Челек көтөрүп бараткан аял. Архивдик сүрөт

Аламүдүндө эки баласы менен өрттөнүп кеткен аял. Окуянын чоо-жайы

1202
(жаңыланган 13:40 13.02.2019)
Коңшулары аял 2 литр бензин сатып алганын көрүшкөн.

БИШКЕК, 13-фев. — Sputnik. Чүй облустук ички иштер башкы башкармалыгы Аламүдүн районунун Таш-Дөбө айылында бир келин жана эки бала каза болгон окуянын чоо-жайын айтып берди.

Буга чейин милицияга аталган айылдагы үйлөрдүн биринде 12-февраль күнү өрт чыкканы тууралуу маалымат түшкөнү кабарланган. Кырсыктын кесепетинен 34 жаштагы аял, 10 жана бир жаштагы бала каза тапканы маалымдалган.

Алдын ала тергөөнүн жыйынтыктарына караганда, аял аталган даректе жолдошу, кайненеси жана эки уулу менен жашап келген. Жолдошу экөөнүн кулагы укпайт.

Милиция кызматкерлери айылдын тургундарынан үй-бүлөнүн жашоосу тууралуу сурап чыгышкан.

"Алдын ала маалымат боюнча үйдө туугандар арасында чыр чыккан. Мындан сырткары, коңшулары 12-февраль күнү саат 14.00дөр чамасында аял жергиликтүү тургундун үйүнө барып эки литр бензин сатып алганын көрүшкөн", — деп айтылат маалыматта.

Аталган факты Эреже бузуулар жана жоруктар жөнүндөгү бирдиктүү реестрге каттоого алынып, териштирүү иштери уланууда.

1202
Белгилер:
кырсык, өрт, Аламүдүн базары
Тема боюнча
Аламүдүндө кампа өрттөнүп, бир аял жана эки бала каза болду
Келечек конушундагы өрт. Ууланган бир тууган наристелердин абалы оор
Балыкчы шаарына жакын жерде болгон жол кырсыгынан каза болгон үч киши

Ысык-Көл: жол кырсыктан каза болгон үчөө күйөөсү, аялы, баласы болуп чыкты

355
(жаңыланган 13:19 10.07.2020)
Аталган факты Кылмыш жана жоруктардын бирдиктүү реестрине катталып, Жазык кодексинин 297-беренеси ("Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу") боюнча сотко чейинки өндүрүшкө алынды.

БИШКЕК, 10-июл. — Sputnik. Балыкчы шаарына жакын жерде болгон жол кырсыгынан каза болгон үч киши бир үй-бүлөнүн мүчөлөрү болуп чыкты. Бул тууралуу Ысык-Көл облустук Ички иштер башкармалыгынан кабарлашты.

Маалыматка ылайык, 9-июль күнү саат 10.20лар чамасында Балыкчы ШИИБине Торугарт — Бишкек автоунаа жолунун 189-чакырымында эки унаа сүзүшкөндүгү тууралуу билдирүү түшкөн.

Ысык-Көл: Honda Stepwgn менен Audi сүзүшүп төрт адам мерт кетти

"Окуя болгон жерге ыкчам-тергөө тобу барып, Балыкчы шаарынын 46 жаштагы тургуну айдап бараткан Volkswagen Passat жеңил автомашинасы менен 50 жаштагы айдоочу башкарган Shacman жүк ташуучу унаасы кагышканын аныктаган. Анын кесепетинен жеңил унаанын айдоочусу, анын 42 жаштагы келинчеги жана 12 жаштагы уулу каза болгон. Андан сырткары, сегиз жаштагы кызы, 14 жана 16 жаштагы эки бала түрдүү жаракат менен шаардык оорукананын жандандыруу бөлүмүнө жеткирилген", — дешти милициядан.

Аталган факты Кылмыш жана жоруктардын бирдиктүү реестрине катталып, Жазык кодексинин 297-беренеси ("Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу") боюнча сотко чейинки өндүрүшкө алынып, тиешелүү экспертизалар дайындалды.

Өлкө аймагындагы соңку кабарлар менен биздин Telegram-каналдан таанышып туруңуз.

355
Белгилер:
тергөө, жол кырсык, Ысык-Көл, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Чүйдө "Жигули" менен маршрутка кагышып, кырсык бир адамдын өмүрүн алды
Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео
Адам өмүрүн эмес, сөөгүн сактап калган учурлар болот. Куткаруучунун маеги
Балыкчы шаарына жакын жерде жол кырсыгы катталып, үч адам каза болду

Көлдө жүк ташыган унаа менен кагышкан машинанын үч жүргүнчүсү мерт болду. Сүрөт

224
(жаңыланган 11:06 10.07.2020)
Каргаша Балыкчы — Кочкор жолунун төртүнчү чакырымында каталып, Volkswagen Passat жеңил автомашинасы менен Shacman жүк ташуучу унаасы сүзүшкөн.

БИШКЕК, 10-июл. — Sputnik. Балыкчы шаарына жакын жерде жол кырсыгы катталып, үч адам каза болду. Бул тууралуу Өзгөчө кырдаалдар министрлигинин маалымат кызматынан кабарлашты.

Билдирүүгө ылайык, окуя 9-июль күнү саат 10.00дөр чамасында Балыкчы — Кочкор жолунун төртүнчү чакырымында болгон. Анда Volkswagen Passat жеңил автомашинасы менен Shacman жүк ташуучу унаасы сүзүшкөн.

Анын кесепетинен 46 жаштагы эркек, 42 жаштагы аял жана 12 жаштагы өспүрүм көз жумган. Ал эми сегиз жаштагы кыз, 14 жана 16 жаштагы эки бала ооруканага Тез жардам унаасы менен жеткирилген.

Адам өмүрүн эмес, сөөгүн сактап калган учурлар болот. Куткаруучунун маеги

Каргаша болгон жерге ӨКМдин төрт куткаруучусу, дарыгерлер жана милиция кызматкерлери барган.

Өлкө аймагындагы соңку кабарлар менен биздин Telegram-каналдан таанышып туруңуз.

224
Белгилер:
жол кырсык, Ысык-Көл, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео
Адам өмүрүн эмес, сөөгүн сактап калган учурлар болот. Куткаруучунун маеги
Чүйдө "Жигули" менен маршрутка кагышып, кырсык бир адамдын өмүрүн алды
Вице-премьер Аида Исмаилова

Исмаилова: протоколду сактагыла, туура эмес дарылоонун кесепети оор болууда

47
(жаңыланган 15:43 10.07.2020)
Министрлик тарабынан ушул шаршемби күнү үйдө жатып дарылангандар үчүн жаңы клиникалык протокол иштелип чыкты.

БИШКЕК, 10-июл. — Sputnik. Коронавируска чалдыккандарды үй шартында туура эмес дарылоонун кесепетинен абалы оорлошуп кеткендер болууда. Медиктерден кеңеш алып, атайын бекитилген протоколдун негизинде дарылануу зарыл. Бул туурасында социалдык маселелерди тескеген вице-премьер Аида Исмаилова брифинг учурунда билдирди.

Анын айтымында, ар бир өлкөнүн Саламаттыкты сактоо министрлиги дарылоонун өзүнчө клиникалык протоколун даярдайт. Кыргызстанда мындай протокол акыркы ирет 8-июнда бекиген. Ал эми ушул шаршемби күнү үйдө жатып дарылангандар үчүн жаңы протокол иштелип чыкты.

Кыргызстан Россиянын коронавируска каршы дарысын алууну сүйлөшүүдө

"Тилекке каршы, үйдө жаткандар ийне сайдырып, асма уколду көп колдонушууда. Туура эмес дарылоодон абалы оорлошуп кеткендер болууда. Алар дексаметазон, эуфиллин жана алардын комбинациясындагы химиялык аралашмалары бар препараттарды колдонушкан. Жарандарга кайрыларым, өзүм билемдик менен дары сатып алып дарыланбаңыздар. Интернетте жана башка булактарда айтылган ыкмаларды колдонбоону сунуштайбыз", — деди Исмаилова.

Ошондой эле ал кыргызстандыктар үчүн клиникалык протоколду алдыңкы адистерден жана окумуштуулардан турган топ иштеп чыкканын кошумчалады.

Мэрия: күндүзгү стационарлардан бейтаптар айыга баштады

"Адистер курч мүнөздөгү вирустук оорулар адамдын гормонун начарлатып, организмдин инфекцияга каршы күрөшүү жөндөмүн алсыратарын айтат. Эгер батыш өлкөлөрүндө коронавирустан улгайган адамдар көбүрөөк каза тапса, биздин өлкөдө жаштарды дагы алып кеткен учурлар аз эмес. Ошондуктан дарыгерлерге клиникалык протоколду так сактоо керектигин эскертебиз. Туура эмес дарылаган медиктер жоопкерчиликке тартылат", — деди вице-премьер.

Өлкө аймагындагы соңку кабарлар менен биздин Telegram-каналдан таанышып туруңуз.

47
Белгилер:
медик, протокол, дарылоо, коронавирус, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Россия коронавируска каршы дагы бир дары чыгарды. Мүнөздөмөсү
Баткенде COVID жугузуп ооруканадан качып кеткен бейтап эртеси каза болуп калды