Тапанча көтөргөн киши. Архивдик сүрөт

Өмүрүнө кол салмак эмес! Кой-Ташта каза болгон жигиттин атасы үн катты

564
(жаңыланган 13:45 01.03.2019)
Чүй облустук милициясы Кой-Таш айылынан машинанын ичинен сөөгү табылган 25 жаштагы жигит жан кыйышы мүмкүн деген версиянын да тарап жатканын билдирген.

БИШКЕК, 1-мар. — Sputnik. Бишкекке жакын жердеги "Кой-Таш айылында машинанын ичинен сөөгү табылган жигит жанын кыюуну ойлонуп жүрчү" деп Чүй облустук милициясынын тараткан маалыматы чындыкка дал келбейт. Бул тууралуу маркумдун атасы Өмүрбек Шерматов Sputnik Кыргызстан агенттигине билдирди.

Белгилей кетсек, облустук милиция 25-февралда Mazda 6 үлгүсүндөгү автоунаадан 20-25 жаштардагы баланын сөөгү табылганын маалымдаган. Тинтүү учурунда машинанын ичинен Макаров тапанчасы табылган. Милиция "маркум чыкыйга өзүн-өзү атып каза болушу ыктымал" деген версияны да маалымдаган.

Шерматов уулу арак ичпегенин, чырдан оолак, оптимист жана жоопкерчиликтүү болгонун айтты. Окуусун бүткөндөн кийин үйлөнүүнү пландап жүргөнүн кошумчалады.

Ал ошондой эле тергөө аяктай электе, экспертизанын жыйынтыктары чыга элек туруп ИИМдин "маркум өз жанын кыйды" деген корутундуга келип жатканын сындады.

"Ал депрессияга түшкөн эмес, үйдүн жалгыз баласы болгондуктан дайыма көңүл бурулуп турчу. Батири, машинасы бар эле. Үйдө жалгыз жашачу, эгер өз жанын кыйгысы келсе, эмнеге алыска бармак эле? Анан калса, машинасы ылайга тыгылып калып, андан чыгууга аракет кылган экен. Оң колу рулда, сол колунда тапанча бар болуп чыкты. Эгер киши өзүн атканда тапанча колунда калбайт болчу да. Ал сологой да эмес болчу. Эгер чындап эле өмүрүн кыйгысы келсе, коштошуу катын жазып же телефон чалмак да. Ал менин таянар тоом болчу, мындайды эч кимдин башына салбасын..." — деди Шерматов.

Ал ошондой эле укук коргоо органдарынан бул окуяны тыкыр, адилет иликтөөнү суранат.

564
Белгилер:
ИИМ, суицид, маркум, Чүй облусу
Тема боюнча
Бишкектеги батирден тапанча, акча, зер буюмдарын уурдагандар кармалды. Сүрөт
Бишкекте УКМКнын мас кызматкери элди тапанча менен коркуттубу? Видео
Сейсмограф маалыматтары. Архив

Түндө Кочкордо эки жолу жер титиреди

15
(жаңыланган 10:15 30.11.2020)
Жердин силкинүүсү алгачкысында төрт, андан кийинкисинде үч баллга жеткен. Биринчи менен экинчи жер титирөөнүн аралыгы өтө узак болгон эмес.

БИШКЕК, 30-ноя. — Sputnik. Түндө Нарын облусунун аймагында эки ирет жер силкинип, очогунда күчү 4 баллга жетти. Бул туурасында ӨКМдин маалымат кызматынан кабарлашты.

"Жер титирөө саат 23:47де Кочкор районунун Туз айылында 4 балл, Чолпон, Көк-Жар, Кум-Дөбө айылдарында 3,5 балл, Кочкор, Кара-Суу айылдарында 3 балл, Мантыш, Семиз-Бел, Дөң-Алыш айылдарында 2,5 баллга чейин сезилген", — деп айтылат маалыматта.

Жалал-Абад шаары. Архив
© Sputnik / Табылды Кадырбеков
Андан кийин афтершок болгон. Тагыраагы, 30-ноябрда түнкү саат 02:18де Нарын облусунун аймагында жер дагы силкинип, ал 3 баллга жеткен. Кочкор районунун Туз айылында 3 балл, Чолпон, Көк-Жар, Кочкор айылдарында 2,5 баллга чейин сезилген.

ӨКМдин алдын ала берген маалыматында жер титирөөдөн жабыркагандар жана кыйроолор катталган жок.

15
Белгилер:
ӨКМ, жер титирөө, Кочкор, Кыргызстан
Тема боюнча
Эртең менен Ошто жер титиреди
ӨКМ кызматкери Бишкектеги өрттү өчүрүүдө. Архив

Бишкектин Горький көчөсүндө үй өрттөнүп жатат

15
(жаңыланган 10:03 30.11.2020)
Тилсиз жоонун эмнеден келип чыкканы азырынча белгисиз. Алгач ал жерге өрт өчүрүүчү бир бригада, андан соң экинчиси жөнөп кетти.

БИШКЕК, 30-ноя. — Sputnik. Бишкек шаарындагы Горький көчөсүндө жайгашкан үй өрттөнүп жаткандыгы туурасында ӨКМден билдиришти.

Тилсиз жоо тууралуу кабардан соң саат 08:32де өрт өчүрүүчү бир бригада, андан соң 09:08де экинчиси жөнөп кетти.

Өрттүн эмнеден келип чыкканы белгисиз. ӨКМ ал тууралуу бир аздан кийин маалымдай тургандыгын айтты.

15
Белгилер:
ӨКМ, өрт, Бишкек
Тема боюнча
Бишкектин чок ортосунда автоунаа өрттөнүп кетти. Видео

Месси "Осасунага" киргизген голун Марадонага арнады. Видео

0
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

0
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады