Кыз. Архивдик сүрөт

Чүйдө интернаттан качкан 13 жаштагы кыз изделүүдө

(жаңыланган 10:53 23.02.2019)
Өспүрүм төрт күндөн бери дайынсыз болууда.

БИШКЕК, 22-фев. — Sputnik. Чүй облусунун Аламүдүн районунда 13 жаштагы Анаркүл Жоошбаева изделип жатканын облустук милициянын маалымат кызматынан билдиришти. 

В Чуйской области пропала 13-летняя Анаркуль Жоошбаева
© Фото / пресс-служба ГУВД региона
Чүй облусунун Аламүдүн районунда 13 жаштагы Анаркүл Жоошбаева изделип жатат

Ал 18-февраль күнү Таш-Дөбө айлындагы мектеп-интернаттан чыккан бойдон кайтып келген эмес. Милициянын айтымында, ал мурда дагы интернаттан качкан.

Белгилери: бою 150-155 сантиметр, көздөрү кара, чачы тармал, ийнине жетет.

Кийимдери кара түстө, колунда сары рюкзак бар.

Өспүрүмдүн жүргөн жери тууралуу маалыматтар болсо, төмөндөгү номерлерге кабар бериңиздер:

0(312) 36-35-27 (Аламүдүн райондук милициясынын нөөмөт бөлүмү), 0 (312) 36-35-23, 0(552) 22-06-92, 0 (704) ) 31-25-05, 0(550) 34-33-63 (Криминалдык милициянын издөө бөлүмү) же 102.

Белгилер:
интернат, издөө, өспүрүм, Аламүдүн району, Чүй облусу
Тема боюнча
Бишкекте дайынсыз жоголгон киши изделүүдө. Сүрөт
Ысык-Көл облусунун Ак-Суу районундагы кар көчкү

Кар көчкүдөн улам Каракол Эңилчек жолу жабылды. Сүрөт

(жаңыланган 09:42 23.04.2021)
ӨКМдин билдиришинче, кар көчкү Ысык-Көл облусунун Ак-Суу районуна кечээ саат 15:00дөр чамасында түшкөн. Бүгүн жеринде тазалоо иштери уланууда.

БИШКЕК, 23-апр. — Sputnik. Кар көчкүдөн улам Каракол — Эңилчек унаа жолу 25-апрелге чейин жабылды. Бул тууралуу ӨКМ кабарлады.

На двух участках в Иссык-Кульской области сошли снежные лавины. 23 апреля 2021 года
© Фото / пресс-служба МЧС КР
Кар көчкүдөн улам Каракол — Эңилчек унаа жолу 25-апрелге чейин жабылды

Кар көчкү Ысык-Көл облусунун Ак-Суу районуна кечээ саат 15:00дөр чамасында түшүп, жерине тазалоо иштерин жүргүзүү үчүн №11 жол тейлөө ишканасынан бир жүктөгүч тартылган.

Ушу тапта тазалоо иштери уланууда.

Белгилер:
көчкү, кар, жол, унаа, Эңилчек, Каракол, Ысык-Көл, ӨКМ
Тема боюнча
"Ата-Бейит" комплекси жактагы тоодон өрт чыкты. Видео
Акча санап жаткан аял. Архив

Күйөөсүнүн 5000 долларын коротуп, өзүнө кол салуу уюштурган аял кармалды

(жаңыланган 18:08 22.04.2021)
Милиция буга чейин каракчылык фактысы боюнча кылмыш ишин козгогон, бирок тергөө учурунда кылмыш болбогону аныкталган.

БИШКЕК, 22-апр. — Sputnik. Кыргызстандык аял жолдошу жиберген беш миң долларды коротуп салганы үчүн коркуп, өзүнө кол салуу уюштурган. Бул тууралуу Чүй облустук ИИББден билдиришти.

2020-жылдын 29-декабрында 42 жаштагы Э.Г. аттуу аялдан арыз түшкөн. Анын айтымында, үйүнө бет кап кийген белгисиз эки киши кирип келип сабап, беш миң долларын алып кеткен.

Факты боюнча кылмыш иши козголгон. Тергөө учурунда аял мындай сценарийди мурдагы жолдошу менен ишке ашырганы аныкталган. Тартип сакчылар 42 жаштагы Э.Г. менен 39 жаштагы С.О. деген шектүүлөрдү милициянын бөлүмүнө жеткиргенден кийин алар күнөөсүн мойнуна алышкан.

"Аял жолдошу чет өлкөдөн жиберген акчасын коротуп салгандыктан коркуп ушундай кадамга барганы белгилүү болду", — дешти милициядан.

Учурда тергөө амалдары уланып жатат.

Белгилер:
кылмыш, аял, милиция, Чүй облусу, Кыргызстан
Тема боюнча
Ысык-Атада уурдалды деп милицияны түп көтөрткөн бала досунун үйүнөн табылды
Эне жана баланы коргоо борборунун патология бөлүмүнүн неврологу, медицина илимдеринин кандидаты Нурмухамед Бабажанов

Бабажанов: өлкөдө полиомиелит менен ооруган бала жок

(жаңыланган 10:44 23.04.2021)
Эне жана баланы коргоо борборунун патология бөлүмүнүн неврологу, медицина илимдеринин кандидаты Нурмухамед Бабажанов шал менен ооруган бейтап акыркы жолу 1993-жылы катталганын айтты.

Балдар арасында церебралдык шал, талма жана бала эненин курсагындагы кезинде же төрөлүп жатканда алган жаракатынан улам баш мээнин жабыркашы эң негизги көйгөй. Нерв ооруларынын пайда болушунун себептери баланын тубаса кемтик менен төрөлүшү, аны шарттаган тукум кууган оорулар, ата-эненин ден соолугу, жашоо образы, эненин канынын аздыгы себеп болот. Бул тууралуу Нурмухамед Бабажанов Sputnik Кыргызстан радиосунун эфиринде маек куруп жатып билдирди.

Бабажанов: өлкөдө полиомиелит менен ооруган бала жок

Анын айтымында, полиомиелитке каршы балдарды массалык түрдө эмдөөдөн улам азыр өлкөдө бул илдет менен ооруган адам жок.

"Полиомиелит же шал оорусу курч өтүүчү жугуштуу оору. Көбүнчө кичинекей балдар менен өспүрүм курактагылар оорушат. Ошентсе да кичинесинде полиомиелитке каршы эмдөөдөн өтпөй калган чоңдор да ооруну жуктуруп алган учурлар бар. Оору борбордук нерв системасын, биринчи кезекте жүлүндү жабыркатып, өтүшүп кетсе шалга кептей тургандыгы менен кооптуу. Вирус кан аркылуу жүлүнгө барып булчуңдарды иштете турган мотордук клеткаларды талкалайт. Ошондуктан баланын колу-буту иштебей майып болуп калат. Ошондой эле кээде жутуу жана дем алуу булчуңдары да шал болуп, өлүмгө алып келген учурлар бар. Эгер бала шал болуп калса кайра толук калыбына келе албайт. Кыргызстанда 1960-жылдары полиомиелит менен ооруп калып мүмкүнчүлүгү чектелген балдарды реабилитациялоо үчүн Ак-Сууда санаторий ачылган. Акыркы жолу шал менен ооруган бейтап 1993-жылы катталган. Ал эми 2010-жылы коңшу Тажикстанда ооругандар катталып, биз үчүн кооптулук жаралган эле. Мурда төрөт үйүндө эле балдардын оозуна шал оорусуна каршы дары тамчылатып койчу элек. Азыр, кудайга шүгүр, аталган илдет менен жабыркаган балдар жок. Бирок дүйнө жүзүндө оору дагы деле бар. Алсак, Кыргызстанга вирустун очогу бар Индия, Пакистандан адамдар келип-кетип жатышат. Ошондуктан азыр улуттук календарь боюнча балдар жылына төрт ирет полиомиелитке каршы вакцина алышы зарыл", — деди Бабажанов.

Дарыгер 2010-жылдан бери шал илдетинин белгилери болгон балдардын анализи тоңдурулуп Москвадагы Чумаков институтуна жөнөтүлүп, ал жактан диагноз коюлуп жатканын кошумчалады.

Белгилер:
өспүрүм, бала, илдет, вирус, нерв, полиомиелит, Нурмухамед Бабажанов
Тема боюнча
Өлкөдө балдарга полиомиелитке каршы вакцина сайыла баштады