Курал-жарактар. Архив

Назарбаевге делген тапанчаны уурдап... 90-жылдардагы кылмыштар

540
(жаңыланган 13:36 05.03.2019)
Sputnik Кыргызстан агенттиги 25 жыл мурда мартта чыккан гезит беттерин барактап, ошол учурдагы ЖМКларга жарыяланган чуулуу кылмыштарга байкоо салып көрдү.

Алардын арасында ички иштер министринин биринчи орун басарынын үйүн тоноп, толгон курал-жаракты көтөрө качкандар менен Казакстандын президенти Нурсултан Назарбаевге бериле турган тапанчаны уурдап кеткен топтун кылмыштары бар.

Ооруканада жатканда 13 ирет атып...

Ооруканада жаткан шектүүнү түн ортосунда кылмышкер Калашников автоматы менен атып кеткен. Ок жеген киши өзү дагы адам өлтүрүүгө шектелип, дарыгерлердин да, милициянын да көзөмөлүндө болчу. Бирок анын колунан көз жумган жарандын досу шериги үчүн өч алып, 13 жолу ок атып из жашырып кеткенге үлгүргөн. Бир нече күн өткөн соң жаш жигит кылмыш жасаган куралын көтөрүп алып прокуратурага өзү келген.

Кызды үчөөлөп зордуктаган шумдуктуу милиционерлер

Борбор калаада сейилдеген эки жаш милициянын үч кызматкеринин курмандыгына айланган. Жигитти эс-учун жоготкончо сабаган тартип сакчылары кызды үчөөлөп зордуктаган. Анысы ал келгенсип, жабырлануучунун баштыгы менен кийимин алып качып кетишкен. Көп өтпөй кармалып, тиешелүү тергөө иштери жүргүзүлүп, шектүүлөрдүн күнөөсү аныкталган. Зөөкүрлөрдүн курмандыгы болгон кыздын арызын сот карап, аларды сегиз жылдан эркинен ажыраткан.

Кыргыз-казак жерин жойлогон уурулар

Тогуз адамдан турган кылмыштуу топ Бишкек жана Алматы шаарын жойлоп, көптөрдү сызга отуруп келген. Укук коргоо кызматкерлеринин колуна түшкөн шылуундардын эң кенжеси 17, ал эми улуусу 23 жашта болчу. Көбү колунда бар үй-бүлөнүн балдары экени айтылат. Алар 70тен ашык турак жайга кирип, баалуу буюмдарды шыпырып кетип турушкан. Жеңил акча табуунун кыныгын алган эргулдар ички иштер министринин биринчи орун басары, генерал-майордун үйүн тоноп бир нече куралды көтөрүп кетишкен. Ошондой эле Казакстандын президенти "Нурсултан Назарбаевге" деп жазылган тапанчаны да коңшу өлкөнүн губернаторлорунун биринин үйүнөн уурдаган. Мындан сырткары, алардын бир нече мамлекеттик орган менен мекемелерди да курутканы айтылат.

Өлүм жазасын алган зөөкүр

Кылмышкер борбор калаада унаасын жууп жаткан тургундун машинасын айдап качкан. Кийинки күнү таанышыныкына мейманга барат. Ал жактан бир дасторкондо чогуу отурган кошуна малчыны майрам бүткөндөн кийин талаага алып чыгып сабап өлтүрүп салган. Андан соң ошол эле түнү маркумдун келинчегине кол салып, аны акыл-эсинен айнып, майып болуп калганча сабаган. 23 жаштагы зөөкүрдү милиционерлер бат эле колго түшүрүп, сот шектүүнү өлүм жазасына тарткан. Кылмышкер алты кыз-уулду жалгыз баккан жесир аялдын тун баласы экени белгилүү болгон.

47 күн изделген сержанттын сөөгү

Аскер бөлүгүндө кызмат өтөгөн жети жоокер түн ортосунда сержантты өлгүчө тепкилеп салган. Кек сактагандар жабырлануучуну он мүнөткө жеткизбей эле тынчытып, ээн таалага таштап кетишкен. Кийинки күнү маркумдун каза болуп калганын көрүп, аны ич ара эч кимге айтпай, денесине темир-тезек байлап суу сактагычка чөктүрүп, кийим-кечесин өрттөп жиберишкен. Атайын суучулдар аскер кызматкеринин сөөгүн 47 күндөн кийин гана тапкан. Жаш жигиттер мындай жолго казармадагы "дедовщинанын" айынан баргандыгын айтышкан.

Өткөн айдагы чуулгандуу соттук чечимдерди Sputnik Кыргызстан агенттигинин материалынан окуңуздар.

540
Белгилер:
газета, кылмыш, 90-жылдар, Кыргызстан
Тема боюнча
Ошто 500 сом үчүн жолдошунан таяк жеп каза болгон аялдын балдары жетим калды
Уурдап кеткен кишисин арматура менен сабашкан. Шектүүлөрдүн ичинде депутат бар
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

278
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

278
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

210
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

210
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

348
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

348
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда