Токтогулда минивэн жүк ташуучу унаа менен кагышып үч адам каза болду

© Sputnik / Владимир Сергеев / Медиабанкка өтүүЖолдогу автоунаа. Архив
Жолдогу автоунаа. Архив - Sputnik Кыргызстан
Жазылуу
Алдын ала маалыматтар боюнча минивэндин айдоочусу руль башкарып баратып уктап кеткен.

БИШКЕК, 13-дек. — Sputnik. Токтогул районунда Mitsubishi Delica үлгүсүндөгү автоунаа жүк ташуучу унаа менен кагышып, үч адам каза болду. Бул туурасында Жалал-Абад облустук Жол кыймылы коопсуздугун камсыздоо башкармалыгынан билдиришти.

Маалыматка караганда, жол кырсыгы бүгүн, 13-декабрда, таңкы саат 5.50 чамасында Бишкек — Ош жолунун 307-чакырымында болгон.

"Кырсыктын кесепетинен Mitsubishi Delica унаасынын айдоочусу эки жүргүнчүсү менен мерт болду. Ушул эле машинада бараткан дагы үч адам жаракат алып ооруканага жеткирилди", — деп билдиришти милициядан.

Ал эми жүк ташуучу унаанын айдоочусу жаракат алган эмес. Жеринде укук коргоо органдары иштеп жатат. Алдын ала маалыматтар боюнча минивэндин айдоочусу руль башкарып баратып уктап кеткени айтылууда.

Жаңылыктар түрмөгү
0