуу пландалууда