Депутат: Токмоктогу аткезчилердин атышуусунан уялып жатам

© Фото / пресс-служба партии "Бир Бол"Депутат ЖК 6 созыва Бакирдин Субанбеков
Депутат ЖК 6 созыва Бакирдин Субанбеков - Sputnik Кыргызстан
Жазылуу
Эл өкүлү ИИМ жетекчилиги атышууда күнөөлүү болгондорду тез аранын ичинде жоопко тартышы керектигин билдирди.

БИШКЕК, 31-янв. — Sputnik. Жогорку Кеңештин депутаты Бакирдин Субанбеков Токмоктогу аткезчилердин атышуусу уят нерсе экенин, орган тармагында иштеп кеткен адам катары болгон окуядан уялып да жатканын айтты.

"Токмоктогу аткезчилердин атышуусу уят нерсе, ушунча жыл органда иштеген адам катары мен уялып жатам. Ыкчам аракет көрчү кызматкерлер бар да. Ошол нерсе үч күндөн кийин гана болгону ырасталып жатат. Күнөөлүү кызматкерлерге чара көргүлө, уят нерсе. Курсан Сатарович, чара көрбөйсүңөрбү!" — деди депутат.

Өз кезегинде ички иштер министринин орун басары Курсан Асанов бул нерсеге сөзсүз түрдө чара көрүлөт деп сөз берди.

Депутат ЖК Урмат Самаев - Sputnik Кыргызстан
"Чемпион" деген ким өзү? Чек арадагы атышууда аты аталган депутат тууралуу
Талкуунун жүрүшүндө депутат Кенжебек Бокоев чек арада болгон атышуунун үч күндөн кийин гана расмий такталып жатышы чоң күмөн жаратып жатканына токтолду.

"Бул эмнени айтап жатат? Чек ара кызматы да контрабандага, тиешелүү коррупциялык схемага аралашканынан белги берип жатат. Ошондуктан чек ара кызматы бул боюнча силерди да карап чыгыш керек, же Коопсуздук кеңешине алып чыгыш керек. Анткени контрабанданын баары чек ара кызматы аркылуу өтүп жатпайбы", — деди депутат.

Мамлекеттик чек ара кызматынын төрагасынын орун басары Курманбек Исаков мекеменин биринчи тараткан маалыматы боюнча журналисттер арасында бир аз түшүнбөстүктөр болуп кеткенине токтолду.

"Социалдык тармактарда "Дунларов" көпүрөсүндө атышуу болду деп жарыяланды. Биз дал ошол көзөмөл өткөрүү пунктунда атышуу болгон жок деп маалымат тараттык. Ал эми көзөмөл өткөрүү пунктунан алыс жерде, жолдун аркы өйүзүндө түн ортосунда болгон окуяга биздин тиешебиз жок", — деди Исаков.

Депутат Урмат Самаевдин архивдик сүрөтү - Sputnik Кыргызстан
Чек арадагы атышуу боюнча ЖК депутаты Урмат Самаев сурак берип чыкты
Эскерте кетсек, 26-январга караган түнү "Токмок" көзөмөл өткөрүү бекетинин жанында контрабандачылардын атышуусу болгон. Буга шектүү катары эки адамды камакка алуу чечими чыккан. Бирок экөө тең ок жегенин айтып ооруканада жатат.  Алардын бири Дастан Бейшенкулов депутат Урмат Самаев менен тууганчылыгы бар экенин моюндаган. 

Учурда укук коргоо органдары тергөө иштерин жүргүзүп жатат.

Жаңылыктар түрмөгү
0