Күч көрсөтүү. Архивдик сүрөт

Кыргызстандык аял ага асылган күйөө баласын өлтүрүп салган. Соттун чечими

774
(жаңыланган 21:35 28.02.2019)
Айыпталуучу күнөөсүн жарым-жартылай моюндаган.

БИШКЕК, 28-фев. — Sputnik. Чүй облустук соту асылган күйөө баласын өлтүрүп салган кыргызстандык аялдын аппеляциялык арызын карап, биринчи инстанциянын чечимин күчүндө калтырды. Бул тууралуу Жогорку соттун сайтына жарыяланган актыда айтылат.

Аламүдүн райондук сотунун өкүмүнө караганда, өткөн жылдын 22-июнунда аял өзүнүн кызы жана күйөө баласы менен ичимдик ичип отурган. Кызы уктап калган кезде соттолуучу күйөө баласын төшкө эки ирет бычак менен урган. Ал күйөө баласы ага асылганын билдирген. Айыпкер күнөөсүн жарым-жартылай моюндап, окуя кандай болгону эсинде жок экенин белгилеген.

Экспертиза кайнене менен күйөө бала мас абалында болгонун көрсөткөн.

Психологиялык-психиатриялык экспертиза аялдын акыл-эси ордунда экенин аныктаган. Эксперттер "окуя болгон учурда аял жөн гана мас болгон. Ал өзүнүн аракеттерине отчет берип, башкара алмак" деген бүтүмүн чыгарып берген.

Аламүдүн райондук соту айыпталуучуну аялдардын колониясына 11 жылга кескен.

"Соттолуучу окуя капыстан болгонун, күйөө баласы ага асылгандыктан ызага батып кеткенин айтып, аны атайылап өлтүрбөгөнүн билдирген. Бирок соттук коллегия аял жоопкерчиликтен качуу максатында ушундай жүйөлөрдү келтирип жатат деген бүтүмгө келишкен", — деп актыда айтылат.

Натыйжада Чүй облустук соту биринчи инстанциянын чечимин күчүндө калтырды. Макул болбогон тарап Жогорку сотко даттана алат.

774
Белгилер:
күйөө бала, Чүй району
Тема боюнча
Бишкекте кишинин кафенин кассасына кол салып жаткан учуру видеого түшүп калды
Эки мас урушуп, бирөө уулунун көзүнчө экинчисине 12 ирет бычак урган
Минск шаарындагы нааразычылык акциясынын катышуучулары

Минскиде президенттик шайлоодон кийин митингге чыккандар тарады

34
(жаңыланган 10:12 10.08.2020)
9-август күнү Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгондор шаардын борборун көздөй агылган.

БИШКЕК, 10-авг. — Sputnik. Минск шаарында митингге чыккандардын басымдуу бөлүгү тарап кетти. Бул туралуу РИА Новости жазды.

"Борбордук көчөлөрдө нааразычылык акциясына чыккандар байкалбайт. Акырындык менен автоунаа кыймылы калыбына келип, эл күнүмдүк жашоосун улантууда", — деп айтылат кабарда.

Күч органдары митинг учурунда көчөлөргө койгон тосмолорду алып салды. Бирок айрым жерлерде полиция автоунаа менен кыдырып карап жүргөнүн көрүүгө болот.

Минск: ОМОН жоокерлери менен митингчилердин кагылышкан учуру. Видео

Эске салсак, кечээ, 9-август күнү, Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгон жүздөгөн адам Минск шаарынын борборун көздөй агылган. Аларга ОМОН отрядынын жоокерлери каршы турган.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонгон.

Кечээ кечинде Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы Александр Лукашенко эл добушунун 82 пайызын алгандыгы айтылган.

34
Белгилер:
Александр Лукашенко, абал, шайлоо, митинг, Белоруссия
Тема боюнча
БШК: Белоруссияда президенттик шайлоо өттү, 54 пайыз шайлоочу добуш берди
Белоруссия: президенттик шайлоодо Лукашенко алдыда. Exit poll, БШКнын жыйынтыгы
Президенттик шайлоодон соң Минскидеги акциянын катышуучуларын кууп таратуу. Баяндама
Кишенделген адам. Архив

УКМК бир катар кылмыштарга шектелген өзбекстандык жаранды кармады

53
Учурда Башкы прокуратура ага карата баш коргоо чарасын тандап, Өзбекстандын компетенттүү органдарына өткөрүп берүү маселеcин карап жатат.

БИШКЕК, 10-авг. — Sputnik. Улуттук коопсуздук боюнча мамлекеттик комитет издөөдө жүргөн Өзбекстандын жаранын кармады. Бул тууралуу мекеменин маалымат кызматы кабарлады.

Ага ылайык, коңшу өлкөнүн 47 жаштагы тургуну бир катар кылмыштарга шектелип, таптырбай жүргөн. 8-август күнү чекисттер аны колго түшүргөн.

Кармалган адам УКМКнын тергөө абагына киргизилген.

Учурда Башкы прокуратура ага карата баш коргоо чарасын тандап, Өзбекстандын компетенттүү органдарына өткөрүп берүү маселесин карап жатат.

УКМК: ИИМдин бөлүм башчылары кол астындагылардан акча талап кылган

Белгилей кетсек, 1993-жылдагы үй-бүлөлүк жана кылмыш иши боюнча укуктук жардам жана укуктук мамилелер туралуу Минск конвенциясынын алкагында мамлекеттер бири-бирине кылмышкерлерди тапканга жардам берип, экстрадиция кылышат.

53
Белгилер:
экстрадиция, кармоо, кылмыш, Башкы прокуратура, УКМК, Өзбекстан
Тема боюнча
Бишкекте кармалган "Хизбут-Тахрирдин" мүчөсү оор кылмышка да шектелүүдө
Тоодогу альпинист. Архив

Ленин чокусу СССРден берки таштандыдан арылып жатат. Сүрөт

0
(жаңыланган 10:43 10.08.2020)
Тоонун бийиктигин эске алуу менен таштандыдан тазалоо иши бир гана кесипкөй альпинисттердин катышуусунда ишке ашып жатканы белгиленди.

БИШКЕК, 10-авг. — Sputnik. Учурда Ленин чокусун таштандыдан арылтуу боюнча акция жүрүп жатат. 8-августта башталган иш 25-августта жыйынтыктала турганын Маданият, маалымат жана туризм министрлиги кабарлады.

Билдирмеде 2018-2019-жылдары КРдин альпинисттик клубу жана Нэпиер Эдинбург университети (UK) изилдөө жүргүзүп, Ленин чокусунда экологиялык кырдаал оор деп бааланганы айтылат.

"Альпинисттик туризмдин натыйжасында Ленин чокусунда совет мезгилинен бери абдан көп таштанды чогулган. Тоо бийик болгондуктан (3600-6300 метр) аны тазалоо бир гана кесипкөй альпинисттердин катышуусунда ишке ашып жатат", — деп айтылат маалыматта.

Акция Маданият, маалымат жана туризм министрлигине караштуу Туризм департаменти тарабынан демилгеленип, Швейцария өкмөтүнүн, Евросоюз, Хельветас Кыргызстан, "Ага Хан" фонду жана ПРООНдун финансылык колдоосу менен өтүүдө.

Үч өлкөнүн аскердик альпинисттери Ленин чокусун багындырышты. Сүрөт

Донорлор тарабынан иш-чарага 17 620 АКШ доллары бөлүнгөн. Бул каражат альпинист-гиддерди тамактандырууга, жатаканасына жана алардын кызмат акысын төлөөгө, чогултулган таштандыны Ленин чокусунан Дароот-Коргон айылындагы таштанды полигонуна чыгарууга, ошондой эле бет кап, кол кап жана башка керектүү жабдыктарга жумшалат.

Ленин чокусу Кыргызстан менен Тажикстандын арасындагы Чоң Алай кырка тоосунун борбордук бөлүгүндө жайгашкан. Бийиктиги 7 134 метрди түзөт. Бул чоку 1934-жылы багындырылган.

0
Белгилер:
тазалоо, таштанды, тоо, Ленин чокусу, Маданият, маалымат жана туризм министрлиги, Кыргызстан
Тема боюнча
Кыргызстандагы эң бийик жети чоку