Ош: аялынын өлгөнүн эч кимге айтпай, үйүндө эки күн кармап жаткан киши камалды

© Sputnik / Табылды КадырбековАялды муунтуп жаткан адам. Иллюстративндүү сүрөт
Аялды муунтуп жаткан адам. Иллюстративндүү сүрөт - Sputnik Кыргызстан
Жазылуу
Шектүү жубайынын өлүмү тууралуу эки күн бою эч кимге билдирген эмес

ОШ, 25-фев. – Sputnik. Ош шаарында 35 жаштагы жубайын сабап өлтүрүүгө шектелген киши камакка алынды. Бул тууралуу шаардык милициянын маалымат катчысы Замир Сыдыков Sputnik Кыргызстан агенттигине билдирди.

© Фото / Зульфия ТургуноваШектүү
Подозреваемый в избиении своей супруги до смерти - Sputnik Кыргызстан
Шектүү

Анын айтымында, окуя 2019-жылдын 19-февралында болгон.

Милиция жана тез жардам кызматы. Архив - Sputnik Кыргызстан
Бишкектеги мушташтан 19 жаштагы улан каза тапты
Ак-Тилек кичирайонунун 46 жаштагы тургуну аялы менен чырдаша кетип, аны ур-токмокко алган. Анын кесепетинен жабырланган жубайы керебетке жаткан боюнча эсинен танып, ошол тейде каза болгон. Ал өз көрсөтмөсүндө аялы ошол күнү кайненесинен 500 сом акча алып чыгып кеткендигин жана акчаны эмнеге коротконун сураса айтпай койгондуктан жаңжал чыгарганын айтып берген. Аялды ур-токмокко алгандыгын да кошумчалаган.

"Шектүү чырдашкан учурда мас болгон. Маркум 19-февралда каза болгону менен күйөөсү Тез жардам кызматын, милиция органдарын чакырган эмес. Милицияга маалымат эки күндөн кийин, 21-февраль күнү түшкөн", — деп айтып берди Сыдыков.

Тартип коргоо органдарынан андан эмне себептен аялынын ѳлүмү тууралуу милицияга маалымат бербей жата бергендигин сураган.

"Грипп болуп ооруп, билдиргенге мүмкүнчүлүгү болбой калган", — деп жооп берген ал.

Шектүүгө Жазык кодексинин 138-беренеси боюнча кылмыш иши козголуп, иликтөө иштери жүрүп жатат.

Ош шаардык соту тергѳѳ мѳѳнѳтү аяктаганга чейин аны эки ай абакта кармоо чечимин чыгарды.

Жаңылыктар түрмөгү
0