Ош облусунун Алай районундагы Чий-Талаа айылында беш дүкөндөн жасалма акча менен соода кылган үч жигит кармалды

Алайда жасалма акча менен 10 миң сомго соода кылган үч жигит кармалды

429
(жаңыланган 20:14 12.03.2019)
Шектүүлөр Ноокат районунун тургундары экендиги аныкталган.

ОШ, 12-мар. — Sputnik. Ош облусунун Алай районундагы Чий-Талаа айылында беш дүкөндөн жасалма акча менен соода кылган үч жигит кармалды. Бул тууралуу облустук милициянын маалымат катчысы Жеңиш Аширбаев билдирди.

Задержанные с поддельными купюрами 2 тысячи сомов в Алайском районе Ошской области
© Фото / Зульфия Тургунова
Ош облусунун Алай районундагы Чий-Талаа айылында беш дүкөндөн жасалма акча менен соода кылган үч жигит кармалды

Маалыматка ылайык, кармалгандардын экөө 22де болсо, бирөөсү 21 жашта.

"Милиция алардын Ноокат районунун тургундары экендигин аныктады. Шектүүлөр Алайдагы беш дүкөнгө кирип, эки миң сомдук жасалма купюралар менен жалпы 10 миң сомго соода кылышкан", — деди ал.

Аталган факты Ош облустук ички иштер башкармалыгынын Кылмыш жана жоруктардын бирдиктүү реестрине катталып, Кылмыш кодексинин 225-беренесинин ("Акчаны же баалуу кагазды жасалма жасоо") негизинде сотко чейинки өндүрүшкө алынган.

Далил катары алынган эки миң сомдук купюрага соттук-техникалык-криминалистикалык экспертиза дайындалып, жасалма экендиги далилденди. Шектүүлөр купюралар бирөөсүнүн үйүнөн жасалгандыгын айтышкан. Акча жасаган жабдуу алынып, далил буюм катары кылмыш ишине тиркелди.

Иликтөө иштери жүргүзүлүп жатат.

429
Белгилер:
акча, милиция, Алай району, кылмыш
Тема боюнча
УКМКда иштейм деп ТЭЦтен темир түтүк алып чыкмакчы болгон жигит кармалды
Бишкекте эки милиционер пара алып жаткан жеринен кармалды
Куралчан адам. Архив

Кыргыз-тажик чек арасында ок атылып, кыргызстандык аскер жаракат алды

170
(жаңыланган 10:41 06.08.2020)
Учурда чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

БИШКЕК, 6-авг. – Sputnik. Бүгүн кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алды. Бул тууралуу Мамлекеттик чек ара кызматынан билдиришти.

“Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок аткан. Жыйынтыгында ок аскердин колун тешип өткөн”, — деп айтылат билдирүүдө.

Ага медициналык жардам көрсөтүлүп, ушул тапта абалы канааттандырарлык деп бааланууда.

Азыр чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

Абал туруктуу.

170
Белгилер:
жаракат, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү
Сел. Архив

Жүрөктүн үшүн алган сел Арсланбап айылын каптады. Видео

294
(жаңыланган 10:30 06.08.2020)
Куткаруучулар жергиликтүү эл менен кошо кечээтен тарта селдин кесепеттерин четтетүү аракеттерин көрүп жатышат. Алар короо жайларды жана жолдорду тазалашууда.

БИШКЕК, 6-авг. — Sputnik. Жалал-Абад облусунун Арсланбап айылында дагы катуу сел жүрдү. Бул тууралуу ӨКМдин маалымат кызматы кабарлады.

Окуянын жеринен тартылган видеосун "Короче" Telegram-каналы жарыялады.

Видеодо сел үйлөрдүн короо-жайларына кирип, жолдорду жарактан чыгарууда.

ӨКМдин маалыматы боюнча, сел кечээ, 5-августта, саат 19:00дө тоолордо жааган катуу жаандан улам жүргөн. Анын кесепетинен 10 турак үйдүн короосуна суу толгон. Сарайлардын дубалдары ураган. 1,2 чакырым жол бузулуп, бир электр мамычасы кулаган.

Жапа чеккендер болгон эмес.

Селдин кесепетин жоюу үчүн жерине атайын техникалар жана ӨКМдин ыкчам тобу тартылган. 50 жергиликтүү тургун аларга жардам берип жатышат.

Кечээтен бери алар үч үйдүн короосун тазалашты, иш бүгүн да уланып жатат.

294
Белгилер:
ӨКМ, сел, жаан-чачын, Арсланбап
Тема боюнча
Жети-Өгүз: сел жүрүп жаап калган Көк-Жайык жайлоосунун жолу ачылды. Видео
Аэрофлот авиакомпаниянын Airbus A320  учагы. Архив

"Аэрофлот" бир нече шаарга августтагы каттамдарын токтотту. Ичинде Бишкек да бар

24
(жаңыланган 13:47 06.08.2020)
Буга чейин КРдин Жарандык авиация агенттигинин жетекчиси Курманбек Акышев Россия Кыргызстанга 15-августтан 30-августка чейин каттамдарды жаңылоо маселесин карап жатканын айткан.

БИШКЕК, 6-авг. — Sputnik. Россиянын "Аэрофлот" авиакомпаниясы буга чейин пландалып, билеттер сатылып кеткен август айындагы бардык каттамдарын токтотту. Бул тууралуу ишкананын маалымат кызматына шилтеме берип РИА Новости жазды.

Компания учууларды кайра токтоткон шаарлардын тизмесинен Бишкекти дагы көрүүгө болот.

"Аэрофлот" дүйнөдөгү эпидемиологиялык абалды эске алуу менен август айына пландалган каттамдарын токтотуп турууга мажбур болду", — деп айтылат компаниянын түшүндүрмөсүндө.

Буга чейин Жарандык авиация агенттигинин жетекчиси Курманбек Акышев Россия Кыргызстанга 15-августтан 30-августка чейин каттамдарды жаңылоо маселесин карап жатканын айткан.

Кыргызстан жакында үч өлкө менен аба каттамын жандантууну пландап жатат

Эске салсак, Борбор Азия мамлекеттеринде, анын ичинен Кыргызстанда Россия менен аба каттамдарынын ачылышын чыдамсыздык менен күтүп жатышат. Чек ара жабылгандан кийин миңдеген адамдар сыртта калып, учурда алардын көбү үйүнө кайтууну көздөп турушат.

24
Белгилер:
пандемия, миграция, учак, каттам, Кыргызстан, Россия
Тема боюнча
Кыргызстанга эл аралык аба каттамдары августта жаңыланабы? Расмий жооп