Балка. Архивдик сурөт

Бишкек ТЭЦиндеги чуу боюнча бир топ жетекчилер 2-8 жылга кесилди. Соттун өкүмү

705
(жаңыланган 12:38 20.04.2019)
Сот Айбек Калиев баштаган бир топ жетекчилерди күнөлүү деп таап эркинен ажыратып, мамлекетке айып пул төлөөгө милдеттендирди.  

БИШКЕК, 19-апр. — Sputnik. Биринчи Май райондук сотунда Бишкек ТЭЦин модернизациялоо боюнча козголгон төрт кылмыш иши боюнча аткаминерлерге соттун өкүмү чыкты.

Чечим төмөндөгүдөй:

— Улуттукэнергохолдингдин экс-башчысы Айбек Калиев 2,5 жылга эркинен ажыратылат жана мамлекетке 100 миң сомдук айып пул төлөйт.

— “Электр станциялары” ишканасынын мурдагы башкы директору Узак Кадырбаев 4 жылга эркинен ажыратылат жана 150 миң сом өлчөмүндө айыпка жыгылат.

— Улуттукэнергохолдингдин жетекчисинин орун басары Нурлан Садыков 2,5 жылга кесилет жана 100 миң сом айып пул төлөйт.

— “Электр станциялары” ишканасынын башкы директорунун орун басары Бердибек Боркоев 8 жылга кесилет жана 150 миң сом төлөйт.

— Бишкек ТЭЦин модернизациялоо боюнча долбоордун аткаруучу директору Темирлан Бримкулов 2,5 жыл камалат жана 100 миң сом айып төлөйт.

— Бишкек ТЭЦинин мурдагы директору Нурлан Өмүркул уулу 4 жылга кесилет жана 150 миң сом айып төлөйт.

— Мурдагы техникалык инженер Нургазы Курманбеков 4 жылга эркинен ажыратылат жана 150 миң сом төлөйт.

Мындан сырткары, тергөө абагында мурдагы премьер-министрлер Сапар Исаков, Жантөрө Сатыбалдиев жана депутат Осмонбек Артыкбаев кармалып турат.

Эскерте кетсек, 2018-жылы 26-январда Бишкек ТЭЦинде авария болуп шаардыктарга жылуулук берүү токтоп калган. Мунун айынан төрт-беш күн бою эл түйшүк тарткан. Буга байланыштуу Бишкек ТЭЦинин директору Нурлан Өмүркул уулу кызматтан кеткен. Андан соң ал реконструкциялоо иштерине жабдууларды өтө кымбат баа менен сатып алышканын айтып чыккан. Жылуулук борборунун модернизациялоо үчүн Кытай тарабынан 386 миллион доллар кредит алынган болчу.

Кийинчерээк бул иш боюнча кылмыш иши козголуп, 10дон ашуун жетекчи кармалган.

705
Белгилер:
модернизациялоо, кылмыш, камоо, өкүм, сот, ТЭЦ, Бишкек
Тема:
ТЭЦ боюнча козголгон кылмыш иштер жана кармалгандар (70)
Тема боюнча
Адвокат: ТЭЦти оңдоодогу 111 млн. долларлык зыян боюнча документ жок
УКМКда иштейм деп ТЭЦтен темир түтүк алып чыкмакчы болгон жигит кармалды
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

168
(жаңыланган 22:21 03.12.2020)
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиргенине караганда, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген. 

168
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео
Түрмөдө отурган кылмышкерлер. Архивдик сүрөт

ЖАМК: абактагы 100дөй адам коронавирус жуктуруп алган, каза болгондору да бар

64
(жаңыланган 17:52 03.12.2020)
Аскат Эгембердиев ЖАМК коронавирусту алдын алуу жана дарылоонун алгоритмин иштеп чыкканын билдирди. Анда төрт ыкчам бригада иштеп жатат.

БИШКЕК, 3-дек. — Sputnik. Түзөтүү колонияларындагы соттолуучулардын 100гө жакыны коронавирус жуктуруп алган. Бул тууралуу Жаза аткаруу мамлекеттик кызматынын жетекчиси Аскат Эгембердиев билдирди. Ал "ЖАМК башчысы мунапыс, колониядагы экстремисттер жана уюшкан кылмыштуулукка каршы күрөшүү боюнча абал жөнүндө" деген аталышта өткөн брифингге катышты. 

Председатель Государственной службы исполнения наказаний Аскат Эгембердиев в мультимедийном пресс-центре Sputnik Кыргызстан.
© Sputnik / Табылды Кадырбеков
Жаза аткаруу мамлекеттик кызматынын жетекчиси Аскат Эгембердиев

Анын айтымында, ЖАМК COVID-19 менен күрөшүүдө бардык чараларды көрүп жатат.

"Пандемиянын биринчи толкунун эске алганда 100дөн ашык соттолуучудан коронавирус табылды. Учурда төртөө дарыланып жатат, калгандары сакайып кетти. Тилекке каршы, төрт адам бул илдеттен көз жумду. Белгилей кетчү жагдай, оорудан улам көз жумгандардын саны былтыркы статистикадай эле. Анда пандемия жок болчу", — деди жетекчи.

Эгембердиев ЖАМК коронавирусту алдын алуу жана дарылоонун алгоритмин иштеп чыкканын кошумчалады.

"Биз төрт ыкчам бригаданы уюштурдук. Медиктер күнү-түнү кырдаалга көз салып турушат. Жалпы 13 медициналык-санитардык бөлүк, төрт саламаттык сактоо пунктусу, эки оорукана бар", — деди ал.

Эгембердиев эгер соттолуучулардын жакындары келсе алардан сөзсүз түрдө ПЦР-анализдин жыйынтыгы талап кылынарын кошумчалады.

64
Белгилер:
коронавирус, абак, ЖАМК
Тема:
Кыргызстандагы коронавирус жуктуруп алгандар
Тема боюнча
Жапаровдун мунапысы менен абактан чыккан 230 адам кайсы кылмышы үчүн соттолгон
УКМК: Камчы Көлбаев ден соолугуна байланыштуу №47 түзөтүү жайына которулду
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

71
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

71
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме