Аскер кызматкери. Архивдик сүрөт

Аскерлердин Майлуу-Суудагы чатагы. Бири экинчисин жарадар кылды

250
(жаңыланган 23:18 12.01.2019)
Жабыркаган аскердин абалы канааттандырарлык экендигин айтышты.

БИШКЕК, 12-янв. — Sputnik. Майлуу-Суудагы аскердик бөлүктө кызмат өтөп жаткан жоокер экинчисин жарадар кылды. Бул туурасында Sputnik Кыргызстандын кабарчысына Генералдык штабдын маалымат кызматынан кабарлашты.

Окуя өткөн жылдын күз айында аскерге чакырылган эки жоокердин ортосунда болгон.

"Жоокерлердин бири урушуп жатканда кеңсе бычагы менен экинчисин билекке сайган. Ооруканадан жабыркаган уландын колунун терисин тигишкен. Азыр абалы канааттандырарлык", — деп билдиришти штабдан.

Аскердик бөлүктүн жетекчиси кызматтык иликтөөсүн баштады. Ал эми окуя туурасында Жалал-Абад аскер прокуратурасынын гарнизонуна кабарланды.

250
Белгилер:
Майлуу-Суу, аскердик бөлүк, жоокер, уруш, бычак, жарадар
Тема боюнча
Бишкектеги Аскер институтунда 2-курста окуган курсант каза болду
Күйөөсү аялын уруп, ортодо таяк жеген наристе көз жумду. Көлдөгү кайгылуу окуя
Бала көтөргөн аял. Архив

Индиядагы кыргызстандык келиндин өлүмү боюнча ТИМ маалымат берди

181
(жаңыланган 23:29 22.09.2021)
Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

БИШКЕК, 22-сен. — Sputnik. Кыргызстандын Тышкы иштер министрлиги Индиянын Нью-Дели шаарында баласы менен чогуу киши колдуу болгон келиндин өлүмү тууралуу комментарий берди.

Буга чейин 28 жаштагы кыргызстандык кош бойлуу келин Нью-Дели шаарында бир жашар уулу менен чогуу өлтүрүлгөндүгү тууралуу маалымат тараган.

“Тергөөнүн маалыматы боюнча, келин курбусунун үйүндө 21-сентябрга караган түнү киши колдуу болгон. Тиешелүү экспертизалар жүргүзүлүп, полиция кылмыш ишин козгоду. Шектүүлөр суракка алынып, тергөө иштери жүрүп жатат”, — деп айтылат билдирүүдө.

Маалыматка караганда, келиндин Индиядагы туугандары уулу экөөнүн тең сөөгүн Кыргызстанга коюуга макулдугун берген.

Элчилик бул ишти өз көзөмөлүнө алып, учурда сөөктөрдү Кыргызстанга алып келүү маселесинин үстүндө иштеп жатат.

181
Белгилер:
Индия, Кыргызстан, келин, бала, өлүм, ТИМ
Тема боюнча
Аялдын өлүмүнө себепчи болгон мотоциклдин айдоочусу үй камагына чыкты

Вулкандын укмуштуудай атылышы: тоодой чок бут алдыңа жылып келе жаткан видео

171
Сицилиядагы атактуу Этна жанар тоосу кайрадан атылып, адамзатка, жан-жаныбарга табияттын, өзүнүн эбегейсиз күчүн көрсөтүп жатат.

YouTube-каналга 21-сентябрь деген дата менен жарыяланган вулкандын видеосу кишини кайдыгер калтырбайт.

RT Этна вулканынын атылышынан кийинки бир нече чакырымга жеткен чаң жергиликтүү аэропорот менен социалдык кызматтардын ишин татаалдантканын кабарлады. Маалыматта анын түтүнү менен чаңы 9 чакырым бийиктикке жеткени айтылды.

Учурда кратердин түндүк-батыш жагында лава агып, туристтер бул өзгөчө көрүнүшкө суктанганын түгөтө албай жүргөнүн кадрлардан көрүүгө болот.

171
Белгилер:
Сицилия, Этна, жанар тоо, лава, турист
Тема боюнча
Жер жамынган кызыл ажыдаар жылып келе жаткандай. Испаниядагы лаванын видеосу
Бүткүл дүйнөлүк жаш мекендештер оюндарынын жеңүүчүлөрүн сыйлоо аземи. Архив

Мекендештер оюндарында кыргызстандыктар алдыңкы орундарды ээлешет

0
(жаңыланган 14:20 23.09.2021)
"Росскызматташтык" уюмунун башчысынын кеңешчиси аталган мекеме жаштар менен кандай иштерди алып барганын белгиледи. Ал Кыргызстандан барган катышуучулардын спорттук ийгиликтери тууралуу айтып берди.

БИШКЕК, 23-сен. — Sputnik. "Росскызматташтык" уюмунун башчысынын кеңешчиси Дмитрий Федотов "Бүткүл дүйнөлүк жаш мекендештер оюндары" мелдешинде Кыргызстандын спортчуларынын ийгиликтери тууралуу айтып берди.

Ал жакынкы чет өлкөлөрдөн келишкен россиялык мекендештердин аймактык жаштар конференциясында сөз сүйлөдү.

Федотов белгилегендей, жаштар менен иштөөгө өзгөчө көңүл бурулуп келет, тогуз жаштан баштап бардык курактагы топтор камтылган.

"Бизде кичинекей балдар үчүн "Бүткүл дүйнөлүк жаш мекендештер оюндары" сыяктуу чоң программа бар. Ал мелдешке ар кайсы өлкөлөрдүн балдары күчүн сыноо үчүн келишет. Кечээ "Русский дом" мекемесине кирип, Кыргызстан дээрлик дайыма биринчи орунду алып келгенин көрдүм", — деген ал.

Ырасында, анын "дайыма" деген сөзүн көпчүлүк учурда деп оңдошкон.

0
Белгилер:
мелдеш, орун, спорт, Кыргызстан, Россия
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды