Дубинка кармап турган адам. Архив

Ошто аялдын үйүн карактады делип 2 эркек, 3 кыз кармалды. Анын экөө өспүрүм

814
(жаңыланган 13:38 25.12.2018)
Шектүүлөр аялдын үйүнө күндүзү эле кирип, бычак такап коркутуп карактап кетишкен.

БИШКЕК, 24-дек. — Sputnik. Ош шаарында үй карактоого шектелип эки улан жана үч кыз кармалды. Бул туурасында шаардык милициянын маалымат кызматы билдирди.

Задержанные по подозрению в вооруженном налете в Оше
© Фото / пресс-служба УВД города Ош
Задержанные по подозрению в вооруженном налете в Оше

Шектүүлөр 23-декабрь күнү саат 17:30дар чамасында Абсамат Масалиев көчөсүндө жайгашкан көп кабаттуу үйлөрдүн биринде жашаган 21 жаштагы аялдын үйүнө кирген.

"Тобу менен кирген каракчылар үй ээсине бычак кезеп коркутуп, 1500 доллар, 13 000 сом акчасын, кымбат баалуу iPhone-6 үлгүсүндѳгү уюлдук телефонун, баасы 3500 сомдук курткасын жана башка буюмдарын алып кеткен. Окуя болгон жерге ыкчам тергөө тобу барган. 24-декабрга караган түнү кылмышка шектелип Ош шаары жана облусунда жашаган эки эркек менен үч кыз кармалды. Алардын экөө 18ге чыга элек өспүрүм", — деп айтылат маалыматта.

Аталган факты боюнча 168-берене ("Каракчылык") менен кылмыш иш козголду. Тергөө иштери жүрүп жатат.

Өздүк булактардын билдиришинче, бул окуяга шектелип кармалгандардын арасында буга чейин социалдык тармактарда бир кызды канжалата сабаган видеосу тарап кызуу талкуу жараткан "Бема ХБКовская" бар.

Милиция ал кыз мурда дагы эки ирет уурулук жана бейбаштык кылып соттолгонун маалымдаган.

814
Белгилер:
Ош, кылмыш, каракчылык
Тема боюнча
Ошто окуучуну сабаган 16 жаштагы кыз эки ирет соттолгон. Окуянын чоо-жайы
Ошто кыздар кайрадан мушташтыбы? Интернетте тараган видеого түшүндүрмө
Өрттөнгөн унаа. Архивдик сүрөт

ӨКМ: Бишкекте түн ортосунда эки автоунаа өрттөндү. Видео

77
(жаңыланган 10:49 01.12.2021)
Саат 3.20да чыккан өрт 20 мүнөттөн кийин чектөөгө алынып, 4:08де толугу менен өчүрүлгөн. Учурда өрттүн себеби такталууда.

БИШКЕК, 1-дек. — Sputnik. Бишкекте өткөн түнү катар турган эки автоунаа өрттөндү. Бул тууралуу ӨКМден билдирди.

Министрликтин Facebook тармагындагы баракчасына окуя болгон жерден тартылган видео жүктөлдү.

"1-декабрга караган түнү саат 03:20лар чамасында Худайбергенов көчөсүндө жолдун жээгинде токтоп турган Mercedes-Benz жана Toyota Camry үлгүлөрүндөгү автоунаалардан өрт чыкты. Биринчи машина толугу менен өрттөнсө, экинчисинин бампери күйгөн", — деп айтылат билдирүүдө.

Өрт саат 03:50дө чектөөгө алынып, 4:08де толугу менен өчүрүлгөн. Учурда кырсыктын себеби такталууда.

77
Белгилер:
Бишкек, автоунаа, ӨКМ, өрт, видео
Тема боюнча
Мэрия: Бишкекте өрт кырсыгы жана андан каза болгондордун саны өсүүдө
Чычканда өрттөнгөн бензовоздун ичинен кишинин сөөгү табылды. Кырсыктын сүрөтү
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

187
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

187
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Жогорку Кеңештеги депутаттын орун жайы. Архивдик сүрөт

Үч депутаттын кол тийбестигин карачу комиссия түзүлдү. Курамы

0
(жаңыланган 12:32 01.12.2021)
Комиссиянын чечимине карап парламент кылмыш жоопкерчилигине тартууга макулдук берүү же бербөө маселеси добуш берүү менен чечилет.

БИШКЕК, 1-дек. — Sputnik. Жогорку Кеңештин депутаттары Асылбек Жээнбеков, Төрөбай Зулпукаров жана Бакыт Жетигеновдун кол тийбестигин ажыратуу сунушун иликтөөчү депутаттык комиссия түзүлдү.

Башкы прокурор Курманкул Зулушев аталган эл өкүлдөрүн кылмыш жоопкерчилигине тартууга макулдук берүүнү сураган. Анын сунуштамасын кароо үчүн комиссиянын курамына жети депутат кирди. Алар төмөнкүлөр:

  • КСДПдан Евгения Строкова;
  • "Республика Ата-Журт" фракциясынан Авазбек Абдугапаров;
  • "Кыргызстан" фракциясынан Алмаз Токторов;
  • "Кыргызстан" фракциясынан Канат Исаев;
  • "Өнүгүү" фракциясынан Тазабек Икрамов;
  • "Бир бол" фракциясынан Мамасадык Бакиров;
  • "Ата Мекен" фракциясынан Эмил Токтошев.

Комиссиянын курамына кирген эл өкүлдөрү бир айлык мөөнөттүн ичинде иликтеп, парламентке баяндама жасашы керек. Андан соң кылмыш жоопкерчилигине тартууга макулдук берүү же бербөө маселеси добуш берүү менен чечилет.

Буга чейин да 27-ноябрда эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

Белгилей кетсек, Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

0
Белгилер:
Жогорку Кеңеш, депутат, Асылбек Жээнбеков, кол тийбестик, комиссия
Тема боюнча
Беш депутат келди. Парламенттин кезексиз жыйыны кворум жок өтпөй калды