Банковские сейфы (ячейки). Архивное фото

Сыр болчу, эч ким билбеши керек эле! Финчалгындоо кызматы ячейка чуусу тууралуу

914
(жаңыланган 09:34 21.12.2018)
Социалдык тармактарга Финансылык чалгындоо кызматы банктардан эсептердин жана ячейкалардын ээлери боюнча маалыматты талап кылган каттын сүрөтү тараган.

БИШКЕК, 18-дек. — Sputnik. КРдин Финансылык чалгындоо кызматы коммерциялык банктардан эсептердин жана ячейкалардын ээлери боюнча маалыматты талап кылганы ачыкка чыкпашы керек болчу. Бул тууралуу аталган кызматтын маалымат катчылыгы билдирди.

Эске салсак, социалдык тармактарга Финансылык чалгындоо кызматы банктардан эсептердин жана ячейкалардын ээлери боюнча маалыматты талап кылган каттын сүрөтү тарап кеткен. Анда "Террористтик ишти каржылоо жана кылмыштуу кирешелерди легализациялоого (адалдоого) каршы аракеттенүү жөнүндөгү" мыйзамга ылайык, банктар өз кардарлары тууралуу маалыматтарды 2018-жылдын 17-декабрына чейин бериши керектиги айтылган. Ошондой эле бул реестр мыйзамсыз кирешелерге каршы иштөөгө колдонулары көрсөтүлгөн.

Ал эми Финансылык чалгындоо кызматы бул документ жөнүндө эч ким билбеши керек болчу деген пикирин айтты.

"Биз мыйзам чегинде гана иш алып барабыз. Ал эми бул документ капысынан ачыкка чыгып калыптыр. Мындай маалыматтар купуя сыр болуп эсептелет. Андыктан мындан ары эч нерсе айта албайбыз", — деп айтылат билдирүүдө.

Кат боюнча маалыматты "Кыргызстандын банктар союзунун" төрагасы Анвар Абдраев дагы тастыктады. Ал 24.kg агенттигине коммерциялык банктар документти талкуулаганын билдирди.

"Биз бир жыйынтыкка келдик. Бул талап Конституцияга жана мыйзамдарга каршы келип, банк системасынын имиджине терс таасирин тийгизет", — деди Анвар Абдраев.

Мындан тышкары, төрага Финансылык чалгындоо кызматынын аракети экономикага көлөкөсүн түшүрүп, Кыргызстанды инвесторлор үчүн "жаап" коерун кошумчалады.

914
Белгилер:
банк, маалымат, Кыргызстан
Тема боюнча
"Оптима банк" Зилалиевдин банктан алынган акчасы тууралуу видеонун чоо-жайын айтты
Чекисттер Зилалиевдин банктагы 900 миң долларын чыгарган видео
Баткенде дамба жырылышы

Баткенде дамба жырылып 1500 адам эвакуацияланды. Сүрөт

6
(жаңыланган 13:52 07.05.2021)
6-майдан 7-майга караган түнү нөшөрлөп жааган жамгырдан улам Кадамжайдагы дамба 4-5 жеринен жырылып кеткен.

БИШКЕК, 7-май — Sputnik. Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты. Бул тууралуу ӨКМден билдиришти.

  • Прорыв дамбы № 12 из-за проливных дождей в селе Орукзар Кадамджайского района
    Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты
    © Фото / пресс-служба МЧС КР
  • Прорыв дамбы № 12 из-за проливных дождей в селе Орукзар Кадамджайского района
    Кечээ, 6-майда, саат 23:13тө Кадамжай районундагы Өрүкзар айылында нөшөрлөп жааган жамгырдан улам № 12 дамба 4-5 жеринен жырылып, Кайтмас жана Өрүкзар айылдарына коркунуч жараткан
    © Фото / пресс-служба МЧС КР
1 / 2
© Фото / пресс-служба МЧС КР
Баткен облусунда дамба жырылгандыгына байланыштуу 1 500гө жакын тургун эвакуацияланып, учурда кайра үйлөрүнө кайтышты

Кечээ, 6-майда, саат 23:13тө Кадамжай районундагы Өрүкзар айылында нөшөрлөп жааган жамгырдан улам № 12 дамба 4-5 жеринен жырылып, Кайтмас жана Өрүкзар айылдарына коркунуч жараткан. Мындан улам жергиликтүү тургундар эвакуацияланган.

Болжол менен саат 04:00дө суунун деңгээли төмөндөп, айыл жашоочулары үйлөрүнө кайтышкан. Жеринде 30 куткаруучу иштеп жатат.

6
Белгилер:
ӨКМ, дамба, Кадамжай, Баткен
Тема боюнча
Баткенден эвакуациялангандардын так саны белгилүү болду
Киши Дело папкасын алып жатат. Архив

Бишкекте шаар куруудагы чаржайыт пландан казына 20 млн. сом зыян тарткан

26
(жаңыланган 11:55 07.05.2021)
Бишкек шаарынын борбордук бөлүгүн курууда мекеме жетекчилери кызмат абалынан кыянаттык менен пайдаланып, казынага зыян алып келген. Учурда бул иш боюнча сотко чейинки өндүрүш башталды.

БИШКЕК, 7-май — Sputnik. Бишкек шаардык прокуратурасы Мамлекеттик шаар куруу жана архитектура институтунун, шаардык мэриянын Капиталдык курулуш башкармалыгынын, ошондой эле "Бишкек башкы архитектура" муниципалдык ишканасынын жооптуу кызматкерлери тарабынан одоно мыйзам бузулгандыгын аныктады. Бул тууралуу Башкы прокуратуранын маалымат кызматы билдирди.

Аталган мекемелердин кызмат адамдары мамлекеттин кызыкчылыгына каршы ченемдик-укуктук актылардын талаптарын бузуп, баш калаанын борбордук бөлүгүн пландаштыруу долбоорун иштеп чыгууда тиешелүү шарттарды аткарбастан, аны бекитүү үчүн Бишкек шаардык кеңешине сунушташкан. Анын кесепетинен функционалдык курулуш зоналары боюнча туура эмес долбоордук чечимдер кабыл алынып, бак-дарактар үчүн бөлүнгөн жашыл тилкелерди пайдалануучулардын жана айрым объектилердин ээлеринин укуктары бузулган.

Мындан сырткары, Шаар куруу жана жер титирөөгө туруктуу курулуш мамлекеттик илим-изилдөө долбоорлоо институту, Мамлекеттик картографиялык-геодезиялык кызматы жана "Бишкек башкы архитектура" муниципалдык ишканасы тарабынан топографиялык иш кагаздардын туура эмес даярдалганы анык болгон. Мунун натыйжасында курулган имараттардын координатташтырылган бурчтарынан айырмачылыктар табылган.

Жогорудагы мыйзам бузууларга карабастан, мэриянын Капиталдык курулуш башкармалыгынын жетекчилери 22 111 563 сомго талапка жооп бербеген иштерди кабыл алып, натыйжада мамлекетке өзгөчө ири өлчөмдө материалдык зыян келтирилген.

Материалдар Кылмыш жана жоруктардын бирдиктүү реестрине Жазык кодексинин 320-беренеси ("Кызмат абалынан кыянаттык менен пайдалануу") менен катталып, сотко чейинки өндүрүш иши башталды.

26
Белгилер:
мыйзам бузуулар, курулуш, прокуратура, Бишкек
Тема боюнча
Бишкектин жаңы башкы планы тез арада иштелип чыкмай болду