Сейил бак. Архив

Аттракциондон кулаган кыз. Парк жетекчилиги окуянын чоо-жайын айтты

1078
(жаңыланган 13:16 23.03.2019)
Кырсыктан кийин парк администрациясына кыздын ата-энеси кайрылган.

БИШКЕК, 23-мар. — Sputnik. Бишкектеги Панфилов атындагы парктын аттракциондорунда коопсуздук техникасы толук сакталып, кыз жөнөкөй эрежелерди сактабаганынан кулап кеткен. Бул тууралуу Sputnik Кыргызстан агенттигине парктын жетекчиси Дмитрий Петров айтып берди.

© Видео / © видео очевидца, отправленное по WhatsApp-каналу
Буга чейин Instagram тармагында аттракциондон кырсыктаган кызды ак халатчандар замбилге салып алып кеткен видео тараган. Травматология жана ортопедия илим-изилдөө борборунун башкы дарыгери Алмазбек Кубатбеков Sputnik Кыргызстан маалымат агенттигинин кабарчысына билдиргендей, кыз нейрожаракат бөлүмүнө жаткырылып, ага "баш мээси чайкалган" деген диагноз коюшкан. Абалы туруктуу.

Бир аздан соң редакциянын WhatsApp каналына кыздын кулаган видеосу келген. Видеокамерага түшүп калган кадрларда кырсыктаган кыздын бирөө менен кол кармашып келе жатканын, тең салмактуулугун жоготуп жерге жыгылып түшкөнүн көрүүгө болот.

"Парктагы аттракциондордун баарында коопсуздук техникасы сакталган — орунтуктун баары катуу бекитилип, кооптуу делген аттракциондордун отургучтарында экиден коопсуздук куру бар. Биз камераны карап, кыз өзү платформага олдоксон чыгып алганын көрдүк", — деди Петров.

Директор, мындан тышкары, жыгылган кыз узун көйнөк, бутуна шиш така кийип жүргөнүн белгиледи. Мындай кийим аттракциондорго түшүү үчүн өтө эле ыңгайсыз. Ошондой эле кадрларда кыздын кулашына экинчи бир кыздын жөөлөп кеткени да себеп болгону көрүнүп турат.

"Кыз эжесинин колун кармап бараткан, алардын ортосунан дагы бир кыз өтүп жөөлөп кеткен", — деди Петров.

Кырсыктан кийин парктын администрациясына кырсыктаган кыздын ата-энеси кайрылган. Камерага жазылып калган видеолорду көргөндөн кийин окуяда парк жетекчилигинин күнөөсү жок экенин мойнуна алышкан.

1078
Белгилер:
жаракат, кийим, шиш така, аттракцион, парк
Тема боюнча
Түркияда 15 метр бийиктикке көтөрүлгөн аттракцион жерге жетпей үзүлүп кетти
АКШда аттракцион сынып кетип, 18 жаштагы улан каза тапты. Кырсыктын видеосу
Өтүп көрчү! Кытайда жүрөгү тоолор үчүн экстремалдуу аттракцион пайда болду
Панфилов паркында аттракциондон кыз кулап, ооруканага түштү
Чалкасынан кетиптир! Борбордогу аттракциондон жыгылган кыздын видеосу
Эркек адамдын колу. Архив

Ташкентте беш студент белгисиз затка ууланып каза болду

79
(жаңыланган 17:55 28.02.2021)
Көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

БИШКЕК, 28-фев. — Sputnik. Өзбекстанда беш студент белгисиз затка ууланып каза болду. Бул тууралуу Sputnik Өзбекстан Башкы прокуратуранын маалыматына таянып кабарлады.

Билдирмеге ылайык, көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

"Студенттердин сөөгү 27-февралда саат 20:50лөр чамасында табылган. Юнусабад районунун прокуратурасы "Бир нече адамдын өлүмүнө себеп болгон өрт коопсуздук эрежелерин бузуу" беренеси боюнча кылмыш ишин козгогон", — деп жазылат маалыматта.

Башкы прокуратура тергөөнү өз көзөмөлүнө алганы маалым болду.

79
Белгилер:
уулануу, өлүм, студент, Ташкент, Өзбекстан
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя

Сумкасын жула качкан ууруну кубалап жетип, күрөшүп, айласын кетирген аял. Видео

721
(жаңыланган 12:11 28.02.2021)
Австралияда улгайып калган аял колунан сумкасын жула качкан ууруну кубалап жетип, оокатын кайра тартып алган. Шектүү менен аялдын сумка талашкан жери видеокөзөмөл камерасына түшүп калган.

ABC 7 телеканалы билдиргендей, окуя бир нече күн мурда Австралиянын Квинсленд штатында болгон. Улгайган аял "Пимпама" барында туулган күнүн өткөрүп жаткан учурда ал отурган столго белгисиз эркек киши келип, сумкасын алып качып кеткенге аракет кылган.

Видеодо көрүнүп тургандай, шектүү сумка менен из жашырып кетүүгө аракеттенген. Бирок буюмдун ээси аны автоунаалар токтогон жерге чейин кубалап келип, кишини желкеден алып жерге кулаткан. Сумка талашып жатып уурунун үстүндөгү кийими да чечилип кеткен. Жыйынтыгында аял сумкасын алып, белгисиз кишини бут кийим менен да чаап жетишкен.

Журналисттер менен баарлашуу учурунда аял каракчынын артынан кубалап барып, аны менен мушташуу жакшы чечим болбогонун айткан. Анткени денеси жаракат алган.

"Шектүүнүн артынан чуркап бара жатканда эмне тууралуу ойлонгонумду деле билбейм", — деген ал.

Аталган окуядан кийин шектүү автоунаасы менен из жашырып кеткен. Бирок көп өтпөй анын полициянын колуна түшкөнү айтылды.

721
Белгилер:
видео, сумка, тоноо, уурулук, аял, Австралия
Тема боюнча
UFC президенти ууру менен мушташа кеткен сатуучу аялга иш сунуштады. Видео
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

0
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

0
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт