Алай районунун Гүлчө айылында 40 жаштагы киши казып жаткан кудугуна түшүп кетип, үстүн шагыл басып калган

Алайда 4 метрлик кудукка түшүп кеткен кишини шагыл басып калды. Сүрөт

552
(жаңыланган 18:22 20.02.2019)
Жабырлануучуну тереңдиктен 3,5 саатта алып чыгышкан.

БИШКЕК, 20-фев. — Sputnik. Алай районунун Гүлчө айылында 40 жаштагы киши казып жаткан кудугуна түшүп кетип, үстүн шагыл басып калган. Бул тууралуу ӨКМ билдирди.

  • Алай районунун Гүлчө айылында 40 жаштагы киши казып жаткан кудугуна түшүп кетип, үстүн шагыл басып калган
    Алай районунун Гүлчө айылында 40 жаштагы киши казып жаткан кудугуна түшүп кетип, үстүн шагыл басып калган
    © Фото / пресс-служба МЧС КР
  • Маалыматка ылайык, кырсык 20-февраль күнү болгон
    Маалыматка ылайык, кырсык 20-февраль күнү болгон
    © Фото / пресс-служба МЧС КР
  • Жабырлануучунун абалы туруктуу экени айтылды.
    Жабырлануучунун абалы туруктуу экени айтылды.
    © Фото / пресс-служба МЧС КР
1 / 3
© Фото / пресс-служба МЧС КР
Алай районунун Гүлчө айылында 40 жаштагы киши казып жаткан кудугуна түшүп кетип, үстүн шагыл басып калган

Маалыматка ылайык, кырсык 20-февраль күнү болгон. Саат 11.54тө чакыруу түшүп, фельдшер менен куткаруучулар үч мүнөттөн кийин окуя болгон жерге барышкан.

"Кудуктун тереңдиги 4 метр экен. Ичи тар болгондуктан бир куткаруучу ичине түшүп, жабырлануучунун үстүн басып калган шагылды чака менен сыртка алып чыгып тазалаган. Саат 15.36да түшүп кеткен киши чыгарылган", — деп айтылат билдирүүдө.

Жабырлануучунун абалы туруктуу экени айтылды.

552
Белгилер:
ӨКМ, куткаруучу, кудук, Алай району
Тема боюнча
Бельгиялык турист кыз Караколго жакын жерде көчкү алдында калып каза болду
Ноокат: соода күркөсүнө урунган минивэн 13 жаштагы баланы басып калган
Турак жайдагы лифттин баскычтары. Архив

Тамак ташыган лифт официант келиндин башын үзүп кете жаздады. Москвадагы окуя

48
(жаңыланган 22:57 09.08.2020)
Официант тамак ташыган анча чоң эмес лифтинин жанында турган. Ошол мезгилде, сыягы, ал биринчи кабаттагы ашпозчуларды чакырып жаткан.

БИШКЕК, 9-авг. — Sputnik. Москванын түштүк-батыш тарабындагы тамактануучу жайлардын биринде тамак ташыган лифт аз жерден барда иштеген официанттын башын үзүп сала жаздады. Бул тууралуу РИА Новости "Московский комсомолец" басылмасына таянып кабарлады.

Окуя 8-августка караган түнү болгон. Официант келин тамак ташыган анча чоң эмес лифтинин жанында, экинчи кабатта турган. Ошол мезгилде, сыягы, ал биринчи кабаттагы ашпозчуларга бир нерсени кыйкырып айтып жаткан.

"Аял кокустан кнопканы басып алып, лифт биринчи кабатка кетип калган. Токтотуучу системасы иштеп баштаганда ал бир нече метрге өтүп кеткен. Жыйынтыгында официант келиндин мойну эки механизмдин ортосунда калган. Лифтти экинчи кабатка чакырып, эптеп башын тартып алганга үлгүргөн. Учурда моюн омурткасы сынып, реанимацияда жатат", — деп айтылат маалыматта.

Шуулдаган парашют, айланган жер... Россиялык десантчылардын видеосу

Күбөлөрдүн айтымында, ал чарчагандыктан ушундай окуяга кептелген. Жабыркаган аялдын баласы бар, өзү Воронеж шаарынан, аталган барда бир айдан ашык убакыттан бери иштеп келе жатканы маалым болду.

48
Белгилер:
лифт, окуя, официант, Москва
Тема боюнча
Ажалы жок экен. Кытайда 30-кабаттан кулаган кишинин аман калган видеосу
Бейруттагы жарылуудан жабыркагандарга жардам берүү

Бейрутта жарылуудан тирүү калган адамдарды издөө иштери аяктады

97
(жаңыланган 18:22 09.08.2020)
Издөө-куткаруу иштери аяктады. Ливандын Коргоо министрлиги жаңы адамдар табылат деп күтпөй турганын расмий билдирген.

БИШКЕК, 9-авг. — Sputnik. Бейруттагы жарылуудан кийин тирүү адамдарды издөө иштери аяктады, учурда урандыларды тазалоо иштери уланууда. Бул тууралуу Россиянын Өзгөчө кырдаалдар министрлиги РИА Новостиге билдирген.

"Издөө-куткаруу иштери аяктады, ал эми авариялык-куткаруу иштери уланууда", - деп айтылат маалыматта.

Маалыматка ылайык, Ливандын Коргоо министрлигинин өкүлдөрү кабыл алуучу тарап катары урандылардын алдынан жаңы адамдар табылат деп күтпөй турганын расмий билдирген.

Кыйратуучу жарылуу 4-августта Бейруттун деңиз портунда болгон. Жарылуунун толкуну менен ондогон көп кабаттуу үйлөр, автоунаалар талкаланып, шаардагы көпчүлүк кварталдагы имараттардын терезелери сынган. Жергиликтүү бийликтин маалыматы боюнча, жарылууга 2014-жылдан бери кампада 2750 тонна аммиак селитрасынын туура эмес сакталганы себеп болгон. Жарылуудан 158 киши каза болуп, алты миңден ашык адам жаракат алышкан.

14 киши көз жумду. Индияда учак экиге бөлүнүп кетип, кырсыктаган видео

Россия Ливанга ӨКМдин бир нече учагын жиберген. Жарылуу болгон жерден беш чакырым алыс жерге талаа ооруканасы ачылган. Россиянын куткаруучулары Бейруттун портунда иштерин улантып жатат.

97
Белгилер:
ӨКМ, Россия, куткаруу, жарылуу, Бейрут
Тема:
Бейруттагы жарылуу
Тема боюнча
Бейрутта жабыркагандардын арасында КР жарандары бар-жогун ТИМ тактады
Белоруссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

29
(жаңыланган 00:01 10.08.2020)
Президент аталган өлкөдө беш жылдык мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматы боюнча, Лукашенко беш аймакта биринчи келе жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат маалыматта.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Ал эми exit poll жыйынтыгы бир аз айырмаланат: 

  • Александр Лукашенко — 79,7 пайыз
  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Exit poll берген маалымат боюнча, шайлоочулардын 9,2 пайызы баарына каршы добуш берген.

БШКдан Белоруссиядагы президенттик шайлоонун акыркы жыйынтыгы жума күнү чыга тургандыгын айтышты.

Президент аталган өлкөдө 5 жылдык мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

29
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме