Астанада турак үйдө газ баллон жарылып, бир адамдын өмүрүн алды

Астанада газ жарылып, уранды алдынан аялдын сөөгү табылды

135
(жаңыланган 12:05 16.03.2019)
Жарылуудан биринчи кабат менен экинчи кабаттын ортосундагы тосмо урап калган.

БИШКЕК, 16-мар. — Sputnik. Астанада турак үйдө газ баллон жарылып, бир адамдын өмүрүн алды. Куткаруучулар уранды алдынан аялдын сөөгүн чыгарышкан. Бул тууралуу Sputnik Казакстан агенттиги маалымдады.

  • Сотрудники МЧС Казахстана на месте взрыва газового баллона в Астане
    Астанада турак үйдө газ баллон жарылып, бир адамдын өмүрүн алды
    © Фото / КЧС МВД Казахстана
  • Сотрудники МЧС Казахстана на месте взрыва газового баллона в Астане
    Казакстандын өзгөчө кырдаалдар комитетинин маалымат кызматы билдиргендей, аялдын сөөгү ишембиге караган түнү 01:18дер чамасында табылган
    © Фото / КЧС МВД Казахстана
  • Сотрудники МЧС Казахстана на месте взрыва газового баллона в Астане
    Буга чейин имараттын ичинде жайгашкан ишкананын эсепчиси уранды алдында калышы мүмкүн деген божомолдор айтылып жаткан
    © Фото / пресс-служба акима Астаны
  • Сотрудники МЧС Казахстана на месте взрыва газового баллона в Астане
    Алдын ала маалыматтар боюнча газ баллон жарылып, жыйынтыгында биринчи кабат менен экинчи кабаттын ортосундагы тосмо түшүп кеткени маалым болду.
    © Фото / пресс-служба ДЧС Казахстана
1 / 4
© Фото / КЧС МВД Казахстана
Астанада турак үйдө газ баллон жарылып, бир адамдын өмүрүн алды

Казакстандын Өзгөчө кырдаалдар комитетинин маалымат кызматы билдиргендей, аялдын сөөгү ишембиге караган түнү 01:18дер чамасында табылган.

Буга чейин имараттын ичинде жайгашкан ишкананын эсепчиси уранды алдында калышы мүмкүн деген божомолдор айтылып жаткан.

"Жарылуу жума күнү 17:06да Алаш көчөсүндө жайгашкан "МолПродуктсервис" компаниясынын имаратында болгон. Кырсыктан №1 шаардык ооруканага күйүк алып 39 жана 28 жаштагы эки киши жеткирилген. Дагы бир 39 жаштагы аял Травматология жана ортопедия илим-изилдөө борборуна жактырылган", — деп жазылат билдирүүдө.

Алдын ала маалыматтар боюнча газ баллон жарылып, жыйынтыгында биринчи кабат менен экинчи кабаттын ортосундагы тосмо түшүп кеткени маалым болду.

135
Белгилер:
жарылуу, Астана, Казакстан
Тема боюнча
Ыйлаган аял, качкан кишилер. Бишкекте өрт чыккан жердеги жарылуунун видеосу
Бириккен Араб Эмирлигинин түндүк-чыгышындагы Аджман аймагындагы базарда ири өрт учурунда

Бириккен Араб Эмирлигинде базарда ири өрт чыкты. Видео

31
(жаңыланган 16:01 06.08.2020)
Маалыматка караганда, өрт 5-августта жергиликтүү убакыт менен саат 18:30да башталган. Тилсиз жоо менен өрт өчүрүүчүлөр 2,5 саат күрөшкөнү айтылат.

БИШКЕК, 6-авг. — Sputnik. Бириккен Араб Эмирлигинин түндүк-чыгышындагы Аджман аймагындагы базарда ири өрт чыкты. Бул тууралуу The National жазды.

Маалыматка караганда, өрт 5-августта жергиликтүү убакыт менен саат 18:30да башталган. Тилсиз жоо менен өрт өчүрүүчүлөр 2,5 саат күрөшкөнү айтылат.

​Жергиликтүү полиция жетекчисинин айтымында, базардын айрым жерлери такыр эле өрттөнүп, күлү гана калды. Бирок жабыркагандар болгон жок. Анткени акыркы төрт айдан бери карантинге жабылып турган.

Үрөй учурган жарылуу болгон жерден алынган 14 сүрөт. Бейруттагы трагедия

Учурда полиция өрттүн себебин иликтеп жатат.

31
Белгилер:
видео, өрт, базар, Бириккен Араб Эмирлиги
Тема боюнча
Жүрөктү титиретет! Бейруттагы  катуу жарылуунун видеосу 
Куралчан адам. Архив

Кыргыз-тажик чек арасында ок атылып, кыргызстандык аскер жаракат алды

206
(жаңыланган 10:41 06.08.2020)
Учурда чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

БИШКЕК, 6-авг. – Sputnik. Бүгүн кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алды. Бул тууралуу Мамлекеттик чек ара кызматынан билдиришти.

“Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок аткан. Жыйынтыгында ок аскердин колун тешип өткөн”, — деп айтылат билдирүүдө.

Ага медициналык жардам көрсөтүлүп, ушул тапта абалы канааттандырарлык деп бааланууда.

Азыр чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

Абал туруктуу.

206
Белгилер:
жаракат, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү
Дарылар. Архив

Кыргызстанда коронавируска каршы кайсы дарылар жетишсиз. Тизме

11
(жаңыланган 16:18 06.08.2020)
Жетишпей жаткан дарылардын бардыгы коронавирус жана пневмония илдетинин оор жана өтө оор формаларын дарылоо үчүн зарыл.

БИШКЕК, 6-авг. — Sputnik. Милдеттүү медициналык камсыздандыруу фондунун төрайымы Элнура Боронбаева өлкөдө дары-дармек менен камсыз кылуу боюнча кырдаал турукташып калганын, бирок айрым препараттар тартыш болуп жатканын брифингде маалымдады.

Анын айтымында, өлкөдө азыр төмөнкү дарылар тартыш болууда:

  • надропарин (фраксипарин)
  • натрийдин эноксапарини
  • кларитромицин
  • пиперациллин-тазобактам
  • мидазолам.

Булар коронавирус жана пневмония илдетинин оор жана өтө оор формаларын дарылоо үчүн зарыл.

"Бүгүнкү күндө саламаттык сактоо уюмдарында акча каражаты жетиштүү. Дары-дармек каражаттары жана медициналык буюмдар менен камсыз кылуу департаментинен билдиргендей, бардык дары-дармек Кыргызстандын рыногунда бар. Ушуга байланыштуу саламаттык сактоо уюмдарынын жетекчилерине кайрылып кетким келет. Колдо болгон ресурстарды пайдаланып, калкты дары-дармек, дезинфекциялоочу каражат жана медициналык буюмдардын запасы менен камсыз кылыңыздар", — деди Боронбаева.

Ал жыл башынан тартып медиктердин компенсациялык төлөмдөрүн жүргүзүүгө 623,8 миллион сом төлөнүп берилгенин кошумчалады.

11
Белгилер:
дарылоо, коронавирус, каражат, ММКФ, дары-дармек
Тема:
Коронавируска байланыштуу Кыргызстандагы кырдаал
Тема боюнча
Заматта баары тозокко айланып кетерин эч ким күткөн эмес. Дарыгердин маеги