Бишкектин Байтик баатыр менен Сүйөркулов көчөлөрүнүн кесилишинде жол кырсыгы катталганын күбөлөр Sputnik Кыргызстан агенттигине билдирип, сүрөттөрүн Telegram каналы аркылуу жиберишти

Унаанын тамтыгы чыгып калган. Бишкектеги үрөй учурган кырсыктын сүрөттөрү

1841
(жаңыланган 09:59 08.04.2019)
Милиция аталган даректе жол кырсыгы болгонун ырастады.

БИШКЕК, 7-апр. — Sputnik. Бишкектин Байтик баатыр менен Сүйөркулов көчөлөрүнүн кесилишинде жол кырсыгы катталганын күбөлөр Sputnik Кыргызстан агенттигине билдирип, сүрөттөрүн Telegram каналы аркылуу жиберишти.

  • Последствия ДТП на пересечении улиц Байтик Батыра и Суеркулова
    Бишкектин Байтик баатыр менен Сүйөркулов көчөлөрүнүн кесилишинде жол кырсыгы катталганын күбөлөр Sputnik Кыргызстан агенттигине билдирип, сүрөттөрүн Telegram каналы аркылуу жиберишти
    © фото очевидца, отправленное по Telegram-каналу
  • Последствия ДТП на пересечении улиц Байтик Батыра и Суеркулова
    Анда көрүнүп тургандай, Nissan үлгүсүндөгү унаанын бир капталы талкаланып, Mercedes автосунун алдыңкы бөлүгү майрыйып калган
    © фото очевидца, отправленное по Telegram-каналу
  • Последствия ДТП на пересечении улиц Байтик Батыра и Суеркулова
    Тез жардам кызматы менен милиция аталган дарек боюнча чакыруу түшкөнүн ырастап, бирок жабыркагандар бар-жогу боюнча маалымат түшө электигин билдиришти
    © фото очевидца, отправленное по Telegram-каналу
  • Последствия ДТП на пересечении улиц Байтик Батыра и Суеркулова
    Бишкектин Байтик баатыр менен Сүйөркулов көчөлөрүнүн кесилишинде болгон жол кырсыгы
    © фото очевидца, отправленное по Telegram-каналу
  • Последствия ДТП на пересечении улиц Байтик Батыра и Суеркулова
    Бишкектин Байтик баатыр менен Сүйөркулов көчөлөрүнүн кесилишинде болгон жол кырсыгы
    © фото очевидца, отправленное по Telegram-каналу
1 / 5
© фото очевидца, отправленное по Telegram-каналу
Бишкектин Байтик баатыр менен Сүйөркулов көчөлөрүнүн кесилишинде жол кырсыгы катталганын күбөлөр Sputnik Кыргызстан агенттигине билдирип, сүрөттөрүн Telegram каналы аркылуу жиберишти

Окуя бүгүн, 7-апрелде, саат 21.00дөр чамасында болгон. Сүрөттө көрүнүп тургандай, Nissan үлгүсүндөгү унаанын бир капталы талкаланып, Mercedes автосунун алдыңкы бөлүгү майрыйып калган.

Тез жардам кызматы менен милиция аталган дарек боюнча чакыруу түшкөнүн ырастап, бирок жабыркагандар бар-жогу боюнча маалымат түшө электигин билдиришти.

1841
Белгилер:
унаа, жол кырсык, Бишкек
Тема:
2019-жылдын башынан бери Кыргызстанда болгон жол кырсыктар (265)
Тема боюнча
Ош: бир үй-бүлө түшкөн унаа аласалып, эл жардамга чуркады. Видео, сүрөттөр
От жандырып жаткан адам. Архив

Аялын өрттөгөн киши, көзү ачыкка барган тергөөчү. Июндагы соттук чечимдер

272
(жаңыланган 16:32 04.07.2020)
Узап кеткен айда өлкөдөгү фемида өкүлдөрү ондогон иштерди карап чыгып, аларга карата түрдүү өкүмдөрдү кабыл алды. Алардын арасында пара менен кармалган тергөөчү, тапанчасын жоготкон милиционер жана аялын өлтүрө сабаган мыкаачы эргул да бар.

Sputnik Кыргызстан алардын ичинен айрым чуулуу иштерди тизмектеп чыкты.

Чоң муштум эргул

Борбор калаада жашаган үй-бүлө башчысы аялы менен уруша кетип, аны шаардын четине таалага алып чыгып катуу сабап, андан соң кожойкени үйдөн чыгарбай бир бөлмөгө үч күн камап койгон. Амалкөй келин короодогу ажатканага барам деп жолдошун алдап качып чыгып, укук коргоо кызматкерлерине арызданган. Эргул сотто күнөөсүн жарым-жартылай мойнуна алып, төмөндөгүдөй көрсөтмө берген.

"Аялым менен жашаганыма төрт ай болгон. Ал күнү келинчегим экөөбүз үйдө арак ичип отуруп уруша кетип, ага кол көтөргөм. Себеби аялымдын уулу автоунаамды уруксатсыз айдап кетип, сүзүп салыптыр. Андан сырткары кызганычтын айынан араздашканбыз. Бирок анын эркине каршы кармаган эмесмин", — деген ал.

Ал эми жабырлануучу аны жолдошу катуу сабап, телефонун сындырып, бети-башындагы көгаласы кетиши үчүн үйдө бир нече күн камагандыгын айткан.

Чоң муштум эркек эки жылга эркинен ажыратылды.

Жалал-Абадда шаардык кеңештин депутатынын бир тууган агасын атып кетишти

Тапанчасын жоготкон тергөөчү

Ысык-Көл облусунда милицияда иштеген кызматкер тапанчасын иш бөлмөсүнөн жоготуп жиберип жумушунан айдалган. Тергөөчү кызматтык ыйгарым укуктарынан ажырагандыктан Бишкектеги көзү ачыктарга барууга аракет кылган. Кийин тапанча бирөөнүн короосунан көчөдө чүпүрөккө оролуп жаткан жеринен табылган. Сот укук коргоо кызматкерин кылмыш-жаза жоопкерчилигине тартуунун мөөнөтү эскирип кеткендиктен жазадан бошотту.

Тамакты тез жаса деп аялына бензин чачкан. Сокулукта күйүк алган келин каза болду

Келинге бензин чачып өрттөп жиберген

Төбө чачты тик тургузган окуя Ысык-Көл облусунун Каракол шаарындагы базарлардын биринде болгон. Мурда бир нече жолу соттолгон 36 жаштагы тургун мас болуп, келинчегинин жумушуна келип ызы-чуу салган. Андан соң май куюучу жайдан бир литр бензин сатып алып, аялын бирдик салып иштеген жайына камап, май чачып өрттөп, андан соң качып кеткен.

Укук коргоо кызматкерлери анын изин суутпай колго түшүрүп, Жазык кодексинин 39-130 беренесинин ("Бейбаштык максатта киши өлтүрүүгө аракет көрүү") негизинде сотко чейинки өндүрүш ачылып, шектүү эки айга камакка алынган.

Ал эми 33 жаштагы жабырлануучу Ысык-Көл облустук бириккен ооруканасынын травматология бөлүмүнө жаткырылган. Келиндин колу-буту, бети күйүп, оор жаракат алганы айтылат.

Айыпталуучу өз көрсөтмөсүндө мындай кадамга аялынын ызаланткан сөздөрү себеп болгонун билдирген.

"Ал күнү чөнтөгүмдө 500 сом бар болчу, бир литрдей арак ичкем. Базарда жүрүп аялымдын иштеген жерине барып "мени менен жашайсыңбы" деп сурагам. "Жок" дегенинен кетип калгам. Жакын жерде эле жүрсөм колуктум менен келген курбусу мени тээп, бетке чаап-чаап жиберген. Аялым мага кол көтөргөн эмес, бирок жаман сөздөрдү айтып тилдеген. Ызаланып бензин сатып келип, келинчегимди сыртынан камап, өрт коюп качып кеткем", — деген шектүү.

Кийин караколдук келин укук коргоо органдарына бетине бензин чачып өрттөгөн күйөөсүн кечиргендигин билдирген. Бирок тартип сакчылар оор кылмыштарга тосмо арыз кабыл алынбай турганын жана кылмыш иши караларын айткан.

Фемида өкүлдөрү тараптарды угуп, чогулган материалды карап чыгып, эркек кишини жети жыл алты айга темир тор артында калтырды.

Айыпталуучуга айланган погончон

Ички иштер министрлигинин Тергөө кызматында иштеген тергөөчү 220 миң доллардын айланасындагы кылмыш ишин изилдеп жүрүп айыпталуучулардан ири суммадагы акча өндүргүсү келген. Иште шектүү катары суралып жаткан ишкерден телефон чалып 500, 1000 жана 2000 доллар талап кылган. Башында жабырлануучу опузалаган акчасын берип, соңунда УКМКга арыз менен кайрылып, тергөөчү 1500 доллар жана 15 000 сом алып жаткан жеринен колго түшкөн. Сот жеңил акча табууга аракет кылган погончонго 300 миң сом айып салды.

7,5 жылга кесилет! Зомбулук көрсөткөндөрдү тосмо арызга карабай камоо сунушталды

1000 сом үчүн кыйылган өмүр

Үйгө мас болуп келген эргул келинчеги менен урушуп, аны катуу сабап койгон. Чыр-чатактын келип чыгышына үй ээсинин дасторкон астына катылган 1000 сом акчасынын жоголуп кеткени себеп болгон.

Шектүү тергөө маалында күнөөсүн толук мойнуна алып, окуянын кандай болгонун айтып берген.

"Ал күнү аялым экөөбүздүн тең арактан башыбыз ооруп турган. Мен андан мурда берген акчаны жана короого коюп койгон жезди сурасам жок деп жооп берген. Ачуум келип аны бир жолу эле бетке чаап, анан жатып алгам. Бир аз убакыт өткөндөн кийин таанышым келип 500 сомго кык жүктөшүп койчу дегенинен ошол жакка кеткем. Кайра келсем аялым короодо жатыптыр, байкасам жүрөгүнүн согушу сезилбейт. Дароо дарыгерлерди чакырткам", — деген ал.

Ал эми баш мээси катуу жабыркаган аял оорукананын жандандыруу бөлүмүндө тогуз күн жатып кайтыш болгон. Фемида өкүлдөрү айыпталуучуну 7,5 жылга эркинен ажыратып, 90 миң сом айып салды.

Өспүрүмдү соттогондо энелик сезим селт эттирет. Судья Кадыркулованын маеги

Төрөгөн ымыркайын ажатканага...

Окуучу кыздын тааныш жигиттен боюна болуп калган. Бир нече ай өткөндөн кийин ата-энесине билгизбей үйдөн төрөп, ымыркайды жуурканга ороп ажатканага ыргытып жиберген. Төрөттөн кийин медициналык жардам албаган өспүрүм бир нече күн ооруп жатып, кийин жакындары аны аймактык ооруканага оор абалда алып барган. Ошондо дарыгерлер тарабынан жашы жете элек кыздын буга чейин көз жаргандыгын аныктаган. Укук коргоо кызматкерлери чарчап калган ымыркайдын сөөгүн беш күндөн кийин тапкан.

Сот өспүрүмдү эки жылга эркинен ажыратып, "1941-1945-жылдардагы Улуу-Ата Мекендик согуштагы Жеништин 75 жылдыгына жана 2010-жылдагы Элдик Апрель революциясынын 10-жылдыгына байланыштуу мунапыс жөнүндө" мыйзамынын негизинде үйүндө калган.

Караколдук келин бетине бензин чачып өрттөдү делген күйөөсүн кечирди

272
Белгилер:
акча, арак, тапанча, уруш, күйөө, аял, өкүм, сот, кылмыш, Кыргызстан
Тема боюнча
Сузакта аялына дөңгөлөк илип жазалаган кишиге өкүм чыкты
Күйөөсү 30 жыл урган аял соттун сөзүн угуп нес болду. Кризистик борборлордун иши
Индиядагы үйлөнүү үлпөтү. Архив

Индияда той өткөргөн жигит каза болуп, 100дөн ашык конок COVID жуктурду

240
Дарыгерлер бардык конокторду коронавируска текшерип, 113үнөн вирус тапкан. Айрымдары башка адамдарга да жуктурганга жетишкен.

БИШКЕК, 4-июл. — Sputnik. Индиянын 30 жаштагы тургуну үйлөнүү той өткөрүп, 100дөн ашык адамга коронавирус жуктурган. Бир нече күндөн кийин өзү ооруканага жетпей, жолдон көз жумган.  Бул тууралуу The Indian Express жазып чыкты.

Маалыматка ылайык, 14-июлда өткөн тойдо Бихар штатында өтө көп адам инфекцияны жуктуруп алган. Инженер-программист болуп иштеген маркум май айынын соңунда айылга үйлөнүү үчүн келген.

"Үйлөнүү тойго чейин ал өзүн жаман сезип, мааракени жылдырууну сунуштаган. Бирок эки жактын үй-бүлө башчылары каршы чыгышкан. Алар эгер той жылса, чоң финансылык кыйынчылыктарга дуушар болорун жүйө кылган", — деп айтып берген туугандардын бири.

Хабибдин атасы Абдулманап Нурмагомедов каза болду

Жаш жубайлардын жакындары той өткөрсө, COVID-19 жукпайт деген ойдо болгон. Жыйынтыгында ага 350 конок чакырылып, үйлөнгөн жигит дене табын түшүрүү үчүн парацетамол ичип жүргөн. Эки күндөн кийин анын абалы өтө начарлап, ооруканага бараткан жолдо көз жумган.

Дарыгерлер бардык конокторду коронавируска текшерип, 113үнөн вирус тапкан. Айрымдары башка адамдарга да жуктурганга жетишкен.

240
Белгилер:
конок, өлүм, коронавирус, той, Индия
Тема:
Дүйнөгө жайылган коронавирус
Тема боюнча
Кырдаал оор экен. Россиялык эксперттер ооруканаларга барып, КРдеги абалга баа берди
Россияда COVID-19га каршы вакцинаны сайдыргандардын абалы айтылды
Ала-Тоо аянты. Архив

Алдыда аптаптуу ысык болбойбу? Бир жумага карата аба ырайы

0
(жаңыланган 08:30 05.07.2020)
Синоптиктер жуманын башында өлкөнүн бир нече аймактарында жамгыр жаап, ортолоп калганда күндүн көзү ачыла турганын айтты.

БИШКЕК, 5-июл. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, бул жумада борбор калаада күн ачык болот. Батыштан соккон шамалдын ылдамдыгы секундасына 4-9 метрден, 6-июлда 14 метрге жетет.

Чүй, Талас облустары

6-июлда Чүй облусунун көпчүлүк аймактарында, Талас облусунун кээ бир райондорунда жамгыр, тоолорго кар жаашы күтүлөт. Чүйдүн кээ бир айылдарында нөшөр болот.

7-июлда эки облуста тең күн ачык болот.

8-9-июль күндөрү тоо этектеринде жана тоолуу райондордо жамгыр жаайт, өрөөндөрдө күн ачык болору айтылат.

Ош, Жалал-Абад, Баткен облустары

6-7-июлда тоолуу региондордо жамгыр жааса, дыйканчылык аймактарында күн ачык болот.

8-июлда күндүз, 9-июлда түнкүсүн тоо этектеринде жамгыр жааса, өрөөндөрдө аба ырайы бузулбайт.

Ал эми 9-июлда күндүз Ош, Баткен облустарынын кээ бир райондорунда, Жалал-Абаддын тоолуу аймактарында жамгыр жаайт.

Июлда мээ кайнаткан ысык болобу? Аба ырайынын келерки айга божомолу

Ысык-Көл облусу

6-июлда көпчүлүк аймактарында жамгыр жаап, тоолорго кар түшүшү ыктымал.

7-июлда түнкүсүн кээ бир райондордо жамгыр жаап, күндүз аба ырайы ачык болот.

8-9-июлда кээ бир райондордо жамгыр, бийик тоолуу райондордо кар жаашы күтүлөт.

Нарын облусу

6-июлда көпчүлүк аймактарда жамгыр жаап, тоолорго кар түшөт. 7-8-июлда күн ачык болот, бирок 9-июлда күндүз көпчүлүк аймактарда жамгыр жаай турганын синоптиктер билдирди.

10-11-июль күндөрү өлкөнүн кээ бир райондорунда жамгыр жаайт, бирок негизинен абанын температурасы дээрлик өзгөрүлбөйт.

0
Белгилер:
Кыргызгидромет, Кыргызстан, аба ырайы
Тема боюнча
Дүйнөдө аба ырайы өзгөрүп, 50 жылда Сахара чөлүндөй ысыйт. Изилдөө
Жаңы конуштарда газ туташтыруунун акысын бөлүп төлөө каралууда