Бычак. Архивдик сүрөт

Ошто 45 жаштагы аял бычакталып, шектүү катары күйөө баласы кармалды

667
(жаңыланган 12:51 08.01.2019)
Аялдын колдоруна, санына жана чекесине бычак тийген.

БИШКЕК, 7-янв. — Sputnik. Кара-Суу районунда күйөө баласы кайненесине бир нече жолу бычак сайды. Бул маалыматты Ош облустук милициясынын басма сөз кызматы тастыктады.

Окуя 3-январь күнү болгону айтылууда.

"Кара-Суу милициясына колдоруна, санына бачак сайылган 45 жаштагы аял ооруканага жеткирилгендиги боюнча маалымат түшкөн. Бычактын мизи жабырлануучунун чекесине дагы тийген. Райондук милициянын ыкчам-тергөө тобу окуя болгон жерге барган. Маалыматка караганда, аялдын үйүнө күйөө баласы келип, эч себепсиз эле өзү көтөрө келген бычак менен бир нече жолу сайган", — деп айтылат маалыматта.

Шектүү катары 22 жаштагы Кара-Суу районунун тургуну кармалып, КРдин Кылмыш жана жаза кодексинин 266-беренесинин ("Ээнбаштык") негизинде кылмыш иши козголду.

667
Белгилер:
күйөө бала, аял, бычак, Ош облусу
Тема боюнча
Бишкекте түкүрдү делген аялдын чуусу. Окуя чындыгында кандай болгон
Шеригин бычактап, башын бакчага ыргытып ийген... 90-жылдардагы кылмыштар
Кармалган киши кишенчен. Архив

Бука сатып берем деген. Ошто элди 1,5 млн. сомго алдап кеткен адам кармалды

73
(жаңыланган 13:55 27.11.2020)
Элди алдап жүргөн адам Аравандын Кайрагач-Арык айылынын 38 жаштагы тургуну болуп чыкты. Учурда ал Араван РИИБинин убактылуу кармоочу жайында.

БИШКЕК, 27-ноя. — Sputnik. Ош облусунун Араван районунда жашоочулардан ири өлчөмдөгү акча алып, бербей качып жүргөн адам кармалды. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.

Анын айтымында, милицияга Ош облусунун жана Ош шаарынын жети тургуну арыз менен кайрылган. Алар Аравандын К.Г. аттуу тургуну багылган букаларын сатып, акчасын берем деп алдап, качып жүргөнүн билдиришкен.

Жалпы келтирилген чыгым 1 миллион 558 миң 800 сомду түзгөн.

"Аталган арыз боюнча ыкчам-иликтөө иштери жүрүп, жыйынтыгында Аравандын Кайрагач-Арык айылынын 38 жаштагы К.Г. аттуу тургуну кармалды. Ал Ош облусунда адамдардын ишеничине кирип, алдамчылык менен алектенип жүргөн", — деди Ашырбаев.

Колго түшүрүлгөн киши Араван РИИБинин убактылуу кармоочу жайына киргизилген. Азыркы учурда тергөө амалдары жүргүзүлүп жатканы айтылды.

73
Белгилер:
милиция, арыз, мал, алдамчылык, Араван району, Ош
Тема боюнча
Ошто тепкичтен автоунаа менен чыккан адам мурдагы милиционер экени такталды. Видео
 Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев. Архивдик сүрөт

Президенттин ЖКдагы өкүлү Курманбек Дыйканбаев эки айга камалды

62
(жаңыланган 13:01 27.11.2020)
Дыйканбаев парламенттик шайлоо маалында мамлекеттик ишкананын жетекчисин коркутуп, андан 7 миллион сом алган деп айыпталууда.

БИШКЕК, 27-ноя. — Sputnik. Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев эки айга УКМКнын тергөө абагына киргизилди. Бул тууралуу Биринчи май райондук сотунун маалымат кызматы кабарлады.

Дыйканбаевдин баш коргоо чарасы кечээ, 26-ноябрда, аталган сотто тандалган. Ага ылайык, кийинки жылдын 24-январына чейин тергөө абагына киргизүү чечими кабыл алынган болчу.

Курманбек Дыйканбаев кызматтык абалынан кыянаттык менен пайдалануу беренеси менен айыпталууда. УКМКнын билдиришинче, ал октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

62
Белгилер:
тергөө абагы, тергөө, сот, Курманбек Дыйканбаев
Тема боюнча
Соцфонддун төрагасы Медер Ирсалиев эки айга тергөө абагына камалды
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

0
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

0
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз