Кол кишенчен адам. Архив

Соодагердин 120 миң долларын алып кеткен киши үч жылдан кийин кармалды

231
(жаңыланган 14:17 12.01.2019)
Окуя 2015-жылы болгон. Шылуун ушу тапта экстрадицияланды.

БИШКЕК, 10-янв. — Sputnik. Баткендеги Кадамжай районунун Халмион айылында жайгашкан "Баяман баатыр" базарында иштеген соодагердин ишенимине кирип, 120 миң долларын алдап алып кеткен киши Өзбекстандан кармалып, Кыргызстанга экстрадицияланды. Бул тууралуу облустук милиция билдирди.

Задержанный по подозрению в мошенничестве в крупном размере
© Фото / пресс-служба УВД Баткенской области
Задержанный по подозрению в мошенничестве в крупном размере

Маалыматка ылайык, окуя 2015-жылы болгон. Ош шаарынын 43 жаштагы тургуну Исраил Ганиев Кадамжайдын А.К. аттуу 48 жаштагы тургунунан үч айда кайтарып берем деп аталган суммадагы каражатын алып кеткен. Кепилдик катары төрт контейнердеги товарын көрсөткөн. Бирок айтылган мөөнөттө акчаны кайтарып бербестен из суутуп кеткен.

"2017-жылы "Алдамчылык" беренеси боюнча кылмыш иши козголгон. Тергөө жүрүп, Баткен райондук соту Ганиевди камакка алуу боюнча сыртынан өкүм чыгарып, шылуун издөөгө алынган. Баткен ОИИБдин криминалдык милиция кызматкерлеринин башка мамлекеттеги кесиптештери менен биргеликте иштөөсүнүн натыйжасында Ганиевдин алгач Россияда экени аныкталган. Андан соң Казакстандан Өзбекстанга качып, Фергана облусунун Маргалаң шаарында жүргөн жеринен кармалып, 2018-жылдын 19-декабрында экстрадицияланды", — деп айтылат маалыматта.

Милиция кармалган адамдан башка дагы жабыркагандар болсо, 03622 50226 же 102 номерине кайрылууну өтүнөт.

231
Белгилер:
соодагер, шылуун, базар, акча, Баткен облусу
Тема боюнча
Өнөктөшүнүн пансионатын тартып алган. ИИМ кылмыштуу топтун мүчөсүн кармады
Пикирлер