Интернетте тараган эркектердин массалык мушташы Ошто болдубу? УКМК жообу

© Sputnik / Жоомарт УраимовМушташ. Иллюстративдүү сүрөт
Мушташ. Иллюстративдүү сүрөт - Sputnik Кыргызстан
Жазылуу
Топтошкондор эки адамды баш көтөртпөй эки мүнөттөй сабашкан. Ур-токмокко алынгандардын бири акыл-эсин жоготуп жатып калган.

БИШКЕК, 24-янв. — Sputnik. Интернетте жана WhatsApp тиркемесинде топтошкон адамдардын эки кишини баш көтөртпөй сабаган видеосу тарап, анын алдына окуя Ош шаарынын Он-Адыр кичирайонунда болгон деп жазылган.

Соцтармакта тараган видеодон топтошкон эркектерди көрүүгө болот. Арасында аялдар да жүрөт. Бери жактагы эки киши бир нерселерди талашып-тартышып сүйлөшүп турат. Дагы эки киши бир эркекти ур-токмокко алып сабап, бир нече секунддан кийин тепкиге алынган киши качып кеткен. Андан кийин топтошкондордун ортосунда мушташ чыгып кеткенин көрүүгө болот. Аягында ур-токмокко алынгандардын бири акыл-эсин жоготуп жатып калган.

Случаи поножовщины в КР - Sputnik Кыргызстан
Дүкөндүн алдындагы жапырт мушташтан киши бычак жеди. Москвада тартылган видео
УКМК маалымат кызматы аталган массалык мушташ 24-декабрь күнү Өзбекстандын Наманган шаарында болгонун билдирди. Учурда укук коргоо органдары козголгон кылмыш ишине ылайык иликтөө иштерин жүргүзүп жатат.

Ал эми ИИМ жарандарга интернетте же башка социалдык тармактарда чагымчыл видео, аудио же чакырыктарды тараткандар Кылмыш кодексинин 313-беренесине ("Расалык, этникалык, улуттук, диний же региондор аралык кастыкты козутуу") ылайык кылмыш жоопкерчилигине тартыларын эскертти.

Эгер ушул сыяктуу фактылар катталып калса, ички иштер органдарына 102 кызматы аркылуу маалымдап коюуну өтүнөт.

ИИМ азыркы тапта аталган видеону тараткан адам кармалып, түшүндүрүү иштери жүрүп жатканын кошумчалады.

Жаңылыктар түрмөгү
0