Случаи семейного насилия

Бишкекте түкүрдү делген аялдын чуусу. Окуя чындыгында кандай болгон

6595
(жаңыланган 09:34 08.01.2019)
Аялды түкүргөндүгү үчүн эмес, күйөөсү өрт чыгып кетиши мүмкүн жайда тамеки чеккендиги үчүн эскертүү берилип жаткан маалда түшүнбөстүктөр болгону айтылат.

БИШКЕК, 7-янв. — Sputnik. Бишкекте жерге түкүрдү делген аял менен милиция кызматкерлеринин жакалашып жаткан видеосунда маалымат бурмаланган. Бул тууралуу Ош облустук милициясынын маалымат кызматы билдирди.

Эске салсак, 6-январь күнү социалдык тармактарда Бишкекте жерге түкүрдү деген аял менен милиция кызматкерлеринин жакалашып жаткан видеосу тараган

"Окуя Ош облусунда болгон. Анда аялды түкүргөндүгү үчүн эмес, күйөөсү өрт чыгып кетиши мүмкүн жайда тамеки чеккендиги үчүн эскертүү берилип жаткан маалда түшүнбөстүктөр болгон. Жарандын достору видеого тартып туура эмес маалымат таркатышкан", — деп айтылат билдирүүдө.

Тыюу салынган жайда чылым чеккен жаранга милиция тарабынан түшүндүрүү иштери жүргүзүлүп, ал тиешелүү документке кол коюп берген соң үйүнө жиберилди.

Мындан улам укук коргоо органдары өз милдетин аткарып жаткан милиция кызматкерлерине тоскоолдук жаратып, жагдайга баа бербей эле дароо видеого тартып, туура эмес маалыматтарды таратпоого чакырат.

Белгилей кетсек, 1-январдан тарта күчүнө кирген Эреже бузуулар жөнүндөгү кодекстен жана 2006-жылы кабыл алынган "КР жарандарынын ден соолугун тамекинин жана аны керектөөнүн зыяндуу таасиринен коргоо жөнүндөгү" мыйзамындагы (акыркы жолу 2017-жылы редакцияланган) маанилүү нерселер топтолду. Ага ылайык, чылым чегүүгө тыюу салынган жайлардын тизмеси дагы жарыяланган

6595
Белгилер:
чылым, аял, күйөө, мыйзам, видео, милиция, Ош облусу
Тема:
Түкүргөндөргө салынган айып пул (22)
Тема боюнча
Бишкекте жерге түкүрдү деген аял менен милиционерлер жакалаша кетти. Видео
Бишкекте түкүргөндөргө 5500 сом айып салынат

Имараттарды кыйраткан ракеталар. Газа тилкесинен тартылган видео

303
(жаңыланган 18:49 14.05.2021)
Израиль армиясынын Газага абадан урган соккуларынан улам курман болгондордун саны өсүүдө. Алардын арасында аялдар менен балдар бар. Расмий маалыматтар боюнча, 119 адам каза таап, жүздөгөн киши жаракат алган.

Израиль менен Палестинанын ортосундагы конфликт 10-май күнү кечинде курчуган. Эки жак тең ракета менен аткылоону токтотпой жатат.

Газа тилкесинен 1 500дөн ашык ракета коё берилген. Израиль дагы ХАМАС кыймылына жооп кайтарууда.

Буга чейин ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Ал эми 7-майда палестиналыктар менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

303
Белгилер:
мечит, Палестина, Израиль
Тема боюнча
Эмнеге Пентагонго Борбор Азияда орун жок? Сереп
Кишенчен киши. Архив

Бишкекте энеси менен кызын өлтүрүүгө шектелип өспүрүм кармалды

129
(жаңыланган 18:18 14.05.2021)
Милициянын маалыматы боюнча, кармалган шектүү буга чейин соттолгон. Ал Ысык-Көл облусунда окуп, 2018-жылдан бери Токмок шаарында жашап келген.

БИШКЕК, 14-май — Sputnik. Милиция Бишкектин борборунда эки аялды өлтүрүүгө шектүү катары 16 жаштагы Ж.М. аттуу жаранды колго түшүрдү. Бул тууралуу Свердлов райондук милициянын маалымат кызматы билдирди.

Бишкектеги Жибек жолу жана Ибраимов көчөлөрүнүн кесилишиндеги турак үйлөрдүн биринде киши колдуу болгон эки аялдын сөөгү табылганы тууралуу кабар укук коргоо органдарына 12-майда саат 11:25те келген. Окуя болгон жерге барган милиция каза болгондор 63 жаштагы А.А. жана анын 31 жаштагы А.А. аттуу кызы экенин аныкташкан. Маркумдардын денесинде зомбулуктун издери байкалган. Шаардык милиция Кылмыш кодексинин 130-беренеси ("Эки же андан көп адамды өлтүрүү") боюнча кылмыш ишин козгогон. 13-майда тергөөчүлөр кылмышкердин изине түшкөн.

Маалыматка ылайык, шектүү буга чейин соттолгон, Ысык-Көл облусунун тургуну.

"Шектүү жаран мыйзамдуу өкүлдөрү, жактоочусунун катышуусунда өткөрүлгөн суракта жасаган ишин мойнуна алган. Мындан сырткары, атайын тергөө амалдарынын жүрүшүндө кылмыш жасоодо колдонулган далил буюмдарды берген. Ал сотко чейинки өндүрүшкө камтылды", — деп айтылат ШИИБдин билдирүүсүндө.

Мындан сырткары, шектүү Ысык-Көл облусунда орто мектепте 7-класска чейин окуп, 2018-жылы Чүйдүн Токмок шаарына көчүп келип жашаганы аныкталган.

Алдын ала маалыматка ылайык, 31 жаштагы аял өлөр алдында зордукталган.

129
Белгилер:
шектүү, адам өлтүрүү, аялдар, милиция, Бишкек
Тема боюнча
Өзгөндө таксистти өлтүрүп, сөөгүн өрттөп салган өспүрүмдөргө өкүм чыкты
Лебединовкада кыз ала качууга шектелген жаран милицияга өзү келди
Ооруканадагы дарыгерлер. Архив

Өткөн суткада 404 киши коронавирус жуктуруп, 8 бейтап каза болду

19
(жаңыланган 11:11 15.05.2021)
Азыркы тапта 1 717 бейтап стационарда дарыланууда. Анын ичинен 449 бейтаптын абалы оор болсо, 90 кишиники өтө оор деп бааланууда.

БИШКЕК, 15-май — Sputnik. Өткөн суткада коронавирус 404 кишиден табылып, 349 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары – 294;
  • Ош шаары – 4;
  • Чүй облусу – 65;
  • Ош облусу – 2;
  • Талас облусу – 1;
  • Нарын облусу – 9;
  • Ысык-Көл облусу – 20;
  • Жалал-Абад облусу – 9.

Ушуну менен илдет илештиргендердин жалпы саны 100 249га жетти. Анын ичинен 93 302 бейтап дартты жеңген.

Айыккандар:

  • Бишкек шаары – 200;
  • Ош шаары – 6;
  • Чүй облусу – 97;
  • Ош облусу – 2;
  • Нарын облусу – 14;
  • Ысык-Көл облусу – 21;
  • Жалал-Абад облусу – 8;
  • Баткен облусу – 1.

Тилекке каршы, бир сутка ичинде коронавирустан сегиз киши каза тапкан. Анын төртөө Бишкектен болсо, үчөө Чүйдөн, дагы бири Талас облусунан экени айтылды. Ушуну менен каза тапкандардын саны 1 695ке жетти.

Азыркы тапта 1 717 бейтап стационарда дарыланууда. Анын ичинен 449 бейтаптын абалы оор болсо, 90 кишиники өтө оор деп бааланууда.

19
Белгилер:
статистика, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Лабораториялык борбордун жетекчиси: вирус барган сайын өзгөрүп жатат
ТИМ Түркияга бара турчуларга сактык полисин алууну эскертти. Артыкчылыгы