Туулгандыгы тууралуу күбөлүк. Архивдик сүрөт

Бала сатты деген гинекологдор. Экөө документти жасалмалаганын моюндады

463
(жаңыланган 10:07 06.03.2019)
Кылмышка жети медик аял айыпталууда. Алардын үчөө үй камагына кое берилген.

БИШКЕК, 5-мар. — Sputnik. Жаңы төрөлгөн ымыркайларды сатууга жана мыйзамсыз аборт жасоого айыпталып жаткан гинекологдордун экөө, Д.Н. менен А.А. документтерди жасалмалаганын моюндашты.

Өткөн жылдын 7-сентябрында Бишкектен ИИМдин криминалдык кызматынын өкүлдөрү тарабынан ымыркай сатууга шектелип бир нече гинеколог кармалган. Алардын биринин унаасынын багажнигинен бойдон алдырган балдардын сөөгү табылган

Sputnik Кыргызстан агенттигинин укук коргоо органдарындагы ишенимдүү булагы кармалгандардын үчөө №1 жана 18 үй-бүлөлүк медициналык борбордо жана №4 төрөт үйүндө иштей турганын билдирген.

Акыркы жолу беш ак халатчан №1 тергөө абагына киргизилгени белгилүү болгон.

Кармалгандарга Кылмыш жаза кодексинин 124чү ("Адам сатуу"), 116чы ("Мыйзамсыз аборт кылуу") жана 350-беренелери ("Жасалма документтерди даярдоо, колдонуу") боюнча үч кылмыш иши козголгон. Тергөө көрсөткөндөй, бардык сатып алуучулар Кыргызстанда жашап жүрүп кийин Россиянын жарандыгын алгандар.

Биринчи Май райондук сотунун кезектеги жыйынында мамлекеттик айыптоочу айыптоолорун окуп берди.

"2018-жылдын май айында айыпталуучу Д.Н.ге анын гинеколог таанышы кайрылып үйүндө бала төрөдү делген россиялык курбу кызына баланын туулгандыгы тууралуу күбөлүк жасап берүүнү суранган. Июндун башында Д.Н. ага кайрылган гинекологго жасалма документ даярдап берген. Ага ылайык, Россиянын жараны 5-майда Чүй облусундагы медициналык борборлордун биринде төрөгөн болуп калган", — деди прокурор.

Тергөөнүн версиясы боюнча Д.Н. үйүндө даяр күбөлүктөрдү сактап, сатып иштеген. Ушундай эле кылмышка үй камагына чыгарылган А.А. айыпталууда. Эки аял тең күнөөлөрүн моюндады.

463
Белгилер:
бала сатуу, кылмыш, гинеколог, Кыргызстан
Тема боюнча
ИИМ бала саткан гинекологдор тууралуу: СИЗОдогу үчөөнөн жасалма мөөр табылды
Москвада жасалма авиабилет сатты делип кыргызстандык жигит кармалды

Имараттарды кыйраткан ракеталар. Газа тилкесинен тартылган видео

298
(жаңыланган 18:49 14.05.2021)
Израиль армиясынын Газага абадан урган соккуларынан улам курман болгондордун саны өсүүдө. Алардын арасында аялдар менен балдар бар. Расмий маалыматтар боюнча, 119 адам каза таап, жүздөгөн киши жаракат алган.

Израиль менен Палестинанын ортосундагы конфликт 10-май күнү кечинде курчуган. Эки жак тең ракета менен аткылоону токтотпой жатат.

Газа тилкесинен 1 500дөн ашык ракета коё берилген. Израиль дагы ХАМАС кыймылына жооп кайтарууда.

Буга чейин ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Ал эми 7-майда палестиналыктар менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

298
Белгилер:
мечит, Палестина, Израиль
Тема боюнча
Эмнеге Пентагонго Борбор Азияда орун жок? Сереп
Кишенчен киши. Архив

Бишкекте энеси менен кызын өлтүрүүгө шектелип өспүрүм кармалды

128
(жаңыланган 18:18 14.05.2021)
Милициянын маалыматы боюнча, кармалган шектүү буга чейин соттолгон. Ал Ысык-Көл облусунда окуп, 2018-жылдан бери Токмок шаарында жашап келген.

БИШКЕК, 14-май — Sputnik. Милиция Бишкектин борборунда эки аялды өлтүрүүгө шектүү катары 16 жаштагы Ж.М. аттуу жаранды колго түшүрдү. Бул тууралуу Свердлов райондук милициянын маалымат кызматы билдирди.

Бишкектеги Жибек жолу жана Ибраимов көчөлөрүнүн кесилишиндеги турак үйлөрдүн биринде киши колдуу болгон эки аялдын сөөгү табылганы тууралуу кабар укук коргоо органдарына 12-майда саат 11:25те келген. Окуя болгон жерге барган милиция каза болгондор 63 жаштагы А.А. жана анын 31 жаштагы А.А. аттуу кызы экенин аныкташкан. Маркумдардын денесинде зомбулуктун издери байкалган. Шаардык милиция Кылмыш кодексинин 130-беренеси ("Эки же андан көп адамды өлтүрүү") боюнча кылмыш ишин козгогон. 13-майда тергөөчүлөр кылмышкердин изине түшкөн.

Маалыматка ылайык, шектүү буга чейин соттолгон, Ысык-Көл облусунун тургуну.

"Шектүү жаран мыйзамдуу өкүлдөрү, жактоочусунун катышуусунда өткөрүлгөн суракта жасаган ишин мойнуна алган. Мындан сырткары, атайын тергөө амалдарынын жүрүшүндө кылмыш жасоодо колдонулган далил буюмдарды берген. Ал сотко чейинки өндүрүшкө камтылды", — деп айтылат ШИИБдин билдирүүсүндө.

Мындан сырткары, шектүү Ысык-Көл облусунда орто мектепте 7-класска чейин окуп, 2018-жылы Чүйдүн Токмок шаарына көчүп келип жашаганы аныкталган.

Алдын ала маалыматка ылайык, 31 жаштагы аял өлөр алдында зордукталган.

128
Белгилер:
шектүү, адам өлтүрүү, аялдар, милиция, Бишкек
Тема боюнча
Өзгөндө таксистти өлтүрүп, сөөгүн өрттөп салган өспүрүмдөргө өкүм чыкты
Лебединовкада кыз ала качууга шектелген жаран милицияга өзү келди
Участники 9-ого Международного марафона Run the Silk road — Shanghai Cooperation Organization в селе Бактуу-Долоноту Иссык-Кульской области

Күчтүүлөр жеӊсин! Жапаров Ысык-Көлдөгү марафондун ачылышына катышты. Сүрөт

0
(жаңыланган 10:52 15.05.2021)
Иш-чара бүгүн Ысык-Көлдө өтүп жатат. ШКУнун Ысык-Көл эл аралык марафонунун нормативин толтурган спортчуларга дүйнө чемпионатына, Олимпиада оюндарына жана Азия оюндарына жолдомо берилет.

БИШКЕК, 15-май — Sputnik. Президенти Садыр Жапаров бүгүн, 15-майда, Ысык-Көл облусунун Бактуу-Долоноту айылындагы ипподромдо Run the Silk road — Shanghai Cooperation Organization эл аралык марафонуна старт берди. Бул тууралуу өлкө башчынын малымат кызматынан билдиришти.

Ал даңазалуу жөө күлүк Сатымкул Жуманазаровдун элесине арналган иш-чаранын катышуучуларын куттуктады.

“Марафондун максаты сергек жашоо мүнөзүн жайылтуу, калкты дене тарбия жана спорт менен үзгүлтүксүз машыгууга тартуу болуп саналат. Андан тышкары, спорттук-массалык иш-чаралар аркылуу Шанхай кызматташтык уюмуна мүчө-өлкөлөрдүн кызматташтыгын бекемдөө, эл аралык достук, спорттук байланыштарды жана туризмди өнүктүрүү, ошондой эле аймактагы күчтүү марафончуларды аныктоо”, — деди Жапаров.

Президент 2020-жылдын аягында ШКУнун Ысык-Көл марафону квалификациялык деп таанылганын, марафондун нормативин толтурган спортчуларга дүйнө чемпионатына, Олимпиада оюндарына жана Азия оюндарына жолдомо берилерин белгиледи.

Ошондой эле 2021-жылы Шанхай кызматташтык уюмунун Ысык-Көл марафону World Athletics жарыялаган Label Road Races жарыш календарына киргендигине токтолду.

“Ал календарь 6 континенттин 49 өлкөсүндөгү 191 марафонду камтыйт. Календарь Осакадагы аялдар марафону менен башталып, 11 айдан кийин Мадридде, Больцанодо, Сан-Паулудо аяктайт. Спорт — ден соолук, ден соолук — элдин байлыгы, дени сак улут — өнүккөн өлкө деп бекеринен айтылбайт! Спорт адамды физикалык жактан чыңдайт. Ошентип, калктын басымдуу бөлүгүнүн спортко болгон кызыгуусун камсыз кылуу менен биз элибиздин ден соолугун коргойбуз. Ал эми жаштарыбыз, жаш муундарыбыз дени сак болушат жана руханий жактан өнүгүшөт. Демек, спортту өнүктүрүү — бул спорттук натыйжаларга жетүү каражаты гана эмес, элдин ден соолугу да болуп саналат. Бул марафондо күчтүүлөр жеӊсин!”, — деди президент.

Мамлекет башчысы бүгүнкү спорттук иш-чарага катышкан бардык жеӊил атлетиканы сүйгөн спортчуларга үй-бүлөлүк бакыт жана ийгиликтерди каалады.

Эскерте кетсек, аталган спорттук ири иш-чара бүгүн Ысык-Көлдө өтүп жатат. ШКУнун Ысык-Көл эл аралык марафонунун нормативин толтурган спортчуларга дүйнө чемпионатына, Олимпиада оюндарына жана Азия оюндарына жолдомо берилет. Ага 20дан ашык өлкөдөн келген спортчулар катышууда.

0
Белгилер:
куттуктоо, ачылыш, марафон, Садыр Жапаров, Ысык-Көл облусу
Тема боюнча
Кыргызстандык дзюдочу кыздар Азия кубогунда намыс талашат
Кыргызстандык "Месси" Гүлжигит Алыкулов тууралуу даректүү тасма тартылды