Эски премьер-министр Сапар Исаков Бишкек ТЭЦинде. Архивдик сүрөт

УКМК: Сапар Исаков ТЭЦти оңдоодо мамлекетке 111 млн. доллар чыгым келтирген

1529
(жаңыланган 15:03 12.01.2019)
Тергөө Сапар Исаков башында турган бир катар кызмат адамдары бийлигинен пайдаланып TBEA компаниясы менен мамлекеттин кызыкчылыгына төп келбеген келишим түзгөнүн аныктады.

БИШКЕК, 8-янв. — Sputnik. УКМКнын Тергөө башкы башкармалыгы Бишкек ТЭЦин модернизациялоодогу коррупция фактысы боюнча козголгон кылмыш иштин тергөөсүн аяктады. Бул тууралуу УКМКдан кабарлашты.

Билдирмеге караганда, тергөө Сапар Исаков башында турган бир катар кызмат адамдары бийлигинен пайдаланып TBEA компаниясы менен мамлекеттин кызыкчылыгына төп келбеген келишим түзгөнүн аныктаган. Анын кесепетинен өлкө 111 миллион 252 миң 797 доллар чыгым тарткан.

"2010-жылдын февраль айында Өнүктүрүү, инвестиция жана инновациялар боюнча борбордук агенттигинин (ЦАРИИ) Байланыш кызматынын жетекчиси Сапар Исаковдун катышуусу менен Бишкек ТЭЦин модернизациялоо маселеси каралган. Анда Дүйнөлүк банктын 150 миллион долларлык жана ТВЕА компаниясынын 200 миллион долларлык сунушу каралган. Жыйындын натыйжасында ТВЕА компаниясынын сунушун кабылдоо чечими чыгарылган. Бул өз учурунда баа жагынан алып караганда Кыргызстандын кызыкчылыктарына туура келбейт", — деп айтылат билдирмеде.

Маалыматта Сапар Исаков 2013-жылы КР президентинин аппаратынын орун басар рангындагы тышкы саясат бөлүмүнүн башчысы болуп турганда долбоорду ишке ашыруу процессин өз көзөмөлүнө алганы белгиленет.

"Сапар Исаков жеке кызыкчылыгын көздөп 386 миллион долларга бааланган долбоорду ТВЕА компаниясына генералдык подрядчик болуу укугун берген. Ал ошондой эле ТВЕА компаниясынын бул жаатта тажрыйбасы жок экенине атайылап көңүл бурган эмес. Белгилей кетчү жагдай, көрсөтүлгөн каражат Кытайдын ЭКСИМ Банкынан жылдык 2 пайыз менен 20 жылга насыя катары алынган. Насыя алынгандан бери (2014-жыл) бүгүнкүгө чейин Кыргызстан Кытайга 22 миллион 814 миң 328 долларды төлөп берди", — деп белгиленет маалыматта.

Учурда айыпталуучу тарап материал менен таанышып жатат.

1529
Белгилер:
коррупция, ТЭЦ, Бишкек, Кыргызстан
Тема:
Сапар Исаковдун камалышы (40)
Тема боюнча
Премьер-министр Абылгазиев Бишкек ТЭЦтин абалын көрүп чыкты. Сүрөт
Сапар Исаков 5-январга чейин камакта калтырылды
Манас эл аралык аэропорту. Архивдик сүрөт

34 жашта эле... "Манас" аэропортунун мурдагы вице-президенти көз жумду

46
(жаңыланган 21:49 07.07.2020)
Илим Карыпбековдун айтымында, аэропорттун мурдагы аткаруучу директору Даир Токобаев пневмонияга кабылган. Ал 34 жашта болчу.

БИШКЕК, 7-июл. — Sputnik. "Манас" эл аралык аэропортунун мурдагы вице-президенти Даир Токобаев каза болду. Бул тууралуу анын мурдагы кесиптеши Илим Карыпбеков соцтармак аркылуу кабарлады.

Анын айтымында, Токобаев пневмонияга кабылган. Ал 34 жашта болчу.

Абалы кескин начарлап кеткен. Чыныбай Турсунбеков реанимацияда үзүлгөн

"Даир боорукер, акылдуу, өз ишин мыкты билген кесипкөй адам эле. Артында балдары калды. Ал пневмонияга кабылган. Абдан өкүнүчтүү, абдан! Жакындарына терең кайгыруу менен көңүл айтам", — деп жазган Карыпбеков.

Илим Карыпбеков өзү "Манас" эл аралык аэропортунда 2014-2015-жылдары аткаруучу директор болуп иштеген.

46
Белгилер:
пневмония, Кыргызстан
Тема:
Кыргызстандыктарды кыйнаган пневмония
Тема боюнча
Депутат Чыныбай Турсунбековдун сөөгү бүгүн жерге берилет
Алмамбет Шыкмаматовдун жубайы Жанара Турдакунова пневмониядан каза болду
Борбор калаада жолтандабас кафенин ичине кирип кеткени

Бишкекте жолтандабас дубалды сүзүп, кафеге кирип кетти. Жеринен тартылган видео

451
(жаңыланган 17:53 07.07.2020)
Күбөлөрдүн айтымында, окуя болжол менен саат 15:45терде Веселая жана Салиева көчөлөрүнүн кесилишинде катталган. Автоунааны кыз айдап бара жатканы айтылды.

БИШКЕК, 7-июл. — Sputnik. Борбор калаада жолтандабас кафенин ичине кирип кеткенин "Короче" Телеграм-каналы кабарлады.

Күбөлөрдүн айтымында, окуя болжол менен саат 15:45терде Веселая жана Салиева көчөлөрүнүн кесилишинде катталган. Алдын ала маалыматтар боюнча, автоунааны кыз башкарып бараткан. Машина катуу ылдамдыкта келе жатканы айтылды.

Чүйдө "Жигули" менен маршрутка кагышып, кырсык бир адамдын өмүрүн алды

Видеодо көрүнүп тургандай, жолтандабас кафенин дубалын сүзүп, ичине кирип кеткен. Имараттын алдында, көчөдө бак кулап жатканын да көрүүгө болот.

Милициянын кайгуул кызматы окуянын себептери такталып жатканын айтты. Кимдир бирөөнүн медициналык жардам алган-албаганы азырынча белгисиз.

451
Белгилер:
кыз, айдоочу, кафе, кырсык, жолтандабас, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады
Sputnik Эстония агенттигинин жетекчиси Елена Черышева. Архивдик сүрөт

Черышева: Европанын Sputnik Эстония тушуккан абал боюнча унчукпаганы кылмыш

0
(жаңыланган 22:08 07.07.2020)
"Мир глазами СМИ в 2020 году" конференциясы Россия жана дүйнө жүзүндөгү журналистиканын азыркы абалын анализдөөгө арналган.

Эстон бийлиги сөз эркиндигинин принциптерин бузуп, Sputnik Эстония агенттигинин ишмердүүлүгүн чектөөнү улантууда. Бул тууралуу агенттиктин жетекчиси Елена Черышева "Мир глазами СМИ в 2020 году" деп аталган эл аралык конференцияда сүйлөп жатып айтты.

Иш-чарага Sputnik агенттигинин америкалык жана европалык редакцияларынын өкүлдөрү катышкан. Алардан тышкары, РФ ТИМинин Маалымат жана басма сөз департаментинин директору Мария Захарова, америкалык көз карандысыз журналист Ева Бартлетт жана швейцариялык жазуучу Ги Меттан сөз сүйлөштү.

Sputnik Эстониянын редактору Черышева: эстончо сөз эркиндиги ЖМК үчүн кооптуу

Талкуунун негизги темаларынын бири Балтика мамлекеттериндеги Sputnik өкүлчүлүгүнүн байма-бай кысымга алынышы болду. Елена Черышеванын айтымында, Sputnik Эстония Балтика регионундагы башкача ойлонууга каршы күрөшүүнүн мыкты мисалы болуп калды.

"Административдик кысым, экономикалык блокада, саясий цензура, кылмыш ишин козгоо опузасынын баарын жон терибиз менен сездик. Эстониянын полициясы гана европалык санкцияларды өз каалаганындай түшүнөт сыяктуу", — деди Черышева.

Жетекчи 2020-жылдын 1-январынан тарта Spuntik Эстония сайты өзгөчө редимде иштеп жатканын эскертти. Агенттиктин кызматкерлери "Россия сегодня" эл аралык агенттиги менен иштешсеңер кылмыш иши козголот" деген полициянын коркутуусунан улам иштен кетүүгө аргасыз болушкан. Эстония бийлиги "Россия сегодня" эл аралык агенттигинин башкы директору Дмитрий Киселевго киргизилген чектөөлөрдү пайдаланууда. Бирок агенттиктин өзү ушу кезге чейин бир дагы санкциялык тизмеде жок.

Черышеванын айтымында, Европанын Sputnik Эстонияга карата мамилеси аны кооптондуруп келет.

"Брюссель унчукпай отурат, бул кылмышка тете. Алар Sputnik агенттигин жабуу боюнча Эстониянын тажрыйбасын пайдалануу үчүн башка мамелкеттерге жол ачууда", — деди журналист.

"Россия сегодня" ПАСЕде: журналисттерди кодулоо, түрмө, кесип ишеними жөнүндө

Азырынча редакция салык төлөмдөрүн камактан чыгарууга гана жетише алган. Мындан улам агенттик эстон казынасына салык төлөөсүн улантып келет, бирок салык департаменти электрондук тейлөөгө тыюу салган. Черышева "Россия сегодня" эл аралык агенттиги абалдан чыгуунун жолун табарына үмүт артып, ушу тапта чындыкты улуттук тилде айтуу өтө маанилүү экенин белгиледи.

Журналист жана саясий таануучу Армен Гаспаряндын айтымында, европалык структуралардын унчукпаганы Балтика мамлекеттеринде сөз эркиндигинин жоктугун айгинелейт. Ал европалык уюмдар Sputnik Эстония россиялык ЖМК болгону үчүн кийлигишпей жатканын кошумчалады. 

Ведущий радио Sputnik Армен Гаспарян на радиостудии.
© Sputnik / Владимир Трефилов
Журналист жана саясий таануучу Армен Гаспарян
"Бир катар өлкөлөрдө Sputnik редакцияларын куугунтуктоо көндүм ишке айланып калды. Балким сөз эркиндигин биз туура эмес түшүнүп жаткандырбыз. Балким бул терминге "сөз эркиндиги — бул биз тараптан айтылган чындыкты атайылап көз жаздымда калтыруу" дегенди кошуу керектир", — деди Гаспарян.

Журналисттин сөзүн Франциядагы Sputnik редакциясынын тушуккан абалы да тастыктайт. Басылма ушу кезге чейин президенттик пулдун аккредитациясынан өтпөй, Елисей сарайына бара албай келет. бул тууралуу аталган агенттиктин өкүлү Марья Липатова билдирди.

"Франк тилдүү ЖМКлардын арасынан биз биринчи болуп коронавирус тууралуу жазып, пандемияга карабай ишибизди уланттык. Sputnik кабарчысынын жасаган репортаждары кийин Франциянын ЖМКлары тарабынан кеңири колдонулду", — деди ал.

Липатова Sputnik Франция россиялык саясатчылардын айтканын француз тилине которуп жарыялаганы менен дайым фейк маалыматтарга күнөөлөнүп келерин белгиледи.

"Буга карабастан агенттиктин аудиториясы кеңейүүдө. Sputnik Франциянын цитаталарын колдонгон кесиптештерибиздин бизге болгон ишеними да артып барат", — деп сөзүн жыйынтыктагы журналист.

ЕККУ төрагасы Sputnik Эстония боюнча абалга пикирин айтты

"Мир глазами СМИ в 2020 году" конференциясы Россия жана дүйнө жүзүндөгү журналистиканын азыркы абалын анализдөөгө арналган. Иш-чара 7-июль күнү "Россия сегодня" агенттигинин мультимедиалык маалымат борборунда онлайн форматында өттү.

0
Белгилер:
конференция, басылма, сөз эркиндиги, редакция, коронавирус
Тема боюнча
Sputnik Эстониянын редактору Черышева: эстончо сөз эркиндиги ЖМК үчүн кооптуу
ЕККУ төрагасы Sputnik Эстония боюнча абалга пикирин айтты