Акча каражаттары. Архив

Бизнесменден 830 миң сом пара талап кылган. Финпол шектүүнү кармады

249
Кылмышка "Жалал-Абад Электро" ААКнын материалдык-техникалык камсыздоо бөлүмүнүн башчысы шектелүүдө. Учурда сотко чейинки териштирүү иштери жүрүп жатат.

БИШКЕК, 4-апр. — Sputnik. Экономикалык кылмыштарга каршы күрөшүү боюнча мамлекеттик кызматына М.Б. аттуу жеке ишкер арыз менен кайрылган. Бул тууралуу аталган ведомствонун маалымат кызматы кабарлады.

Мамлекеттик кызматтын билдирүүсүнө таянсак, ишкер "Жалал-Абад Электро" ААКнын материалдык-техникалык камсыздоо бөлүмүнүн башчысы К.Тга карата арызданып келген.

"Сурамжылоонун жүрүшүндө К.Т. кызматтык абалынан пайдаланып башка жоопкерчиликтүү адамдар менен сүйлөшүп, ишкерден акча талап кылганы аныкталды. Электр өткөрүү линияларын куруу боюнча тендердин алкагында ал 830 миң сом пара сураган", — деп жазылат маалыматта.

Аталган факты Кылмыш жана жоруктар жөнүндөгү бирдиктүү реестрге Кылмыш жаза кодексинин 238-беренесинин 2-бөлүмү ("Мыйзамсыз негизде сый акы алуу") боюнча каттоого алынган.

"Финпол кызматкерлеринин сотко чейинки териштирүүлөрүнүн жүрүшүндө ишке аралашкан бардык адамдардын жашаган жери белгилүү болуп, тергөөгө катышуусу камсыз кылынды. Мындан сырткары, М.Бнын К.Тга пара катары берген акчалай которуу төлөмдөрүнүн банктык квитанциясы алынды", — деп жазылат маалыматта.

Учурда бул иш боюнча сотко чейинки териштирүү иштери жүрүп жатат.

249
Белгилер:
энергетика, акча, пара
Тема боюнча
Финпол атайын эсепке 30 млн. сом которду
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

46
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

46
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады
Ооруканадагы бейтап. Архивдик сүрөт

34 жашта эле... "Манас" аэропортунун мурдагы вице-президенти көз жумду

391
(жаңыланган 22:18 07.07.2020)
Илим Карыпбековдун айтымында, аэропорттун мурдагы аткаруучу директору Даир Токобаев пневмонияга кабылган. Ал 34 жашта болчу.

БИШКЕК, 7-июл. — Sputnik. "Манас" эл аралык аэропортунун мурдагы вице-президенти Даир Токобаев каза болду. Бул тууралуу анын мурдагы кесиптеши Илим Карыпбеков соцтармак аркылуу кабарлады.

Анын айтымында, Токобаев пневмонияга кабылган. Ал 34 жашта болчу.

Абалы кескин начарлап кеткен. Чыныбай Турсунбеков реанимацияда үзүлгөн

"Даир боорукер, акылдуу, өз ишин мыкты билген кесипкөй адам эле. Артында балдары калды. Ал пневмонияга кабылган. Абдан өкүнүчтүү, абдан! Жакындарына терең кайгыруу менен көңүл айтам", — деп жазган Карыпбеков.

Илим Карыпбеков өзү "Манас" эл аралык аэропортунда 2014-2015-жылдары аткаруучу директор болуп иштеген.

391
Белгилер:
пневмония, Кыргызстан
Тема:
Кыргызстандыктарды кыйнаган пневмония
Тема боюнча
Депутат Чыныбай Турсунбековдун сөөгү бүгүн жерге берилет
Алмамбет Шыкмаматовдун жубайы Жанара Турдакунова пневмониядан каза болду