Бишкекте изделип жаткан уюшкан кылмыштуу топтун мүчөсү, “Дөө” каймана аты менен таанымал Чыңгыз Жумагулов кармалды

Кылмыштуу топтун мүчөсү Чыңгыз “Дөө” кармалды

1178
(жаңыланган 23:22 11.04.2019)
Чыңгыз Жумагулов учурда милицияда сурак берип жатат.

БИШКЕК, 11-апр. — Sputnik. Бишкекте изделип жаткан уюшкан кылмыштуу топтун мүчөсү, “Дөө” каймана аты менен таанымал Чыңгыз Жумагулов кармалды. Бул тууралуу ИИМдин маалымат кызматынын жетекчиси Бакыт Сеитов билдирди.

В столице по подозрению в причастности к смертельному избиению двух мужчин задержан член ОПГ Чынгыз Жумагулов по прозвищу Доо
© Фото / пресс-служба МВД
Бишкекте изделип жаткан уюшкан кылмыштуу топтун мүчөсү, “Дөө” каймана аты менен таанымал Чыңгыз Жумагулов кармалды

Анын айтымында, укук коргоо органдарынын кызматкерлери ыкчам издөө аракеттерин аткарып, натыйжада борбор калаадагы Исанов көчөсүнөн кармалган.

“Учурда ИИМдин тергөө бөлүмүндө сурак берип жатат. Андан соң Бишкек милициянын убактылуу кармоочу жайына киргизилет”, - деди Сеитов.

Эске салсак, 10-апрель түнү Бишкектеги медициналык мекемелердин биринин алдына белгисиз адамдар катуу сабалган эки кишини таштап кетишкен. Алардын бири 45, экинчиси 36 жаштагы жарандар болгон. Экөө тең жандандыруу бөлүмүнөн каза болгон. Кылмышка шектүү катары кылмыштуу топтун эки мүчөсү кармалган. Ал эми үчүнчүсү Чыңгыз Жумагуловго издөө жарыяланган болчу.

1178
Белгилер:
кылмыш, ИИМ, Бишкек
Тема боюнча
Кылмыштуу топтун мүчөсү Чыңгыз "Дөөгө" издөө жарыяланды. Сүрөт
Эки адамды сабап оорукана алдына таштап кетишкен. Шектүүлөр кармалды. Сүрөт