Спасатели на месте крушения Boeing авиакомпании Ethiopian Airlines недалеко от эфиопского города Дэбрэ-Зэйт. 9 марта 2019 год

ЖМК: Эфиопияда 157 кишиси бар Boeing жарылды. Эч ким тирүү калган эмес

540
(жаңыланган 11:56 11.03.2019)
Алдын ала маалыматтарга караганда, бортто 149 жүргүнчү жана экипаждын 10 мүчөсү болгон.

БИШКЕК, 10-мар. — Sputnik. Эфиопиядагы Дэбрэ-Зэйт шаарынын жанында Boeing жүргүнчү учагы кулап, 157 киши каза тапты. Бул туурасында РИА Новости кабарлады.

Учак Эфиопиянын борбору Аддис-Абебадан 08:38де Найробини көздөй чыккан. Ал эми бир нече мүнөттөн кийин эле, тагыраагы, 08:44тө байланыш үзүлгөн.

Reuters агенттиги учактын ичиндегилер тирүү калбагандыгын жазды.

Маалыматта учакта 33 өлкөнүн жарандары болгону айтылууда. Учурда ар бир мамлекеттегилер учактын ичинде жарандарынын бар-жок экендигин тактап жатат. Россиянын Кениядагы консулдук бөлүмүнүн жетекчиси Олег Кипоренко алардын арасында россиялык жүргүнчү болушу мүмкүн деген маалыматты айткан.

Бортто 149 жүргүнчү жана экипаждын 10 мүчөсү болгон.  Жеринде куткаруучулар иштеп жатканы кабарланды.

540
Белгилер:
Эфиопия, кырсык, Boeing-777
Коронавируска кабылган бейтап. Архивдик сүрөт

COVID: 119 киши ооруну жуктуруп, үчөө көз жумду. 23-октябрдын маалыматы

76
(жаңыланган 10:29 23.10.2021)
Коронавирус жуктургандардын саны кайрадан өсүп жатканы байкалууда. Азыркы тапта Кыргызстанда 130га чукул адам аталган илдет менен ооруп жатканы айтылды.

БИШКЕК, 23-окт. — Sputnik. Өткөн суткада Кыргызстанда 119 кишиден коронавирус аныкталып, 3 бейтап көз жумду. Бул тууралуу Республикалык штаб кабарлады.

Илдет менен алышып жаткандардын ичинен 73 адам айыгып кеткен.

Жуктургандар:

  • Бишкек – 59;
  • Ош шаары – 1;
  • Чүй облусу – 24;
  • Ош облусу – 3;
  • Талас облусу - 5;
  • Нарын облусу - 2;
  • Ысык-Көл облусу – 16;
  • Жалал-Абад облусу – 7;
  • Баткен облусу – 2.
"Соңку суткада 3 бейтап каза болуп калды, алардын коронавируска каршы вакцина албаганы аныкталды. Бул учурларды алганда аталган вирустук инфекциядан көз жумгандардын саны 2650гө чыкты", — деп белгиледи штаб.

Пандемия башталгандан тарта илдет илештиргендердин жалпы саны 180 467ге жетти. Анын ичинен 174 934 адам дартты жеңген.

Азыркы тапта стационарда 663, ал эми амбулатордук шартта 640 адам дарыланып жатканы айтылды.

76
Белгилер:
Кыргызстан, коронавирус, оору, жугуу, статистика
Тема:
Кыргызстандагы коронавирус жуктуруп алгандар
Тема боюнча
Бишкекте 15-сентябрдан бери 50 окуучу коронавирус менен ооруду
Кыргызстандын жаранынын паспорту. Архив

Кара-Кулжада өзбекстандыктарга жасалма паспорт берип жүргөн адис кармалды

784
Райондук калкты каттоо бөлүмүнүн башкы адиси чет өлкөлүк жарандарга паспорт алып берип, ордуна сый акы алып турганы аныкталган.

БИШКЕК, 22-окт. — Sputnik. Кара-Кулжа райондук калкты каттоо жана паспорттоштуруу бөлүмүнүн О.Т.А. аттуу башкы адиси Өзбекстандын жарандарына паспорт берген деп кармалды. Бул тууралуу УКМКнын маалымат кызматы кабарлады.

Иликтөөнүн жүрүшүндө Өзбекстандын жарандары Ю.М.У. жана С.М.С. жасалма документ алып бергени үчүн шектүүгө акчалай сый акы бергени аныкталган.

Задержанный житель Кара-Кульдинского района по подозрению в изготовлении поддельных паспортов
© Фото / пресс-служба ГКНБ
Шектүү

Факт боюнча Жазык кодексинин 320 ("Кызмат абалынан кыянаттык менен пайдалануу") жана 330-беренелери ("Паспортту мыйзамсыз берүү") менен сотко чейинки тергөө башталып, шектүү УКМКнын тергөө абагына киргизилген.

Учурда чет өлкөлүк жарандарга мыйзамсыз документ берүү фактыларын аныктоо боюнча тиешелүү иштер улантылып жатканы кошумчаланды.

784
Белгилер:
кармоо, жасалма, паспорт, шектүү, Кара-Кулжа
Тема боюнча
Октябрь РИИБдин жетекчиси көп балалуу аялдан акча талап кылган деп кармалды
Америкалык аскерлер Кыргызстан менен АКШ желектери менен. Архивдик сүрөт

Кыргызстанда Американын базасы жайгашабы? Жапаровдун жообу

0
(жаңыланган 15:30 23.10.2021)
Жапаровдон журналист Афганистандагы акыркы окуяларга байланыштуу Американын базасы орнотулушу мүмкүнбү деп сураган.

БИШКЕК, 23-окт. — Sputnik. Кыргызстанда АКШнын аскер базасы болбойт. Бул тууралуу Садыр Жапаров маалымат жыйында билдирди.

Анда президенттен журналист Афганистандагы акыркы окуяларга байланыштуу Американын базасы коюлушу мүмкүнбү деп сураган. Эске сала кетсек, 2001-жылдан тарта АКШнын базасы "Манас" аэропортунда жайгашып, 2009-жылга чейин ал "Ганси" деп аталып, андан кийин Транзиттик ташуулар борбору болгон.

"Кантта Россиянын базасы бар. 2014-жылы Американын базасы менен келишимди жокко чыгарып, алар чыгып кетишкен. Бизге бир эле база жетет. Эки державанын ортосунда мышык-чычкан ойногубуз келбейт", — деген Жапаров.

Маалымат жыйындын жүрүшү тууралуу Sputnik Кыргызстандын тексттик трансляциясын окуп турсаңыздар болот.

0
Белгилер:
АКШ, Садыр Жапаров, база
Тема:
Жапаровдун 2021-жылдын октябрындагы маалымат жыйыны
Тема боюнча
АКШ Борбор Азия өлкөлөрү менен аскердик объектилерин колдонуу тууралуу сүйлөшүүдө
Президент: диний мекемеде иштеген жарандар шайлоого катыша албайт