От. Архивдик сүрөт

Жолдошу улуу баласын операцияга алып кеткен. Таласта ис урган бүлөнүн окуясы

1411
(жаңыланган 18:24 25.02.2019)
Кырсыкка байланыштуу "Түндүк электр" ишканасынын Талас облусундагы филиалынын инспектору жана электромонтеру өз арызы менен иштен кеткен.

БИШКЕК, 25-фев. — Sputnik. Талас облусунун Кара-Суу айылында ис урган үй-бүлөнүн окуясы көпчүлүктүн үрөйүн учурду. Каза болгон эненин өспүрүм кызы да көз жумса, дагы бир чүрпөсү учурда Бишкек шаарындагы ооруканада комада жатат.

Эске салсак, Кара-Суу айылында 37 жаштагы келин үйүн жылытуу максатында бөлмөгө чаканын ичине от жагып, анын кесепетинен иске ууланып кызы менен кошо көз жумган. Дагы эки баласы — 13 жаштагы уулу жана беш жаштагы кызы оор абалда ооруканага жеткирилген.

Sputnik Кыргызстан кейиштүү окуянын чоо-жайын териштирип көрдү.

Үй-бүлө башчысы депутат болчу

Каза болгон келиндин кайнисинин (аты-жөнүн атагысы келген жок) айтымында, кырсыктын алдында үй-бүлө башчысы 11-класста окуган сыркоологон уулун Бишкекке операцияга алып кеткен.

"Окуя болоордон 10 күн мурда байкем улуу баласынын кулагын операция жасатканы Бишкекке кеткен. 19-февраль күнү жеңем да жумуштары менен Талас шаарына барыптыр. Ал күнү үйүнө адистер келип "электр жарыгына карызыңар бар экен" деп кызынын "апам келип төлөйт" дегенине болбой, жарыгын өчүрүшкөн. Үйгө келгенден соң жеңем сыртка от жагып, тамак жасап, үй суук болгондуктан "табы чыксын" деген окшойт, очоктун бир-эки чогун чакага салып үйгө алып кирип коюп, ошондон ууланышыптыр", — деди маркум келиндин кайниси.

Кара-Суу айыл өкмөтүнүн башчысы Рустамбек Биримкулов каза болгон келиндин бүлөсү орто деңгээлде жашаарын, күйөөсү айылдык кеңештин депутаты экенин айтты.

"Келин чакага от жаккан эмес, сыртка тамак жасап көмүрдүн бир-эки чогун гана чакага салып, ошонун исинен ууланышыптыр. Жолдошу айылдагы жергиликтүү кеңештин депутаты. Ал эми аялы мурда чет өлкөгө барып иштеп келгенин уктук. Үй-бүлө орто шартта жашайт. Чоң үйүндө меши бар экен. Бирок кышкысын ал жактын жылыткычынын суусун төгүп полу жылуулатылган времянкада жашап жатышыптыр. Жарык өчүп калганда келин балдар үшүп калбасын деген окшойт…", — деди Биримкулов.

Эне баланын өлүмүнө себеп болгон — 2 497 сом

"Түндүкэлектр" ишканасынын маалымат катчысы Гуля Мураталиева окуяга байланыштуу ишкананын Талас филиалындагы инспектору жана электромонтеру өз каалоосу менен иштен кеткенин билдирди.

"Маалыматтарды карасак, бул үй-бүлөнүн 2018-жылдын январь айынан бери эле электр энергиясына карызы бар болуп чыкты. Былтыркы жылдын январдан берки алты айынын карызын июль айында жабышыптыр. Кайра августтан баштап карызы көбөйүп отуруп, февралда туумдарын кошкондо 2497 сом болуп чыгыптыр. Болуп өткөн окуяга байланыштуу инспектор менен электромонтер жетекчиликтин үстөмдүгү жок эле өз каалоосу менен иштен кетүү тууралуу арыз менен кайрылган. Эми алар өз ишин инструкцияга жараша жүргүзгөн. Бул жерде кырсык электр жарыгын өчүрүп салгандан эмес, коопсуздук эрежесин билбестиктен келип чыгып жатат", — деди Мураталиева.

Кырсык боюнча келиндин жолдошу азырынча маалымат берүүдөн баш тартты.

Балдардын абалы

Ал ортодо Эне жана баланы коргоо улуттук борборунун жетекчиси Камчыбек Узакбаев ис уруп каза болгон келиндин ооруканага түшкөн экинчи кызынын абалы оор экенин билдирди.

Дарыгердин айтымында, беш жаштагы кыз аталган борборго кечээ алып келинген. Абалы өтө оор болуп, комада жатат.

Ал эми эркек баласынын абалы турукташып, 23-февралда Таластагы ооруканадан чыгарылган.

1411
Белгилер:
кырсык, уулануу, ис, Талас
Тема боюнча
Таласта үй ичинде чакага от жаккан келин кызы менен көз жумду
6-кабаттан секирип кеткен кыздын абалы айтылды
Медиктер сөөктү алып кетүүдө. Архивдик сүрөт

Коронавирустан бир суткада үч киши каза болду, бири медик

243
(жаңыланган 10:14 03.06.2020)
Каза болгондордун баары эркек кишилер. Көз жумган медицина кызматкери апрель айынан бери пневмония дартына чалдыккандарды дарылап келген.

БИШКЕК, 3-июн. — Sputnik. Өткөн суткада өлкө ичинде коронавирустан үч киши каза болду. Алардын бири медик. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

“Ош облустук бириктирилген ооруканасында каза болгон бейтаптар 59, 55 жаштагы эркек кишилер. Үчүнчүсү Нарын облустук ооруканасында дарыланып жаткан. Ал 84 жашта болгон”, — деди Үсөнбаев.

Жалпы каза болгондордун саны 20 кишини түздү.

243
Белгилер:
өлүм, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Кыргызстанда бүгүн 26 адам коронавирус жуктурганы белгилүү болду
Эркек кызды чачынан тартып жатат. Иллюстративдик сүрөт

1000 сомдун айынан ажал таап... Аялын өлтүргөн эркекке өкүм чыкты

166
Үй-бүлөдөгү чырга эркек кишинин катып койгон акчасынын табылбай калышы себеп болгон. Аял оорукананын жандандыруу бөлүмүндө тогуз күн жатып кайтыш болгон.

БИШКЕК, 3-июн. — Sputnik. Жарандык никедеги аялын өлтүргөн эркек киши 7,5 жылга эркинен ажыратылды. Бул тууралуу Жогорку соттун расмий сайтында жарыяланды.

Өкүмгө ылайык, окуя Чүй облусундагы шаарлардын биринде болгон. Үйгө мас болуп келген айыпталуучу келинчеги менен урушуп, аны катуу сабап койгон. Чыр-чатактын келип чыгышына үй ээсинин дасторкон астына катылган 1000 сомун таппай калганы себеп болгон.

Сот отурумунда шектүү күнөөсүн толук мойнуна алып, төмөндөгүдөй көрсөтмө берген:

"Ал күнү аялым экөөбүздүн тең арактан башыбыз ооруп турган. Мен андан мурда берген акчаны жана короого коюп койгон жезди сурасам жок деп жооп берген. Ачуум келип аны бир жолу эле бетке чаап жатып алгам. Бир аз убакыт өткөндөн кийин таанышым келип 500 сомго кык жүктөшүп койчу дегенинен ошол жакка кеткем. Кайра келсем аялым короодо жатыптыр, байкасам жүрөгүнүн согушу сезилбейт. Дароо дарыгерлерди чакырткам", — деген ал.

Баш мээси катуу жабыркаган аял оорукананын жандандыруу бөлүмүндө тогуз күн жатып кайтыш болгон.

Сот айыпталуучуну 7,5 жылга эркинен ажыратып, 90 миң сом айып салды.

166
Белгилер:
Өлтүрүү, адам, кылмыш, өкүм, сот, Кыргызстан
Тема боюнча
Балта менен коркутуп аялыма арак алдырайын дегем... Марттагы соттук өкүмдөр
Интернеттен жигит болуп таанышып, жолукканда кызды бычактаган аялга өкүм чыкты
Ат-Башыдагы мал базар

Ат-Башыдагы мал базарга башка облус, район соодагерлери киргизилбей турган болду

18
(жаңыланган 16:00 03.06.2020)
Райондогу мал базар иштегени менен ал жакта бир топ чектөө чаралары болот. Ошондой эле башка район, облустун соодагерлери киргизилбей турганы айтылды.

БИШКЕК, 3-июн. — Sputnik. Нарын облусунун Ат-Башы районунда мал базар 7-июндан тарта иштейт. Бул тууралуу район башчысы Нурбек Сатаров брифинг учурунда билдирди.

Анын айтымында, өлкөдө мал базарлардын ишмердүүлүгүнө 21-майдан тарта уруксат берилген. Бирок райондогу мал базар эпидемиологиялык абалдан улам иштей элек болчу.

"7-июнь күнү Ат-Башы мал базары иштеп баштайт, бирок ал жерде чектөөлөр болот. Базарга райондо жашагандар гана бара алат. Башкача айтканда, Нарындан же башка райондон келчү соодагерлер киргизилбейт. Азыр эл жайлоого көчүп, айдап-себүү иштери жүрүүдө. Мындан улам район тургундары, фермерлер малын сатып алсын деп эле базарды ачып жатабыз. Кийим, буюм, тамак-аш азырынча сатылбайт. Базар 14:00гө чейин эле иштеп, анын тегерегине посттор коюлат", — деди Сатаров.

Өкмөттүн Жалал-Абад облусундагы өкүлү Нурболот Мирзахмедов
© Фото / Республиканский штаб КР по борьбе с COVID-19
Район башчысы буга чейин Ат-Башы коронавирустан тазаланганын маалымдаган. Ал жакта жалпы 77 киши вирус илештирип алган.

Аким акыркы 20 күндүн ичинде Ат-Башыда коронавирус жуктургандар катталбаганын айтып, санитардык нормаларды, эрежелерди сактап жаткан район элине ыраазычылык билдирди.

Кыргызстанда жалпысынан алганда коронавирус 1871 адамдан табылды. Алардын арасынан 1265и айыгып, 20 бейтап көз жумду.

18
Белгилер:
эреже, тартип, коронавирус, базар, мал, Ат-Башы, Нарын
Тема:
Коронавируска байланыштуу Кыргызстандагы кырдаал
Тема боюнча
Коронавирустан көз жумган үч бейтап. Министрлик чоо-жайы тууралуу