Ооруканадагы ымыркай. Архив

Келечек конушундагы өрт. Ууланган бир тууган наристелердин абалы оор

231
(жаңыланган 00:35 14.02.2019)
Өрт чыккан маалда үйдө чоң киши жок болчу. Ал эми балдардын улуусу 4, андан кийинкиси 3, кичүүсү 1,5 жашта экени айтылды.

БИШКЕК, 13-фев. — Sputnik. Бишкектин Келечек жаңы конушундагы турак үйдөгү өрттөн чыккан иске ууланган үч наристенин абалы оор. Бул тууралуу №3 шаардык тез жардам балдар клиникалык ооруканасынын башкы дарыгери Талантбек Өмүрбековв билдирди.

Эске салсак, 11-февралда Бишкектин Келечек жаңы конушундагы турак үйдөн өрт чыгып, үч наристе жабыркаганы тууралуу ӨКМ маалымат тараткан. Анда аянты 35 чарчы метр болгон үй толугу менен күйүп кеткен.

"Балдардын абалы оор. Эки күндөн бери колубуздан келишинче алардын өмүрүн сактап калууга аракет көрүп жатабыз. Наристелер түтүндө көпкө чейин жатып калышыптыр. Улуусу үч жаш тогуз ай, экинчиси эки жаш сегиз ай, үчүнчүсү бир жаш төрт айлык экен. Үчөө тең эркек балдар. Эми булардын түтүнгө улануусунун 2-этабы башталат. Ал азыркыдан да татаал болот, себеби балдар көпкө чейин дем албай жатып калышыптыр", — деди Өмүрбеков.

Ууланган наристелердин атасы Рустам Таштанбеков өрт чыккан кезде балдар үйдө жалгыз экенин айтты.

"Ош" базарында иштейм. Ал күнү мен жумушка кеткем. Келинчегим да төрөйүн да ай-күнүнө жетип калгандыктан, үй-бүлөлүк дарыгерлер борборуна кетип балдар үйдө жалгыз калышыптыр", — деди Таштанбеков.

ӨКМдин маалымат катчысы Элмира Шерипованын айтымында, өрт өчүрүүчүлөр барганга чейин коңшулар балдарды алып чыгууга үлгүрүшкөн. Шерипова учурда өрттүн келип чыгуу себептери такталып жатканын кошумчалады.

Ал арада соцтармак колдонуучулары аталган үй-бүлөгө көмөк көрсөтө башташты.

"Лига" коомдук фондусунун директору Назгүл Турдубекова Facebook баракчасына үй-жайы жок калган үй-бүлөгө тез арада жардам керек экенин жазып, Элсом эсеби ачылганын билдирди.

Вице-премьер Алтынай Өмүрбекова да ууланган балдардын абалынан кабар алып, өкмөт тараптан материалдык көмөк көрсөтүлүп, ошондой эле балдарга жөлөк пул алууга жардам берилерин кошумчалады.

231
Белгилер:
уулануу, Бишкек
Тема боюнча
Бишкекте үй өрттөнүп, үч наристе түтүнгө ууланды
Бишкекте турак үйдөн өрт чыгып, эки аял түтүнгө ууланып каза болду
От жандырып жаткан адам. Архив

Аялын өрттөгөн киши, көзү ачыкка барган тергөөчү. Июндагы соттук чечимдер

192
(жаңыланган 16:32 04.07.2020)
Узап кеткен айда өлкөдөгү фемида өкүлдөрү ондогон иштерди карап чыгып, аларга карата түрдүү өкүмдөрдү кабыл алды. Алардын арасында пара менен кармалган тергөөчү, тапанчасын жоготкон милиционер жана аялын өлтүрө сабаган мыкаачы эргул да бар.

Sputnik Кыргызстан алардын ичинен айрым чуулуу иштерди тизмектеп чыкты.

Чоң муштум эргул

Борбор калаада жашаган үй-бүлө башчысы аялы менен уруша кетип, аны шаардын четине таалага алып чыгып катуу сабап, андан соң кожойкени үйдөн чыгарбай бир бөлмөгө үч күн камап койгон. Амалкөй келин короодогу ажатканага барам деп жолдошун алдап качып чыгып, укук коргоо кызматкерлерине арызданган. Эргул сотто күнөөсүн жарым-жартылай мойнуна алып, төмөндөгүдөй көрсөтмө берген.

"Аялым менен жашаганыма төрт ай болгон. Ал күнү келинчегим экөөбүз үйдө арак ичип отуруп уруша кетип, ага кол көтөргөм. Себеби аялымдын уулу автоунаамды уруксатсыз айдап кетип, сүзүп салыптыр. Андан сырткары кызганычтын айынан араздашканбыз. Бирок анын эркине каршы кармаган эмесмин", — деген ал.

Ал эми жабырлануучу аны жолдошу катуу сабап, телефонун сындырып, бети-башындагы көгаласы кетиши үчүн үйдө бир нече күн камагандыгын айткан.

Чоң муштум эркек эки жылга эркинен ажыратылды.

Жалал-Абадда шаардык кеңештин депутатынын бир тууган агасын атып кетишти

Тапанчасын жоготкон тергөөчү

Ысык-Көл облусунда милицияда иштеген кызматкер тапанчасын иш бөлмөсүнөн жоготуп жиберип жумушунан айдалган. Тергөөчү кызматтык ыйгарым укуктарынан ажырагандыктан Бишкектеги көзү ачыктарга барууга аракет кылган. Кийин тапанча бирөөнүн короосунан көчөдө чүпүрөккө оролуп жаткан жеринен табылган. Сот укук коргоо кызматкерин кылмыш-жаза жоопкерчилигине тартуунун мөөнөтү эскирип кеткендиктен жазадан бошотту.

Тамакты тез жаса деп аялына бензин чачкан. Сокулукта күйүк алган келин каза болду

Келинге бензин чачып өрттөп жиберген

Төбө чачты тик тургузган окуя Ысык-Көл облусунун Каракол шаарындагы базарлардын биринде болгон. Мурда бир нече жолу соттолгон 36 жаштагы тургун мас болуп, келинчегинин жумушуна келип ызы-чуу салган. Андан соң май куюучу жайдан бир литр бензин сатып алып, аялын бирдик салып иштеген жайына камап, май чачып өрттөп, андан соң качып кеткен.

Укук коргоо кызматкерлери анын изин суутпай колго түшүрүп, Жазык кодексинин 39-130 беренесинин ("Бейбаштык максатта киши өлтүрүүгө аракет көрүү") негизинде сотко чейинки өндүрүш ачылып, шектүү эки айга камакка алынган.

Ал эми 33 жаштагы жабырлануучу Ысык-Көл облустук бириккен ооруканасынын травматология бөлүмүнө жаткырылган. Келиндин колу-буту, бети күйүп, оор жаракат алганы айтылат.

Айыпталуучу өз көрсөтмөсүндө мындай кадамга аялынын ызаланткан сөздөрү себеп болгонун билдирген.

"Ал күнү чөнтөгүмдө 500 сом бар болчу, бир литрдей арак ичкем. Базарда жүрүп аялымдын иштеген жерине барып "мени менен жашайсыңбы" деп сурагам. "Жок" дегенинен кетип калгам. Жакын жерде эле жүрсөм колуктум менен келген курбусу мени тээп, бетке чаап-чаап жиберген. Аялым мага кол көтөргөн эмес, бирок жаман сөздөрдү айтып тилдеген. Ызаланып бензин сатып келип, келинчегимди сыртынан камап, өрт коюп качып кеткем", — деген шектүү.

Кийин караколдук келин укук коргоо органдарына бетине бензин чачып өрттөгөн күйөөсүн кечиргендигин билдирген. Бирок тартип сакчылар оор кылмыштарга тосмо арыз кабыл алынбай турганын жана кылмыш иши караларын айткан.

Фемида өкүлдөрү тараптарды угуп, чогулган материалды карап чыгып, эркек кишини жети жыл алты айга темир тор артында калтырды.

Айыпталуучуга айланган погончон

Ички иштер министрлигинин Тергөө кызматында иштеген тергөөчү 220 миң доллардын айланасындагы кылмыш ишин изилдеп жүрүп айыпталуучулардан ири суммадагы акча өндүргүсү келген. Иште шектүү катары суралып жаткан ишкерден телефон чалып 500, 1000 жана 2000 доллар талап кылган. Башында жабырлануучу опузалаган акчасын берип, соңунда УКМКга арыз менен кайрылып, тергөөчү 1500 доллар жана 15 000 сом алып жаткан жеринен колго түшкөн. Сот жеңил акча табууга аракет кылган погончонго 300 миң сом айып салды.

7,5 жылга кесилет! Зомбулук көрсөткөндөрдү тосмо арызга карабай камоо сунушталды

1000 сом үчүн кыйылган өмүр

Үйгө мас болуп келген эргул келинчеги менен урушуп, аны катуу сабап койгон. Чыр-чатактын келип чыгышына үй ээсинин дасторкон астына катылган 1000 сом акчасынын жоголуп кеткени себеп болгон.

Шектүү тергөө маалында күнөөсүн толук мойнуна алып, окуянын кандай болгонун айтып берген.

"Ал күнү аялым экөөбүздүн тең арактан башыбыз ооруп турган. Мен андан мурда берген акчаны жана короого коюп койгон жезди сурасам жок деп жооп берген. Ачуум келип аны бир жолу эле бетке чаап, анан жатып алгам. Бир аз убакыт өткөндөн кийин таанышым келип 500 сомго кык жүктөшүп койчу дегенинен ошол жакка кеткем. Кайра келсем аялым короодо жатыптыр, байкасам жүрөгүнүн согушу сезилбейт. Дароо дарыгерлерди чакырткам", — деген ал.

Ал эми баш мээси катуу жабыркаган аял оорукананын жандандыруу бөлүмүндө тогуз күн жатып кайтыш болгон. Фемида өкүлдөрү айыпталуучуну 7,5 жылга эркинен ажыратып, 90 миң сом айып салды.

Өспүрүмдү соттогондо энелик сезим селт эттирет. Судья Кадыркулованын маеги

Төрөгөн ымыркайын ажатканага...

Окуучу кыздын тааныш жигиттен боюна болуп калган. Бир нече ай өткөндөн кийин ата-энесине билгизбей үйдөн төрөп, ымыркайды жуурканга ороп ажатканага ыргытып жиберген. Төрөттөн кийин медициналык жардам албаган өспүрүм бир нече күн ооруп жатып, кийин жакындары аны аймактык ооруканага оор абалда алып барган. Ошондо дарыгерлер тарабынан жашы жете элек кыздын буга чейин көз жаргандыгын аныктаган. Укук коргоо кызматкерлери чарчап калган ымыркайдын сөөгүн беш күндөн кийин тапкан.

Сот өспүрүмдү эки жылга эркинен ажыратып, "1941-1945-жылдардагы Улуу-Ата Мекендик согуштагы Жеништин 75 жылдыгына жана 2010-жылдагы Элдик Апрель революциясынын 10-жылдыгына байланыштуу мунапыс жөнүндө" мыйзамынын негизинде үйүндө калган.

Караколдук келин бетине бензин чачып өрттөдү делген күйөөсүн кечирди

192
Белгилер:
акча, арак, тапанча, уруш, күйөө, аял, өкүм, сот, кылмыш, Кыргызстан
Тема боюнча
Сузакта аялына дөңгөлөк илип жазалаган кишиге өкүм чыкты
Күйөөсү 30 жыл урган аял соттун сөзүн угуп нес болду. Кризистик борборлордун иши
Индиядагы үйлөнүү үлпөтү. Архив

Индияда той өткөргөн жигит каза болуп, 100дөн ашык конок COVID жуктурду

196
Дарыгерлер бардык конокторду коронавируска текшерип, 113үнөн вирус тапкан. Айрымдары башка адамдарга да жуктурганга жетишкен.

БИШКЕК, 4-июл. — Sputnik. Индиянын 30 жаштагы тургуну үйлөнүү той өткөрүп, 100дөн ашык адамга коронавирус жуктурган. Бир нече күндөн кийин өзү ооруканага жетпей, жолдон көз жумган.  Бул тууралуу The Indian Express жазып чыкты.

Маалыматка ылайык, 14-июлда өткөн тойдо Бихар штатында өтө көп адам инфекцияны жуктуруп алган. Инженер-программист болуп иштеген маркум май айынын соңунда айылга үйлөнүү үчүн келген.

"Үйлөнүү тойго чейин ал өзүн жаман сезип, мааракени жылдырууну сунуштаган. Бирок эки жактын үй-бүлө башчылары каршы чыгышкан. Алар эгер той жылса, чоң финансылык кыйынчылыктарга дуушар болорун жүйө кылган", — деп айтып берген туугандардын бири.

Хабибдин атасы Абдулманап Нурмагомедов каза болду

Жаш жубайлардын жакындары той өткөрсө, COVID-19 жукпайт деген ойдо болгон. Жыйынтыгында ага 350 конок чакырылып, үйлөнгөн жигит дене табын түшүрүү үчүн парацетамол ичип жүргөн. Эки күндөн кийин анын абалы өтө начарлап, ооруканага бараткан жолдо көз жумган.

Дарыгерлер бардык конокторду коронавируска текшерип, 113үнөн вирус тапкан. Айрымдары башка адамдарга да жуктурганга жетишкен.

196
Белгилер:
конок, өлүм, коронавирус, той, Индия
Тема:
Дүйнөгө жайылган коронавирус
Тема боюнча
Кырдаал оор экен. Россиялык эксперттер ооруканаларга барып, КРдеги абалга баа берди
Россияда COVID-19га каршы вакцинаны сайдыргандардын абалы айтылды
Бишкек шаары. Архив

Жекшембиге карата аба ырайы

0
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

0
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы