Билет сатып алуу. Архивдик сүрөт

Москвада жасалма авиабилет сатты делип кыргызстандык жигит кармалды

259
(жаңыланган 23:17 24.01.2019)
Элчилик ушуга окшош алдамчылык иштерге кабылып, жабыр тарткан жарандарды тиешелүү органдарга кайрылууга чакырат.

БИШКЕК, 23-янв. — Sputnik. Россияда Москва — Бишкек, Москва — Ош жана ошол эле маршрут менен кайра кайтуучу авиакаттамдарга жасалма билет саткан деп шектелип Кыргызстандын 23 жаштагы жараны кармалды. Бул тууралуу Кыргызстандын Россиядагы элчилигинен билдиришти.

Алданганы боюнча Москванын Замоскворечье районунун ички иштер бөлүмүнө жабыр тарткан Кыргызстандын 23 жаранынан арыз түшкөн.

"Мындан улам Кыргызстан ИИМинин Россиядагы өкүлчүлүгү жергиликтүү укук коргоочулар менен биргеликте иштеп, 21-январь күнү алдамчылыкка шектүү адамды кармады", — деп айтылат билдирүүдө.

Элчилик ушуга окшош алдамчылык иштерге кабылып, жабыр тарткан жарандарды тиешелүү органдарга кайрылууга чакырат.

Ал эми ИИМдин алдын ала маалыматы боюнча жаран жумуш учурунда авиабилеттерди жасап, аларды маалымат базасына киргизбей жүрчү. Мунун аркасы менен 700 миң рублдан ашык пайда көргөн. Жабырлануучулар тарабынан 20дан ашык арыз түшкөнү айтылат.

Элчилик менен министрлик авиабилет сатып алууда ортомчуларга кайрылбастан, атайын кассалардан алып, тийиштүү чек-талондорду талап кылууну сунуштайт.

259
Белгилер:
жасалма, билет, элчилик, алдамчылык, Россия, Москва
Тема боюнча
Бишкектен Ошко уча албай калгандар нааразы болду. Компания себебин түшүндүрдү
Өзүн "афган жоокерлери" деп атаган шылуундар 29 млн. сом пайда көрүшкөн
Марихуананы караган эксперт. Архивдик сүрөт

Баңгизат лабораториясын иштеткен адвокаттын жоругу. Февралдагы соттук чечимдер

39
(жаңыланган 13:14 02.03.2021)
Узап кеткен февраль айында өлкөдөгү фемида өкүлдөрү бир топ чуулуу иштерди карап, өкүм чыгарды.

Булардын арасында үй-бүлөсүн бычак, мылтык менен коркуткан атанын кылыгы, кара куурай өстүргөн кылмыштуу топ менен элди козуткан адвокаттын жоруктары бар. Sputnik Кыргызстан агенттиги өткөн айда соттор караган айрым иштердин өкүмүн сунуштайт.

Майып сиңдисин чынжырлап...

Айыпталуучу үйдө чогуу жашаган сиңдисинин бутун чынжыр менен ороп, аны темирге байлап койгон. Ден соолугунан мүмкүнчүлүгү чектелген жана психологиялык жактан ооруган жабырлануучу түндө милицияга чалып арызданган. Укук коргоо кызматкерлери келип ыкчам-тергөө иштерин жүргүзгөн. Ал эми үйдүн кожойкеси жолдошу менен коноктон түндө келип, окуянын чоо-жайын тергөөчүлөрдөн билген. Сот үй ээсинин келинчеги менен майып кыздын эжесин күнөөлүү деп таап 2,5 жылга эркинен ажыраткан. Бирок Улуу Ата Мекендик согуштун 75 жылдыгына жана Апрель революциясынын 10 жылдыгына карата кабыл алынган мунапыстын негизинде айыпталуучулар камактан бошотулган.

Айылдашын бычактаган эргул

27 жаштагы жигит таанышы менен бакчада арак ичип отуруп, экөө уруша кетишкен. Айыпталуучу өзүнөн бир жаш кичүү айылдашын катуу сабап, бычактап жиберген. Таяк жеген бала окуя болгон жерде көз жумган. Эртеси киши өлүмүнө себепкер жигит өзү милицияга барып, ал күнү арак ичпегенин, адам өмүрүн алган кырсык кантип болуп кеткенин өзү да билбей калганын айткан. Фемида өкүлдөрү мурда соттолгон эки балалуу атаны 15 жылга темир тор артында калтырды.

Аялын, балдарын коркуткан зөөкүр

Кылмышка шектүү эркек өз аялы менен таарынышып жүрүп ажырашууга чейин жетип калган. Бирок бүлөсүнөн ажырагысы келбей, кайын журтуна барып, бир нече жолу аларды бычак, ок атуучу курал менен коркутуп чыр салган. Териштирүү маалында эргулдун жакындарын коркутуп-үркүтүп күч колдонгондугу далилденген. Үч баланын атасы 600 сааттык коомдук жумушка кесилди.

Кара куурай өстүргөндөр

Борбор калаада адвокат болуп иштеген жаран буга чейин бир нече жолу соттолгон адам менен таанышып, экөө Бишкек шаарында кара куурай өстүрүү үчүн атайын лаборатория ачкан. Аны кымбат балуу техника менен жабдып, сапаттуу үрөн, жер семирткич сатып алып баңгизат өндүрө башташкан. УКМК кызматкерлери алардын үйүнө тинтүү жүргүзгөн учурда эки килограммдан ашык мыйзамсыз зат таап чыккан. Сот адвокатка 300 миң сом айып салып, экинчисин беш жыл үч айга камап, 100 миң сом төлөмөр кылды.

Элге ок аткан погончондор

Шаардык милицияда иштеген эки кызматкер жумуштан кийин коомдук жайлардын биринде эс алып жүрүп, топ балдар менен уруша кетишкен. Көчөгө чыгып мушташып, милиционердин бири кызматтык тапанчасын алып чыгып бир жолу асманга, эки жолу адамдарга ок чыгарган. Жыйынтыгында бир ок таксист баланын бутуна тийген. Тергөө маалында шектүүлөр мушташ болгонун, бирок ок атуучу курал колдонбогондугун айтышкан. Ал эми окуяга күбө болгондор көчөдө ок атылып, ал жерде калган гильзаны погончондорго өткөзүп бергенин билдиришкен. Сот ок аткан эркекти үч жыл сыноо мөөнөтүнө калтырып, анын шеригин жазалаган жок.

Интернетте элди бөлүп-жарган адвокат

Борбор калаада адвокатттык ишмердүүлүгүн жүргүзгөн юрист маалымат агенттиктери жарыялаган түрдүү макалалардын алдына улут аралык мамилени козутууга багытталган билдирүүлөрдү байма-бай жазып турган. Мындай аракеттерин ал бир нече ай жасап, соттук териштирүү маалында жогоруда айтылган айыптоолорду четке каккан. Погончондор шектүүнүн интернет булактарына жазгандарын атайын экспертизадан өткөрүп, кылмыштын курамын таап чыгышкан. Элди бөлүп-жарган жаран эми 300 миң сом мамлекетке төлөп бермей болду.

39
Белгилер:
айыпталуучу, шектүү, кылмыш, сот, Кыргызстан
Тема боюнча
20 жылга кесилет! ИИМдин РФтеги өкүлчүлүгү курьер кызматына жамынгандарга кайрылды
Айдоочу орой мамиле кылса эмне кылуу керек? Юристтин кеңеши
Кылмыштуу топтун Улан Узун каймана аттуу мүчөсү кармалышы

Кылмыштуу топтун Улан Узун каймана аттуу мүчөсү кармалды. Сүрөт

129
(жаңыланган 11:42 02.03.2021)
Криминалдык чөйрөдө "Улан Узун" деген ат менен белгилүү Улан Барчакеевдин тергелип жаткан иштин алкагында кылмышка байланыштуу аракеттери аныкталган.

БИШКЕК, 2-мар. — Sputnik. Кылмыш чөйрөсүндө "Улан Узун" деген ат менен белгилүү Улан Барчакеевге кылмыш иши козголуп, кармалды. Бул тууралуу УКМК кабарлады.

  • Кылмыш чөйрөсүндө Улан Узун деген ат менен белгилүү Улан Барчакеевге кылмыш иши козголуп, кармалды
    Кылмыш чөйрөсүндө "Улан Узун" деген ат менен белгилүү Улан Барчакеевге кылмыш иши козголуп, кармалды
    © Фото / пресс-служба ГКНБ КР
  • Маалыматка ылайык, Барчакеев УКМК тергеп жаткан иштин алкагында кылмышка байланыштуу иштеринин негизинде кечээ, 1-мартта, колго түшүрүлгөн
    Маалыматка ылайык, Барчакеев УКМК тергеп жаткан иштин алкагында кылмышка байланыштуу иштеринин негизинде кечээ, 1-мартта, колго түшүрүлгөн
    © Фото / пресс-служба ГКНБ КР
  • Анын Кылмыш-процессуалдык кодексинин 98-беренесинин негизинде УКМКнын тергөө камак жайынын убактылуу кармоочу жайына киргизилгени айтылды
    Анын Кылмыш-процессуалдык кодексинин 98-беренесинин негизинде УКМКнын тергөө камак жайынын убактылуу кармоочу жайына киргизилгени айтылды
    © Фото / пресс-служба ГКНБ КР
1 / 3
© Фото / пресс-служба ГКНБ КР
Кылмыш чөйрөсүндө "Улан Узун" деген ат менен белгилүү Улан Барчакеевге кылмыш иши козголуп, кармалды

Маалыматка ылайык, Барчакеев УКМК тергеп жаткан иштин алкагында кылмышка байланыштуу иштеринин негизинде кечээ, 1-мартта, колго түшүрүлгөн.

Анын Кылмыш-процессуалдык кодексинин 98-беренесинин негизинде УКМКнын тергөө камак жайынын убактылуу кармоочу жайына киргизилгени айтылды.

129
Белгилер:
сүрөт, Улан Узун, ат, кармоо, кылмыш, УКМК
Тема боюнча
Тажикстандан кууп чыгарттык. Ташиев "Дженго" кантип кармалганын айтты
Кримтөбөл Камчы Көлбаевдин абактагы мөөнөтү дагы бир айга узартылды
"Дженгонун" хан сарайы менен башка байлыгы тартылган видео
Президент Кыргызстана Садыр Жапаров во время встречи с президентом Казахстана Касым-Жомартом Токаевым в рамках государственного визита. 2 марта 2021 года

Манас, Абай, Айтматовдун эстеликтери тургузулат. Жапаров менен Токаевдин билдирүүсү

0
(жаңыланган 14:23 02.03.2021)
Эки президент Кыргызстан менен Казакстандын көз карандысыздыгынын 30 жылдыгын майрамдоого арналган юбилейлик иш-чаралар маанилүү экендигин белгилешкен.

БИШКЕК, 2-мар. — Sputnik. Президент Садыр Жапаров менен Казакстандын мамлекет башчысы Касым-Жомарт Токаев бүгүн, 2-мартта, Нур-Султан шаарында болуп өткөн сүйлөшүүлөрдүн жыйынтыгы боюнча биргелешкен билдирүү жасашты. Бул тууралуу өлкө президентинин маалымат кызматы кабарлады.

Төмөндө билдирүүнүн тексти:

Кыргыз-казак достук, стратегиялык өнөктөштүк жана союздаш мамилелерин тең укуктуулуктун, өз ара ишеним көрсөтүүнүн, урматтоонун жана бири-биринин кызыкчылыктарын эске алуунун негизинде комплекстүү бекемдөө багыты бузулбас экендигин тастыкташат.

Буга чейин жетишилген макулдашууларды, анын ичинде Казакстандын президенти Касым-Жомарт Токаевдин 2019-жылдын 27-ноябрында Кыргызстанга жасаган мамлекеттик иш сапарынын жыйынтыгы боюнча макулдашууну биргелешип ишке ашыруунун маанилүүлүгүн белгилешти.

Эки мамлекеттин ортосундагы мамилелерди динамикалуу өнүктүрүү үчүн жигердүү саясий диалогдун маанилүүлүгүн таанып, эң жогорку, жогорку жана башка деңгээлдердеги ишеним көрсөтүү жана конструктивдүү байланыштарды андан ары кеңейтүүнү колдошот.

Уланып жаткан пандемия шартында коронавирус инфекциясы менен күрөшүүдө биргелешкен күч-аракеттерди активдештирүүнүн маанилүү экендигин белгилешти. Бул контекстте колдоого жана жардам көрсөтүүгө, анын ичинде гуманитардык мүнөздөгү жардамга жана көмөк көрсөтүүгө даяр болгондугу үчүн кыргыз тарап Казакстанга ыраазычылык билдирди.

Эпидемиологиялык талаптарды сактоо зарыл экендигин таануу менен тараптардын мамлекеттеринин аймактары боюнча жарандардын жана транспорт каражаттарынын эркин жүрүүсү жана транзит менен өтүүсү үчүн макулдашылган чараларды көрүүнүн маанилүү экендигин баса белгилешет.

Соода-экономикалык кызматташуу, товарлар менен өз ара соода кылуунун жана кызмат көрсөтүүлөрдүн түзүмүн диверсификациялоо жана өсүшүн камсыздоо жаатындагы эки тараптуу мамилелерди андан ары кеңейтүү өзгөчө мааниге ээ экендигин ырасташат.

Өнөр жайдагы, гидроэнергетикадагы, отун-энергетика комплексиндеги, жер казынасын пайдалануудагы, айыл чарбасындагы, кайра иштетүү секторундагы, логистика чөйрөсүндөгү, жол-транспорт инфратүзүмүндөгү жана банк чөйрөсүндөгү кооперациялык долбоорлорду ишке ашырууга багытталган иштиктүү байланыштарды ар тараптуу кеңейтүү зарылдыгын белгилешет.

Инвестиция тартууну жана аларды мамлекеттик деңгээлде коргоо үчүн жагымдуу шарттарды түзүүнү, инвестициялык өз ара аракеттенүүнү андан ары өнүктүрүүнүн маанилүүлүгүн белгилешет. Тараптар өз ара инвестицияларды ар тараптуу колдоо механизмдерин өркүндөтүү боюнча чара көрүү ниетин билдиришти.

Кыргызстан Казакстандын Евразия экономикалык биримдигиндеги төрагалыгында белгилеген артыкчылыктарды колдой тургандыгын билдирди. Бул контекстте Тараптар евразиялык экономикалык интеграциянын алкагында, анын ичинде потенциалды толук көлөмдө ачууга, тоскоолдуксуз, алып коюусуз жана чектөөсүз капиталдын, эмгектин, товарлардын жана кызмат көрсөтүүлөрдүн жалпы рыногун ачууга, санитардык, ветеринардык жана фитосанитардык чаралар боюнча өз ара аракеттенүүнү бекемдөөгө, өнөр жай комплекстеринин атаандаштыкка туруштук берүү жөндөмдүүлүгүн жогорулатууга жана башка багыттарда чараларды иштеп чыгууда бирдиктүү ыкмаларды калыптандыруунун маанилүү экендигин белгилешет.

Мамлекеттердин транспорттук-транзиттик потенциалын андан ары өнүктүрүү, ошондой эле санариптештирүү жана маалымат алмашуу, анын ичинде мамлекеттик кызмат көрсөтүү жаатында биргелешкен долбоорлорду ишке ашыруу мүмкүнчүлүктөрүн талкуулашты.

Чек ара кызматташтыгынын потенциалын ачуу максатында тараптар Биринчи региондор аралык кыргыз-казак форумун өткөрүүгө кызыкдар экендигин тастыкташат.

Өкмөттөргө бирдиктүү экономикалык мейкиндик шарттарында Кыргызстан менен Казакстандын аймактары аркылуу товарлардын тоскоолдуксуз өтүүсүн камсыздоо үчүн кыргыз-казак мамлекеттик чек арасында логистикалык борборду түзүүнү тездетүү тапшырмасы берилди.

Борбордук Азия өлкөлөрүнүн экологиялык жана энергетикалык коопсуздугу жана суу-энергетика ресурстарын стратегиялык өнөктөштүктүн, өз ара ишеним көрсөтүүнүн, ынак коңшулуктун, тең укуктуулуктун жана бири-биринин кызыкчылыктарын эске алуунун негизинде комплекстүү пайдалануу боюнча конструктивдүү кызматташууга өз ара кызыкдар экендигин билдиришти.

Региондук кооперациянын актуалдуу маселелери боюнча позициялардын окшоштугун жана Борбордук Азияда ишеним көрсөтүү, туруктуулук жана коопсуздук атмосферасын бекемдөөгө эки тараптын умтула тургандыгын ырасташат.

Ички региондук кызматташуунун бардык чөйрөлөрүндө беш тараптуу өз ара аракеттенүүнү жигерлетүү үчүн жагымдуу шарттарды түзгөн Борбордук Азия мамлекет башчыларынын консультативдик жолугушууларынын форматын андан ары өнүктүрүүнүн артыкчылыктуу маанисин өзгөчө белгилешти. Эпидемиологиялык кырдаалдын жакшыруусуна жараша 2021-жылы Кыргызстанда боло турган кезектеги Борбордук Азия мамлекет башчыларынын консультативдик жолугушуусунун маанилүүлүгүн белгилешти.

Тараптар БУУ, ЕККУ, КМШ, ЕАЭБ, ШКУ, ЖККУ, ТТКК, ИКУ жана башка эл аралык уюмдардын алкагындагы конструктивдүү диалогду улантуу зарыл деген бир пикирди карманышат.

Азиядагы өз ара аракеттенүү жана ишеним көрсөтүү боюнча кеңешменин (АӨИКК) потенциалын өнүктүрүүгө, анын ичинде аны эл аралык уюмга өзгөртүүгө көмөк көрсөтүү боюнча бекем ниетин билдиришти, эки мамлекет тең координатор болгон АӨИККтин Адамдык өлчөөсүн өнүктүрүү жөнүндө макулдашты.

Борбордук Азия мамлекеттеринин экономикасын туруктуу өнүктүрүүгө түрткү бере турган 2021-жылы Кыргыз Республикасында өткөрүү пландалып жаткан Европа биримдиги — Борбордук Азия биринчи экономикалык форумунун маанилүүлүгүн белгилешет.

Эл аралык терроризм, экстремизм, баңгизаттарын мыйзамсыз жүгүртүү, трансулуттук уюшкан кылмыштуулук, эки тараптуу жана көп тараптуу деңгээлдердеги башка эл аралык коопсуздук чакырыктары жана коркунучтары менен күрөшүү маселелеринде биргелешкен иш-аракеттерди күчөтүүнүн маанилүүлүгүнө көңүл бурушту.

Эки элдин маданий-тарыхый жана тилдик жалпылыгын эске алуу менен илим, билим берүү, саламаттык сактоо, маданият, туризм, спорт жана башка тармактардагы кызматташтыкты андан ары өнүктүрүүгө умтулгандыгын тастыкташат. Тараптар биргелешкен билим берүү жана илимий-техникалык программаларды ишке ашырууну улантууну көздөшөт.

Кыргызстан менен Казакстандын көз карандысыздыгынын 30 жылдыгын майрамдоого арналган алдыдагы юбилейлик иш-чаралар маанилүү экендигин белгилешти.

Биргелешкен телекөрсөтүү долбоорлорун, көргөзмөлөрдү, фестивалдарды жана башка маданий иш-чараларды өткөрүүгө көмөк көрсөтүүгө, жалпы тарыхый жана маданий мурастарды сактоо жана илгерилетүү максатындагы аракеттерди консолидациялоого даярдыгын билдиришти.

Нур-Султан шаарында Манастын жана Чыңгыз Айтматовдун эстеликтерин, ошондой эле Бишкек шаарында Абай Кунанбаевдин эстелигин орнотуу жөнүндө макулдашуунун өзгөчө маанилүүлүгүн баса белгилешти.

Тараптар болуп өткөн үзүрлүү сүйлөшүүлөр жана иш сапардын жүрүшүндө кол коюлган эки тараптуу документтер Кыргыз Республикасы менен Казакстан Республикасынын ортосундагы достук жана союздаштык мамилелерди андан ары бекемдөөгө түрткү бере тургандыгын, ошондой эле жетишилген макулдашууларды талаптагыдай ишке ашыруунун маанилүүлүгүн белгилешти.

Садыр Жапаров Касым-Жомарт Токаевге жана бүткүл казак элине көрсөтүлгөн меймандостугу үчүн ыраазычылык билдирди жана ар тараптуу кызматташтыкты мындан ары өнүктүрүү максатында Казакстандын башчысын ага ыңгайлуу убакта Кыргызстанга келүүгө чакырды.

Токаев чакырууну ыраазычылык менен кабыл алган. Иш сапардын мөөнөтү дипломатиялык каналдар аркылуу макулдашылат.

0
Белгилер:
билдирүү, жолугушуу, Касым-Жомарт Токаев, Садыр Жапаров, Кыргызстан, Казакстан
Тема:
Жапаровдун Казакстанга болгон иш сапары
Тема боюнча
Жапаров менен Токаев талкуулаган маселелер. Жолугушуунун сүрөттөрү
Садыр Жапаров Казакстанга келди. Кимдер кантип тосуп алды. Сүрөт