Камакка алуу. Архивдик сүрөт

Чыңгыз "Дөө" жана анын эки шериги убактылуу кармоо жайына киргизилди

314
(жаңыланган 10:22 13.04.2019)
Алар алган жараатынан ооруканада каза тапкан эки кишини сабады деген айып менен кармалган.

БИШКЕК, 12-апр. — Sputnik. Эки кишинин өлүмүнө шектелип жаткан уюшкан кылмыштуу топтун мүчөсү Чыңгыз Жумагулов жана анын эки шериги №1 убактылуу кармоо жайына киргизилди. Бул туурасында Sputnik Кыргызстан агенттигине Биринчи Май райондук сотундагы маалымат булактар кабарлады.

Эске салсак, 10-апрель түнү Бишкектеги медициналык мекемелердин биринин алдына белгисиз адамдар катуу сабалган эки кишини таштап кетишкен. Алардын бири 45, экинчиси 36 жаштагы жарандар болгон. Экөө тең жандандыруу бөлүмүнөн каза болгон. Кылмышка шектүү катары кылмыштуу топтун эки мүчөсү кармалган. Ал эми үчүнчүсү Чыңгыз Жумагуловго издөө жарыяланган болчу.

Аны тиешелүү органдар 2019-жылдын 11-апрелинде кармаган.

Уюшкан кылмыштуу топтун мүчөсү катары ИИМдин каттоосунда турган бул үч шектүүгө карата сот баш коргоо чарасын өзгөрткөн. Ошентип алар 10-июнга чейин Бишкек шаарындагы №1 убактылуу кармоо жайында болмокчу.

314
Белгилер:
Өлүм, сот, Чыңгыз Жумагулов, Бишкек, Кыргызстан
Тема боюнча
Эки адамды сабап оорукана алдына таштап кетишкен. Шектүүлөр кармалды. Сүрөт
Кылмыштуу топтун мүчөсү Чыңгыз “Дөө” кармалды