БИШКЕК, 1-апр. — Sputnik. Санкт-Петербург шаарындагы жол кырсыктан кыргызстандык каза болду. Бул тууралуу Кыргызстандын Россиядагы элчилигинин маалымат кызматы билдирди.
30-мартта Невский жана Литейный көчөлөрүнүн кесилишинде бир нече автоунаа кагышкан.
Volkswagen Polo автоунаасын айдап бараткан 40 жаштагы кыргызстандык кырсык болгон жерде каза болгон.
ИИМдин Санкт-Петербург боюнча Башкы башкармалыгы аталган факты боюнча кылмыш ишин козгоду.
Маркумдун сөөгү Кыргызстанга 2-апрелде жөнөтүлүшү ыктымал. Активисттер керектүү акча каражат чогултушту.
Каза болгон жарандын жакындарына жардам берүү элчиликтин көзөмөлүндө.
