Олимпиада оюндарынын грек-рим күрөшү боюнча коло медаль ээси Руслан Түмөнбаевдин архивдик сүрөтү

Олимпиаданын коло байге ээси Руслан Түмөнбаевдин медалдары уурдалды

540
(жаңыланган 17:54 01.04.2019)
Уурулук фактысы каттоого алынганын милициядан ырасташты.

БИШКЕК, 1-апр. — Sputnik. Олимпиада оюндарынын грек-рим күрөшү боюнча коло медаль ээси Руслан Түмөнбаевдин медалдарын белгисиз адамдар үйүнөн уурдап кетти. Бул тууралуу Sputnik Кыргызстан агенттигине спортчунун бир тууган карындашы Бактыгүл Түмөнбаева билдирди. 

Украли медали борца, бронзового призера Олимпийских игр Руслана Тюменбаева
© Фото / Руслан Түмөнбаев
Руслан Түмөнбаевдин медалдарын белгисиз адамдар үйүнөн уурдап кетти

"Уурулар Ак-Өргө конушундагы үйгө кирип, Русландын документтери менен кошо 12 медалын уурдап кетишкен. Алардын арасында Олимпиададан алган сыйлыктары бар болчу. Мындан сырткары, телевизор менен кымбат баадагы сакал алуучу машинаны дагы көтөрүп кетишкен", — деди Түмөнбаева.

Окуя 29-мартта болгон. Спортчунун туугандары ошол эле күнү милицияга арыз жазып кайрылышкан. Түмөнбаев өзү болсо үч айдан бери чет жакта жүрөт.

Бишкек ШИИББ уурулук фактысы болгонун тастыктап, Кылмыштар жана жоруктардын бирдиктүү реестрине Кылмыш жаза кодексинин 200-беренеси ("Уурулук") боюнча каттоого алынганын айтышты.

Руслан Түмөнбаев 2008-жылы Пекинде өткөн Олимпиада оюндарында коло медаль тагынган. Ага чейин 2006-жылы Азия оюндарында дагы коло медалга татыган. 2007-жылы болсо Азия чемпионатында коло, бир жылдан кийин ушул эле чемпионатта алтын тагынган.

540
Белгилер:
Руслан Түмөнбаев, медаль, уурулук, Олимпиадалык оюндар
Тема боюнча
Бишкекте бир күндүн ичинде маршруткалардан 250 миң сом уурдалат
Өрттөнгөн унаа. Архивдик сүрөт

ӨКМ: Бишкекте түн ортосунда эки автоунаа өрттөндү. Видео

86
(жаңыланган 10:49 01.12.2021)
Саат 3.20да чыккан өрт 20 мүнөттөн кийин чектөөгө алынып, 4:08де толугу менен өчүрүлгөн. Учурда өрттүн себеби такталууда.

БИШКЕК, 1-дек. — Sputnik. Бишкекте өткөн түнү катар турган эки автоунаа өрттөндү. Бул тууралуу ӨКМден билдирди.

Министрликтин Facebook тармагындагы баракчасына окуя болгон жерден тартылган видео жүктөлдү.

"1-декабрга караган түнү саат 03:20лар чамасында Худайбергенов көчөсүндө жолдун жээгинде токтоп турган Mercedes-Benz жана Toyota Camry үлгүлөрүндөгү автоунаалардан өрт чыкты. Биринчи машина толугу менен өрттөнсө, экинчисинин бампери күйгөн", — деп айтылат билдирүүдө.

Өрт саат 03:50дө чектөөгө алынып, 4:08де толугу менен өчүрүлгөн. Учурда кырсыктын себеби такталууда.

86
Белгилер:
Бишкек, автоунаа, ӨКМ, өрт, видео
Тема боюнча
Мэрия: Бишкекте өрт кырсыгы жана андан каза болгондордун саны өсүүдө
Чычканда өрттөнгөн бензовоздун ичинен кишинин сөөгү табылды. Кырсыктын сүрөтү
Стамбул шаарында бороон-чапкын болгон убакта бараткан адамдар

Түркияда катуу бороон-чапкындан улам алты киши мерт болду. Видео

189
(жаңыланган 16:53 30.11.2021)
Шамалдын ылдамдыгы саатына 130 чакырымга жеткен. Анын айынан чатырлар урап, алдында калган 38 киши түрдүү жаракаттарды алган.

БИШКЕК, 30-ноя. — Sputnik. Түркиянын Стамбул шаарында жана бир катар аймактарында бороон-чапкындын кесепетинен каза болгондордун саны алтыга жетти. Бул тууралуу жергиликтүү бийликке таянып РИА Новости жазды.

Буга чейин Стамбулда ылдамдыгы саатына 130 чакырымга жеткен катуу бороон болгону кабарланган. Катуу шамалдан улам чатырлар урап, алдында калган 38 киши түрдүү жаракаттарды алган. Дагы төрт киши каза болгону айтылган. 

Ал эми Кожаэли провинциясынын администрациясынын маалыматы боюнча, урандылардын астында калган бир адам каза болуп, сегизи жаракат алган.

Зонгулдак облусунда дагы бир адам мерт болгону айтылды.

189
Белгилер:
Түркия, Стамбул, бороон, шамал, адам, өлүм, кырсык
Тема боюнча
Журналист өмүрүн тобокелге салып репортаж жасаган видео
Мужчина на судебном заседании. Архивное фото

Кадр кызматынын директорунун орун басарлары иштен кетти

0
(жаңыланган 14:00 01.12.2021)
Абдулазим Курманов менен Олег Тарбинскийди иштен бошотуу боюнча буйрукка өлкө башчы Садыр Жапаров кол койду.

БИШКЕК, 1-дек. — Sputnik. Абдулазим Курманов менен Олег Тарбинский Мамлекеттик кадр кызматынын директорунун орун басарлык кызматынан бошотулду. Бул тууралуу президенттин маалымат кызматы билдирди.

Тийиштүү буйрукка Садыр Жапаров кол койгон. Эки орун басар тең "Мамлекеттик жарандык кызмат жана муниципалдык кызмат жөнүндө" мыйзамдын 37-беренесинин 1-бөлүгүнүн 1-пунктуна ылайык (өз каалоосу менен) иштен кетти.

0
Белгилер:
Кыргызстан, Мамлекеттик кадр кызматы, орун басар, буйрук
Тема боюнча
Нарын шаарына мэр болуп 38 жаштагы Курбанов дайындалды