Алкоголдук ичимдик. Архивдик сүрөт

Кыргызстандыктар эмнеден көз жумат? Статистика

810
(жаңыланган 16:43 08.06.2020)
Былтыр 11 ай ичинде Кыргызстанда 30 миңдей адам каза болгон.

БИШКЕК, 14-фев. — Sputnik. 2018-жылдын январь-ноябрь айларынын ичинде 29 865 кыргызстандык көз жумганын Улуттук статистика комитетинен кабарлашты.

Кыргызстандыктар эмнеден улам көз жумат
Кыргызстандыктар эмнеден улам көз жумат

Бул көрсөткүч 2017-жылдын 11 айына салыштырмалуу өлүм-житим азайганын билдирет. Тагыраагы, мурдагы жылы 30 142 киши өлгөн.

Статистикага таянсак, былтыр суицид жана ичимдиктен каза болгондордун саны киши колдуу болгондорго караганда эки эсе көбүрөөк болгон.

Кыргызстандыктардын өлүмүнө себеп болгон негизги факторлордун бири — кан айлануу системасындагы оорулар (51 пайыз).

810
Белгилер:
себеп, ичимдик, уулануу, өлүм, Улуттук статистика комитети, Кыргызстан
Тема боюнча
Кыргызстандыктар кайсы өлкөлөрдөн келген этти жейт? Статистика
Дүйнөлүк банк Кыргызстанга 46 млн. доллар берет. Акча эмнеге жумшалат?
Кыргызстандан акча сыртка агып жатат. Акыркы статистика
Кишенделген адам. Архив

УКМК: Жапаров, Ташиев менен тааныштыгын айтып кызмат саткан алдамчы кармалды

30
(жаңыланган 00:44 05.03.2021)
Комитет кармалган шектүү 15 миң долларга мамлекеттик кызматтан жетекчилик орунга дайындоону убада кылганын белгилөөдө.

БИШКЕК, 4-мар. — Sputnik. УКМК мамлекеттик кызматтан жетекчилик орун убада кылып, пара алып жаткан шектүүнү колго түшүрдү. Бул тууралуу атайын кызматтын коомчулук менен байланыш бөлүмү билдирди.

Шектүү башкаларды президентке жана УКМК башчысына жакын киши экенин айтып ишендирген.

“Кармалган адам президент жана УКМК башчысы менен жакын тааныштыгы бар экенин айтып, А.Б.А. аттуу жаранды 15 миң долларга мамлекеттик кызматтагы жетекчи орунга дайындоону убада кылган. Бул үчүн андан алдын ала 1 000 доллар аванс алган”, — деп айтылат билдирүүдө.

Бул факты боюнча Кылмыш кодексинин 204-беренеси ("Алдамчылык") менен иш козголду.

УКМК ушундай көрүнүшкө туш келгендерди же күбө болгондорду (0312) 66-00-20 жана (0312) 66-04-75 телефон номерлери аркылуу билдирүүнү өтүнөт.

30
Белгилер:
кармоо, шектүү, алдамчылык, УКМК
Тема боюнча
Кыргызстандыктарды миллиондогон сомго алдап кеткен киши Алматыдан кармалды
Айып короодогу 20 унааны каттайм деп 170 миң сом алып из жашырган. Шектүүнүн сүрөтү
Оорукана. Архив

Аксыда ууланып көз жумгандар жакын туугандар болгон. Окуянын чоо-жайы

334
(жаңыланган 18:56 04.03.2021)
Кара-Суу айыл аймагынын 65 жаштагы тургуну туугандарын 23-февраль жана 8-март майрамына карата кафеге чакырган.

БИШКЕК, 4-мар. — Sputnik. Аксыда ууланып каза болгондор жакын туугандар болгон. Бул тууралуу Жалал-Абад облустук ички иштер башкармалыгынан билдиришти.

Алдын ала алынган маалымат боюнча, ушул жылдын 2-мартында болжол менен саат 14:00дөр чамасында Кара-Жыгач айыл аймагындагы ашканага Кара-Суу айыл аймагынын Э.Б. аттуу 65 жаштагы тургуну буюртма берген.

Ал өзүнүн жакын туугандарын 23-февраль жана 8-март майрамына карата чакырган. Ага 19 адам барган. Аталган ашканадан тамак берилип, меймандар спирт ичимдиктерин да ичишкен.

Коноктор болжол менен саат 16:30дар чамасында үйлөрүнө тарап кетишкен. Эртеси, 3-март күнү кечинде, болжол менен саат 23:00дөр чамасында сый тамакка чакырылган коноктордун арасынан алты адам Кызыл-Туу айыл аймагына караштуу үй-бүлөлүк дарыгерлер бөлүмүнө жакын туугандары тарабынан жеткирилген. Аларга тиешелүү медициналык жардам көрсөтүлгөн. Бирок абалы оор болгондуктан жергиликтүү дарыгерлер аларды Аксы аймактык ооруканасына жиберген. Үч адам үйүндө каза болсо, дагы үчөө райондук ооруканада көз жумган.

Факты 4-март күнү Аксы РИИБ тарабынан Кылмыш жана жоруктардын бирдиктүү реестрине Жазык кодексинин 280-беренеси ("Санитардык-эпидемиологиялык эрежелерди бузуу") менен катталып, сотко чейинки өндүрүш иши ачылган.

Учурда тиешелүү экспертизанын жыйынтыктары алынып, тергөө иштери улантылып жатат.

Буга чейин каза болгондордун ким экени такталган.

334
Белгилер:
майрам, уулануу, Аксы, Кара-Суу району
Тема боюнча
Конокко барышкан. Аксыда ууланып каза болгондордун саны 6 адамга жетти
Аксыда ууланып каза болгондордун ким экени такталды. Тизме