Миниатюрное ружье, изготовленное на Ижевском заводе

Ноокатта карызы үчүн 40 жаштагы кишини атып кетишти

568
(жаңыланган 00:04 15.01.2019)
Шектүү катары төрт жаран кармалып сурак берүүдө.

ОШ, 14-янв. — Sputnik. Ноокат районунун Гүлистан айыл өкмөтүнүн 40 жаштагы жашоочусун атып кетишти. Бул маалыматты облустук милициядан тастыкташты.

Ага ылайык, 14-январь күнү саат 11:20лар чамасында Ноокат райондук ички иштер бөлүмүнө окуя тууралуу ыкчам маалымат келип түшкөн.

Шектүү катары 22-23 жаштагы төрт адам кармалды. Аларга 40 жаштагы адамды арматура менен чаап, белгисиз курал менен атып кетишкен деген кине коюлууда.

Шектүүлөрдөн далил буюм катары узундугу 1 метр 10 сантиметр болгон эки даана арматура, "ИЗ-17" үлгүсүндөгү 16 калибрлүү аңчылык куралы табылды.

Суракта жабырлануучу шектүүлөргө 48 миң сом өлчөмүндө акча карыз экени белгилүү болгон. Шектүүлөр алгач жабырлануучуну ээн талаага алып барган, эки тараптын кайым айтышуусунан соң чыр чыккан.

Ал эми жабырлануучу оор абалда Ноокат аймактык ооруканасына жеткирилип, медициналык жардам көрсөтүлүүдө. Анын 2 эки колу сынып, бутуна ок тийген жана баш сөөгү катуу жабыркаган.

568
Белгилер:
кылмыш, курал, ок атуу
Тема боюнча
Мексика: кызматка бир саат мурда дайындалган мэрди атып кетишти
Арбак болом деп... оюндан от чыкты. Пакистандагы кайгылуу окуя
Ысык-Атада ылжыган мас киши аялын атып алды