Париждеги Нотр-Дам-де-Пари чиркөөсүнөн чыккан өрт өчүрүлдү

Париждеги Нотр-Дам чиркөөсүнөн чыккан өрт өчүрүлдү

152
(жаңыланган 10:27 16.04.2019)
Тилсиз жоо менен кармашууга 400дөн ашуун өрт өчүрүүчү тартылган. Имараттын урап калуу коркунучунан улам авиация техникасын колдонуудан баш тартылган.

БИШКЕК, 16-апр. — Sputnik. Париждеги Нотр-Дам-де-Пари чиркөөсүнөн чыккан өрт өчүрүлдү. Бул турасында Figaro гезити жазды.

  • Пожарные во время тушения крупного пожара в здании собора Парижской Богоматери в Париже. 16 апреля 2019 года
    Париждеги Нотр-Дам-де-Пари чиркөөсүнөн чыккан өрт өчүрүлдү
    © REUTERS / BENOIT TESSIER
  • Пожарные во время тушения крупного пожара в здании собора Парижской Богоматери в Париже. 16 апреля 2019 года
    Өрт өчүрүүчүлөр жалын кайра тутанып кетпеши үчүн бардык жерди текшерип, ысык конструкцияларды муздатып, дубалдарды да карап жатышат
    © REUTERS / PHILIPPE WOJAZER
  • Пожарные во время тушения крупного пожара в здании собора Парижской Богоматери в Париже. 16 апреля 2019 года
    Тилсиз жоо менен кармашууга 400дөн ашуун өрт өчүрүүчү тартылган.
    © REUTERS / BENOIT TESSIER
1 / 3
© REUTERS / BENOIT TESSIER
Париждеги Нотр-Дам-де-Пари чиркөөсүнөн чыккан өрт өчүрүлдү

Өрт өчүрүүчүлөр жалын кайра тутанып кетпеши үчүн бардык жерди текшерип, ысык конструкцияларды муздатып, дубалдарды да карап жатышат.

Дүйнөгө атагы чыккан чиркөөдө өрт 15-апрелде саат 18.50дө (Бишкек убактысы боюнча 22.50) чыккан. Мунун кесепетинен чатыры урап түшүп, жалын тиреп турган конструкцияларды каптаган, маңдай тарабы күйүп кеткен, ал эми эки мунараны сактап калууга жетишишкени айтылат.

Учурда чиркөөдө реставрация иштери жүрүп жаткандыктан имараттын жарым бөлүгү жабык болчу. Алдын ала маалымат боюнча өрттүн чыгышына оңдоо иштеринин байланышы болушу ыктымал. Тегерек-четинде тактайлар көп болгону маалымдалды.

Тилсиз жоо менен кармашууга 400дөн ашуун өрт өчүрүүчү тартылган. Имараттын урап калуу коркунучунан улам авиация техникасын колдонуудан баш тартышкан.

Париж бийлигинин билдиришинче, чиркөөдөгү таберик буюмдарды сактап калууга мүмкүн болгон. Бул тарыхый чиркөөнүн курулушу 1163-жылы башталып 1250-жылы толугу менен бүткөн.

Ошондон кийин бир нече ирет оңдолуп, кеңейтилген. Чоң чиркөө акырындык менен урап түшө баштаганда аны сактап калууга Виктор Гюгонун чыгармасы себеп болгон. "Париждеги Нотр-Дам чиркөөсү" романы 1831-жылы жарыялангандан кийин реставрациялоо иштери башталып 23 жылга созулган.

152
Белгилер:
өчүрүү, өрт, чиркөө, Париж
Тема:
Нотр-Дам чиркөөсүндөгү ири өрт (7)
Тема боюнча
Париждеги Нотр-Дам чиркөөсү күйүп жатат. Видео
Париждеги Нотр-Дам-де-Пари чиркөөсү өрттөндү. Видео

Милициянын Кочкор-Атада кылмыштуу топтун 11 мүчөсүн кармаган видеосу

310
(жаңыланган 15:07 26.05.2020)
Жалал-Абад облустук ИИБдин жана Ноокен райондук милициясынын Уюшкан кылмыштуулукка каршы күрөшүү бөлүмү УКМКнын аймактык кызматкерлери менен биргеликте Кочкор-Ата шаарындагы кафелердин биринен уюшкан кылмыштуу топтун 11 мүчөсүн кармаган.

Бул туурасында Жалал-Абад ОИИБдин маалымат кызматы кабарлады.

Маалыматта алардын Ноокен районунун Кочкор-Ата шаарында криминалдык чөйрөдөгү "авторитеттердин" жыйынына чогулган учурда колго түшүрүлгөнү айтылат.

Алардын ичинен эки адамдын үстүнөн 19-мартта башка жарандан арыз түшкөн. Арызданган киши опузалап акча талап кылуу фактысы болгонун айтып, чара көрүүнү суранып кайрылган. Ал иш боюнча топтолгон материал Жалал-Абад ОИИБдин Кылмыш жана жоруктардын бирдиктүү реестрине катталып, Жазык кодексинин 203-беренесинин негизинде ("Опузалап талап кылуу") сотко чейинки өндүрүш иши башталган.

Иликтөө иштери алардын ким экендигин тактап чыккан. Бири Базар-Коргон районунун 26 жаштагы Ж. у М. аттуу тургуну экени, анын мурда бир нече ирет соттолгону аныкталган. Буга кошумча, кылмыштуу топтун ишин колдоп, аталган аймакта "положенец" болуп шайлангандыгы такталган.

Экинчиси, З.И. да аталган райондун жашоочусу болуп чыккан.

"Аталган кылмыш иши боюнча шектүү Ж. у М. өзүнүн жүргөн жерин жашырып, жашаган жерин өзгөртүп тергөөгө келбей, тоскоолдук жаратып качып жүргөн", — деп айтылат маалыматта.

Орган кызматкерлери аларды өздөрүнүн тобунун жыйынына келгенде колго түшүрүүнү чечкен.

Кочкор-Ата шаарындагы Ош — Бишкек автожолунун боюнда жайгашкан ашканалардын биринде аталган жыйын учурунда Ж. у М. жана З.И. кармалган. Алар менен кошо ошол жыйынга келген ыкчам кызыкчылык жараткан 9 (тогуз) атуул Жалал-Абад облустук милициясына жеткирилип, аты-жөнү такталып, манжа издери алынып, түшүндүрүү жана алдын алуу иштери жүргүзүлүп кайра коё берилген.

Маалыматта алардын да мурда соттолуп, учурда уюшкан кылмыштуу топтун активдүү мүчөлөрү катарында ИИМдин каттоосунда тургандар экени айтылды. Кармалгандардын эң улуусу 56, кичүүсү 25 жашта болуп чыкты.

Ал эми жогорудагы айтылган эки шектүү жаран кармалган ошол эле күнү, 22-майда, Жалал-Абад шаардык милициясынын убактылуу кармоо жайына киргизилген.

Бирок эки күн өтпөй Жалал-Абад шаардык сотунун тергөө судьясы аларды үй камагына чыгарып жиберген.

"24-май күнү Жазык кодексинин 203-беренесинин ("Опузалап талап кылуу") негизинде тергелип жаткан шектүүлөр Жалал-Абад шаардык сотунун тергөө судьясы тарабынан үй камагына чыгарылган", — деп айтылат маалыматта.

Учурда аталган сотко чейинки өндүрүш ишинин алкагында тергөө иштери улантылып жатканы белгиленди.

310
Белгилер:
тергөө, кармоо, опузалоо, топ, киберкылмыштуулук, Жалал-Абад, Кыргызстан
Тема боюнча
ИИМ: кыргызстандыктар менен бирге Европага героин ташыган чет элдиктер кармалды
Көлбаевдин кылмыштуу тобундагы "Чач" кармалды. Видео
Казакстандын жол кызматынын полиция кызматкерлери. Архив

Алматы: блокпостту сүзгөн айдоочу полициянын мурдагы кызматкери болуп чыкты

84
(жаңыланган 11:42 26.05.2020)
Блокпостту сүзгөн айдоочу алты жыл полицияда иштеп, начар кызмат өтөгөндүктөн, жумушунан кол жууганы маалым болду.

БИШКЕК, 26-май — Sputnik. Казакстандын Алматы шаарында жүрөк үшүн алган жол кырсыгына себепчи болгон айдоочу мурдагы полиция кызматкери экени аныкталды. Бул тууралуу Sputnik Казакстан агенттигинин Telegram каналы маалымдады.

Эске салсак, кечээ, 25-майда, 26 жаштагы айдоочу (буга чейин 28 жаш деп айтылган) блокпостту сүзүп, анын кесепетинен эки полиция кызматкери көз жуумп, үчүнчүсү оор абалда ооруканага түшкөн. Полициянын айтымында, ал мас болгон.

"Блокпостту сүзгөн мас айдоочу алты жыл полицияда иштеп, начар кызмат өтөгөндүктөн, жумушунан кол жууган. Ага төрт жолу дисциплинардык чара көрүлгөн. Кылмышка шектүү 15 жылдан 20 жылга чейин эркинен ажыратылат же өмүр бою абакка кесилет",— деп айтылат маалыматта.

Каза болгон автоинспектордун бири, 42 жаштагы Жарас Жангазиевдин артында эки кызы калды. Ал ички иштер органдарында 20 жылдай кызмат өтөгөн.

Кырсыктын курмандыгы болгон экинчи жаран, полициянын сержанты Дастан Абдыканов 26 гана жашта  болгон. Төрт жыл ички иштер органдарында кызмат өтөгөн. Анын үй-бүлөлүү экени, бир ай мурда эле кыздуу болгону айтылды.

84
Белгилер:
кырсык, полиция, айдоочу, блокпост, Алматы, Казакстан
Тема боюнча
Ош—Бишкек жолундагы автокырсык: каза тапкан айдоочу бир үйдүн жалгыз уулу болгон
Ооруканада медициналык кызматкер. Архив

Америка ДССУну каржылоодон баш тартса ким жабыркай турганы айтылды

0
(жаңыланган 17:54 26.05.2020)
Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

БИШКЕК, 26-май — Sputnik. АКШнын Дүйнөлүк саламаттыкты сактоо уюмун (ДССУ) каржылоодон баш тартышы Африка өлкөлөрүнө пандемия менен күрөштө терс таасирин тийгизет. Бул тууралуу ДССУнун Африкадагы өкүлү Михель Яого таянып РИА Новости жазды.

Буга чейин АКШ президенти Дональд Трамп аталган уюмдун директору Тедрос Адханомго 30 күн ичинде ДССУ  Кошмо Штаттар талап кылып жаткан реформаларды ишке ашырбаса, уюмга акча бөлүүнү токтото турганын билдирген. Ошондой эле мүчөлүктөн чыгып кетерин дагы айткан. Президенттин пикиринде, уюм коронавирус пандемиясына жетиштүү тез реакция кылган эмес.

"Азыр ушул сыяктуу төлөмдөрдөн баш тарта турган убакыт эмес. Тетиринче, тилектештик керек. Балким, өнүккөн өлкөлөр ДССУга көп муктаж эместир, бирок биздин континент үчүн уюм абдан керек. Бизде азыр узакка созулган кризисти баштан кечирип жаткан өлкөлөр бар", — деди Яо.

Анын айтымында, учурда Африка өлкөлөрүнүн саламаттык сактоо тармагына колдоо катары түшкөн каражаттын 80 пайызы ДССУдан келет. Ал эми АКШнын андагы үлүшү 20 пайызды түзөт.

"Бул бюджеттин кыскартылышы, албетте, бизге абдан эле сезилээрлик болот. АКШнын салымы биз үчүн өтө маанилүү", — деди Яо.

Ошондой эле бул көйгөй учурда коронавирус инфекциясы менен күрөшүп жаткан медиктерге дагы терс таасирин тийгизиши ыктымал. Алардан тышкары Африкада безгек, Эбола сыяктуу өлүмгө алып келген илдеттер көп.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

0
Белгилер:
пандемия, коронавирус, каржылоо, Африка, АКШ
Тема:
Кытайдагы жаңы типтеги коронавирус
Тема боюнча
ДССУ коронавируска каршы препаратты сыноону токтотту. Аны КР дагы алган
ДССУ коронавирустун экинчи толкуну болорун божомолдоду