Ички иштер министри Кашкар Жунушалиев. Архивдик сүрөт

Кашкар Жунушалиев Ноокенде уурдалып өлтүрүлгөн баланы унутуп калганда

1099
(жаңыланган 13:30 12.04.2019)
Буга чейин Ноокенде 7 жаштагы бала уурдалган. Кылмышкер анын ата-энесинен 120 миң доллар талап кылып, жеткинчекти өлтүрүп салган.

БИШКЕК, 12-апр. — Sputnik. Депутат Ирина Карамушкина 2018-жылы Кыргызстан боюнча канча бала уурдалып, канча акча талап кылынганын сурады.

Белгилей кетсек, учурда өкмөт Жогорку Кеңештеги көпчүлүк коалицияга отчет берип жатат.

Ички иштер министри Кашкар Жунушалиев 2018-жылы бала уурдоо фактысы катталбаганын билдирди. Анын айтымында, мындай көрүнүш 2015-жылы болгон.

"2018-жылы баланы уурдап кетип, ага акча талап кылган учур катталган эмес. Ал эми 2019-жылы кечээки (Данил Браилкиндин уурдалышы —ред.) окуя болду", — деди ал.

Белгилей кетсек, Данил Браилкиндин уурдалышы 2019-жылы болгон биринчи окуя эмес. Буга чейин, 4-апрелде, Ноокенде төбө чачты тик тургузган окуя болгон. Кылмышкер 7 жаштагы баланы уурдап кетип өлтүрүп салган.

Жыйын учурунда Карамушкина ушул кезге чейин канча бала издөөдө экенине да кызыкты.

Жунушалиев үйүнөн чыккан боюнча кайтып келбеген балдардын саны ондоп саналарын айтып, 2001-жылдан берки убакыт ичинде издөөгө алынган балдардын саны 34тү түзөрүн кошумчалады.

Белгилей кетсек, 11-апрелде эртең менен мектепке бара жаткан 12 жаштагы Данил Браилкинди белгисиз адамдар элдин көзүнчө, Honda Fit автоунаасына күчтөп салып кетишкен. Факты Жоруктар жана кылмыштар боюнча бирдиктүү реестрге катталып 170-берене ("Адам уурдоо") боюнча кылмыш иши козголгон.

Уурдалган өспүрүм ушул эле күнү кечинде саат 21:30да Бишкектин четиндеги Панорама аймагындагы гараждардын бириндеги жер төлөдөн табылып, шектүү делип эки киши кармалган. Милициянын атайын даярдыктагы кызматы (СОБР) баланы жер төлөдөн чыгып жаткан учурун видеого тартып алган.

1099
Белгилер:
адам уурдоо, балдар, Ирина Карамушкина
Тема боюнча
Абылгазиев уурдалган баланы издөөгө болгон күчтү жумшоо тапшырмасын берди
Шектүүлөр 12 жаштагы баланы эмнеге уурдашкан. Сурактын видеосу