Муштум. Архив

Караколдо мектеп окуучусу катуу сабалып каза болду

388
Укук коргоочулар окуучу кыйнап өлтүрүлгөнүн тастыктаган белгилерди байкаган.

БИШКЕК, 12-фев. — Sputnik. Караколдо №5 орто мектептин окуучусу киши колдуу болду. Бул тууралуу Ысык-Көл облустук ИИБдин маалымат кызматы кабарлады.

Бүгүн, 12-февралда, Каракол ИИБине саат 08.23тө унаа базарынын жанынан кишинин сөөгү табылганы боюнча маалымат түшкөн.

Укук коргоочулар киши кыйнап өлтүрүлгөнүн тастыктаган белгилерди байкашкан. Ошондой эле маркумдун жанынан кандын тактары бар таяк табылган.

Окуучу 18 жашта болгон. Ал 12-февралга караган түнү үйдөн чыгып кеткен бойдон кайтып келбегенин ата-энеси билдирген.

Аталган факты Эреже бузуулар жана жоруктар жөнүндөгү бирдиктүү реестрине каттоого алынды. Кылмыш-жаза кодексинин 130-беренесинин 1-бөлүгү боюнча ("Адам өлтүрүү") териштирүү иштери жүрүп жатат.

388
Белгилер:
киши өлтүрүү, окуучу, мектеп, Каракол
Тема боюнча
Бишкекте поезд өспүрүм кызды коюп кетти
Чүйдө досунун туулган күнүндө жоголгон жигиттин сөөгү табылды