Милиция кызматкеринин фуражкасы жана акча каражаттары. Архив

Жол инспекторунан 40 миң сом пара алып жаткан подполковник кармалды

291
Кармалган ИИМ кызматкери жол коопсуздугу бөлүмүнүн инспекторунан 5000 доллар талап кылган.

БИШКЕК, 18-апр. — Sputnik. Улуттук коопсуздук мамлекеттик комитетинин Коррупцияга каршы кызматы тарабынан Жайыл райондук ички иштер башкармалыгынын башчысынын орун басары пара талап кылуу фактысы боюнча кармалды. Бул тууралуу УКМК маалымат кызматы кабарлады.

Билдирүүгө ылайык, Жайыл райондук ИИБдин ыкчам иштөө бөлүмүнүн башчысынын орун басары ошол эле мекеменин жол коопсуздугу бөлүмүнүн инспекторунан Кылмыштардын жана жоруктардын бирдиктүү реестрине катталган сотко чейинки ишин оң жагына чечип берем деп буга чейин 5000 доллар талап кылган.

"Коррупцияга каршы кызматы ИИМдин ички иликтөө кызматы менен биргеликте бөлүм башчынын орун басарын кызматкеринен 5000 доллардын калган 40 миң сомун алып жаткан жеринен кармаган", — деп жазылат маалыматта.

Милициянын Ч.Б. аттуу подполковнигин кармоо иштери Кылмыш жаза кодексинин 326-беренесинин 2-бөлүгүнүн 1-пункту боюнча Кылмыштардын жана жоруктардын бирдиктүү реестринде катталган материалдарды сотко чейинки териштирүүнүн алкагында ишке ашырылды.

ИИМ кызматкери УКМКнын убактылуу кармоочу жайына киргизилген. Учурда коопсуздук комитеттин Башкы тергөө башкармалыгы тарабынан тиешелүү тергөө иштери жүрүп жатат.

291
Белгилер:
милиция, пара, ИИМ, УКМК
Тема боюнча
Бизнесменден 830 миң сом пара талап кылган. Финпол шектүүнү кармады
Жайыл РИИБдин жетекчисинин орун басары пара алып жаткан жеринен кармалды
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

53
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

53
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады
Ооруканадагы бейтап. Архивдик сүрөт

34 жашта эле... "Манас" аэропортунун мурдагы вице-президенти көз жумду

395
(жаңыланган 22:18 07.07.2020)
Илим Карыпбековдун айтымында, аэропорттун мурдагы аткаруучу директору Даир Токобаев пневмонияга кабылган. Ал 34 жашта болчу.

БИШКЕК, 7-июл. — Sputnik. "Манас" эл аралык аэропортунун мурдагы вице-президенти Даир Токобаев каза болду. Бул тууралуу анын мурдагы кесиптеши Илим Карыпбеков соцтармак аркылуу кабарлады.

Анын айтымында, Токобаев пневмонияга кабылган. Ал 34 жашта болчу.

Абалы кескин начарлап кеткен. Чыныбай Турсунбеков реанимацияда үзүлгөн

"Даир боорукер, акылдуу, өз ишин мыкты билген кесипкөй адам эле. Артында балдары калды. Ал пневмонияга кабылган. Абдан өкүнүчтүү, абдан! Жакындарына терең кайгыруу менен көңүл айтам", — деп жазган Карыпбеков.

Илим Карыпбеков өзү "Манас" эл аралык аэропортунда 2014-2015-жылдары аткаруучу директор болуп иштеген.

395
Белгилер:
пневмония, Кыргызстан
Тема:
Кыргызстандыктарды кыйнаган пневмония
Тема боюнча
Депутат Чыныбай Турсунбековдун сөөгү бүгүн жерге берилет
Алмамбет Шыкмаматовдун жубайы Жанара Турдакунова пневмониядан каза болду