Сойкулук менен алектенген кыз. Архив

Түркия: кыргызстандык алты аялды сойкулукка мажбурлады дегендер кармалды

1472
Кармалган шектүүлөрдүн арасында казакстандык жана өзбекстандык аялдар да бар.

БИШКЕК, 19-апр. — Sputnik. Анкара шаарынын адеп-ахлак боюнча башкармалыгы 11 жерге бир убакытта атайын операция жүргүзүп, чет мамлекеттен аялдарды алып келип, аларды сойкулукка мажбурлады делген 6 кишини кармаган. Бул тууралуу Son dakika сайты жазды.

Шектүүлөрдүн жашаган жеринен жана аларга тиешелүү автоунаалардан 17 телефон, 42 огу менен 2 тапанча, сойкулуктан түштү делген 11 миң түрк лирасы жана башка буюмдар табылган.

Полиция ошондой эле чет элдик аялдар жашап жатат деген беш жердеги үйлөргө тинтүү жүргүзүп, ал жактан өзбекстандык төрт, кыргызстандык алты жана казакстандык үч аялды колго түшүргөн. Тиешелүү иш-чаралардан кийин шектүүлөр Анкаранын сотуна өткөрүлүп берилди.

1472
Белгилер:
сойкулук, Анкара, Түркия
Тема боюнча
Кыргызстанда сойкулар канча табат? Бийлик алардын кирешесин эсептемей болду