Собрание сельчан Мин-Булак против месторождения Солтон-Сары

Солтон-Сары кенин кытайлыктардын иштетүүсүнө каршыбыз! Нарын эли жыйын курууда

1549
(жаңыланган 10:23 28.12.2018)
Алтын кенди иштетүү үчүн Кытайдын Zhong Ji Mining компаниясы лицензия алган.

БИШКЕК, 27-дек. — Sputnik. Нарын облусунун Миң-Булак айылынын тургундары Солтон-Сары алтын кенине байланыштуу жыйын өткөрүүдө. Бул тууралуу Sputnik Кыргызстан агенттигине жергиликтүү тургун Саламат Зарылдык уулу билдирди.

Анын айтымында, жергиликтүү калк кытайлыктардын кенди иштетүүсүнө каршы болууда.

  • Нарын облусунун Миң-Булак айылынын тургундары Солтон-Сары алтын кенине байланыштуу жыйын өткөрүүдө.
    Нарын облусунун Миң-Булак айылынын тургундары Солтон-Сары алтын кенине байланыштуу жыйын өткөрүүдө.
    © Фото / Саламат Закирбек уулу
  • Собрание сельчан Мин-Булак против месторождения Солтон-Сары
    Жергиликтүү калк кытайлыктардын кенди иштетүүсүнө каршы болууда.
    © Фото / Саламат Закирбек уулу
1 / 2
© Фото / Саламат Закирбек уулу
Нарын облусунун Миң-Булак айылынын тургундары Солтон-Сары алтын кенине байланыштуу жыйын өткөрүүдө.

"Тообуз тоо бойдон, жайытыбыз жайыт бойдон калышын талап кылып жатабыз. Комбинат салууга өкмөт уруксат бериптир, кагазы бар экен. Ошол документтерди жокко чыгартуу үчүн жыйынга чогулдук. Бул алтын кенди иштетүү үчүн Кытайдын Zhong Ji Mining компаниясы лицензия алыптыр. Азыр жолун сала башташты, эмдиги жылы комбинат курулат деп жатышат. Бирок жергиликтүү тургундар аны курдурууга жол бербейбиз", — деди Зарылдык уулу.

Нарын районунун акими Семетей Черикбаев маалыматты тастыктап, жергиликтүү эл менен өзү баш болуп айыл өкмөт башчысы, кытай компаниясынын юристтери жолугуп жыйын өткөрүп жатканын кошумчалады.

Солтон-Сары кени Нарын облусундагы Капка-Таш тоосунун түндүк капталында жайгашып, деңиз деңгээлинен 3500-3600 метр бийиктикте жайгашкан. Алтын кен "Кыргызалтын" ААКсына карайт. 

1549
Белгилер:
Нарын, Кытай, эл, алтын кени
Тема боюнча
Англия менен Индияга сатылган сурьма. Баткендин өндүрүшү кандай абалда
Ооруканадагы бейтап. Архив

Бир суткада коронавирус 10 адамдын өмүрүн алды

9
(жаңыланган 14:45 01.08.2021)
Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 бейтаптын абалы оор болсо, 222синин абалы өтө оор деп бааланды.

БИШКЕК, 1-авг. — Sputnik. Өткөн суткада өлкө боюнча коронавирустан 10 бейтап көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Каза болгондор:

  • Бишкек шаары — 5;
  • Ысык-Көл — 3;
  • Нарын — 1;
  • Жалал-Абад — 1.

Ушуну менен Кыргызстанда жалпысынан 2 335 адам дарттын курмандыгы болду.

Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 кишинин абалы оор болсо, 222 бейтаптын абалы өтө оор деп бааланды. Бүгүнкү күндө 10 369 адам үй шартында дарыланып жатканы кошумчаланды.

9
Белгилер:
Кыргызстан, коронавирус, оору, дарт, өлүм, статистика
Тема:
Коронавируска байланыштуу Кыргызстандагы кырдаал
Тема боюнча
COVID жуктургандарга Бишкек жана Чүйдүн ооруканаларындагы бош орундар
Кыргызстанда бир суткада 17 миңден ашык адам вакцина алды
Чүйдүн Кемин районунда автоунаа жолдон чыгып оодарылып кеткен

Кеминде автоунаа жолдон чыгып кетип, 20 жаштагы улан көз жумду. Сүрөт

66
Кырсык Бишкек — Нарын — Торугарт унаа жолунун 133-чакырымында болгон. Куткаруучулар жигиттин сөөгүн Тез жардам кызматына өткөрүп берген.

БИШКЕК, 1-авг. — Sputnik. Чүйдүн Кемин районунда автоунаа жолдон чыгып оодарылып кеткен. Анын кесепетинен 20 жаштагы улан каза болду. Бул тууралуу ӨКМдин маалымат кызматы кабарлады.

Ага ылайык, кырсык Бишкек — Нарын — Торугарт унаа жолунун 133-чакырымында болгон. Анда Honda Fit үлгүсүндөгү автоунаанын айдоочусу жолдон чыгып оодарылып кеткен.

"Жол кырсыгынан Э.И. аттуу 20 жаштагы жигит көз жумган", — деп айтылат маалыматта.

Жерине ӨКМдин Кемин районундагы төрт куткаруучусу тартылган. Алар каза болгон баланын сөөгүн автоунаадан чыгарып, Тез жардам кызматына өткөрүп берген.

66
Белгилер:
Чүй облусу, Кемин району, жол кырсык, жигит, өлүм, ӨКМ
Тема:
2021-жылдын башынан бери Кыргызстанда болгон жол кырсыктар
Тема боюнча
Унаанын таш-талканы чыккан. Боомдогу үрөй учурган жол кырсыктын видеосу