Мамлекетке 380 млн. сомдук жер тилкелери кайтарылды

Жазылуу
Жерлер мыйзамсыз менчиктештирилип кеткендиги айтылды.

БИШКЕК, 17-апр. — Sputnik. Былтыр мамлекетке жалпы наркы 380 миллион сом турган жер тилкелери кайтарып берилди. Бул тууралуу башкы прокурор Өткүрбек Жамшитов Жогорку Кеңеште сүйлөп жатып билдирди. 

© Фото / пресс-служба Жогорку КенешаБашкы прокурор Өткүрбек Жамшитовдун Жогорку Кеңештеги отчету
Мамлекетке 380 млн. сомдук жер тилкелери кайтарылды - Sputnik Кыргызстан
Башкы прокурор Өткүрбек Жамшитовдун Жогорку Кеңештеги отчету

Анын айтымына караганда, мыйзамсыз менчиктештирилип кеткен социалдык объектилер менен жер тилкелерин кайтаруу боюнча иштер уланууда.

"Прокуратура органдары мамлекетке 158 жер тилкесин кайтарып берди, анын жалпы аянты 188 гектарды түзүп, баасы 380 миллион сом болду", — деди Жамшитов.

Ал мамлекеттин менчигине беш мектеп менен бир канча бала бакчалар кайтарылып берилгенин кошумчалады.

Жаңылыктар түрмөгү
0