Президенттин кеңешчиси (Мамлекеттик каттоо кызматынын мурдагы жетекчиси) Дастан Догоев. Архивдик сүрөт

Мамкаттоонун мурдагы башчысы Дастан Догоев кармалдыбы? УКМКнын жообу

605
(жаңыланган 09:14 09.05.2019)
Бүгүн 8-майда айрым ЖМКлар Догоев кармалганын жазган болчу.

БИШКЕК, 8-май — Sputnik. Президенттин кеңешчиси (Мамлекеттик каттоо кызматынын мурдагы жетекчиси) Дастан Догоев Улуттук коопсуздук комитетине (УКМК) сурак берип чыкты. Бул туурасында Sputnik Кыргызстан агенттигине анын адвокаты Бакыт Осмоналиев билдирди.

Бүгүн 8-майда айрым ЖМКлар Догоев чекисттер тарабынан кармалганын жазган. Бирок муну УКМК четке каккан болчу.

Адвокаттын айтымында, Догоевди камакка алынган жок. Ал күбө катары сурак берүүгө чакырылган. УКМК кызматкерлерине доосу жок. Ал буга чейин биометрикалык паспортту чыгарууда корупциялык иштерди жасады деп кармалган. Мамкаттоонун жетекчилеринин иши боюнча көрсөтмө берген.

Буга чейин УКМК тендер чуусу боюнча үч аткаминерге айып тагып, кармаган. Кийин соттун чечими менен Мамлекеттик каттоо кызматынын жетекчисинин орун басары Руслан Сарыбаев үй камагына чыгып, статс-катчы Талант Абдуллаев жана "Инфоком" компаниясынын директору Талант Абдуллаев тергөө абагына киргизилген.

605
Белгилер:
көрсөтмө, сот, сурак, Дастан Догоев, УКМК
Тема боюнча
Каттоо кызматынын башчылыгына Балыкчынын чуулуу мэри келди
УКМК: Каттоо кызматынын айрым жетекчилери коррупцияга шектелип кармалды
Жалал-Абаддагы болгон жол кырсыгы

Жалал-Абаддагы үрөй учурган жол кырсык. Маркумдардын аты-жөнү такталды

476
(жаңыланган 21:21 12.06.2021)
Сатыбалдиева кырсыктан алты эмес жети киши набыт болгонун билдирди. Анын айтымында, маркумдардын сөөгү Ноокен райондук ооруканасынын моргуна жеткирилип, соттук-медициналык экспертиза дайындалды.

БИШКЕК, 12-июн. – Sputnik. Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек. Бул тууралуу облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев Sputnik Кыргызстан агенттигине билдирди.

  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек
    © Фото / Зульфия Тургунова
  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Эске салсак, бүгүн, 12-июнда, Mercedes-Benz үлгүсүндөгү оор жүк ташуучу унаа менен Honda Odyssey үлгүсүндөгү жеңил автокөлүк кагышып, кырсыктан алты адам каза болгону кабарланган
    © Фото / Зульфия Тургунова
  • Столкновение грузового авто Mercedes Benz и минивэна Honda Odyssey на 495 километре в районе села Ууру-Жар Джалал-Абадской области. 12 июня 2021 года
    Окуя Бишкек — Ош унаа жолунун 495-чакырымында Жалал-Абаддын Ууру-Жар айылынын тушунда болгон
    © Фото / Зульфия Тургунова
1 / 3
© Фото / Зульфия Тургунова
Жалал-Абад облусунун Ноокен районундагы Бүргөндү айыл өкмөтүнүн Ууру-Жар айылында болгон жол кырсыгында каза болгон жети адамдын экөөсүнүн өздүгү тактала элек

Эске салсак, бүгүн, 12-июнда, Mercedes-Benz үлгүсүндөгү оор жүк ташуучу унаа менен Honda Odyssey үлгүсүндөгү жеңил автокөлүк кагышып, кырсыктан алты адам каза болгону кабарланган. Окуя Бишкек — Ош унаа жолунун 495-чакырымында Жалал-Абаддын Ууру-Жар айылынын тушунда болгон.

Сатыбалдиева кырсыктан алты эмес жети киши набыт болгонун билдирди. Анын айтымында, маркумдардын сөөгү Ноокен райондук ооруканасынын моргуна жеткирилип, соттук-медициналык экспертиза дайындалды.

Набыт болгондор:

  • Ш.Б. аттуу эркек киши (жашы белгисиз) — Базар-Коргон районунун Кеңеш айыл аймагынын Сейитказы айылынын жашоочусу. Анын 22 жаштагы К.А. аттуу уулу;
  • Э.У. аттуу 52 жаштагы аял — Базар-Коргон районунун Акман айыл өкмөтүнүн Колот айылынын жашоочусу. Анын 19 жаштагы Ш.О. аттуу уулу;
  • С.Н. аттуу 26 жаштагы жаран — Сузак районунун Калмак-Кырчын айылынын тургуну;

Набыт болгон бир аял менен эркектин ким экени азырынча тактала элек. Булардын баары тең Honda Odyssey үлгүсүндөгү жеңил автокөлүктө жүргүнчү катары Бишкектен Ошту көздөй бара жатышкан.

Жеңил унаанын 26 жаштагы Б.К. аттуу айдоочусу Кочкор-Ата шаардык ооруканасынын хирургия бөлүмүнө жаткырылган. Ал эми Өзбекстандын Наманган облусунун Үч-Коргон районунун Кучай айылынын 34 жаштагы жашоочусу, жеңил унаанын жүргүнчүсү ошол эле оорукананын жандандыруу бөлүмүнө түшкөн.

476
Белгилер:
жүк ташуучу унаа, жол кырсык, Жалал-Абад
Тема:
2021-жылдын башынан бери Кыргызстанда болгон жол кырсыктар
Тема боюнча
Ошто эки унаа кагышып, өспүрүм бала оор абалда ооруканага жеткирилди. Сүрөт
Жети-Өгүздө жол кырсыгынан үч киши көз жумду. Үрөй учурган каргашанын сүрөтү
Актёр Азиз Мурадиллаев. Архив

Курсташына 18 жашында үйлөнгөн. Актёр Азиз Мурадиллаев тууралуу 6 факты

656
(жаңыланган 16:39 12.06.2021)
Бүгүн белгилүү актёр, КРдин эмгек сиңирген артисти Азиз Мурадиллаевдин туулган күнү. Кино жана сахна чебери 43 жашка толду.

Sputnik Кыргызстан агенттиги көрүүчүлөрдүн сүймөнчүлүгүнө ээ болгон таланттуу инсандын өмүрү жана чыгармачылыгындагы кызыктуу фактыларды сунуштайт.

Аккан арыктан суу агат. Азиз Мурадиллаев 1978-жылы 12-июнда Фрунзе (азыркы Бишкек) шаарында төрөлгөн. Атасы Үсөн Мурадиллаев, апасы Анара Сыдыгалиева театр ишмерлери. Түгөйлөр борбор калаадагы Кыргыз драма театрынын алдындагы студияны, андан кийин Ташкенттеги театралдык окуу жайды аяктап, сахнада түрдүү образдарды жараткан. Ошол жылдары кичинекей Азиз дагы ата-энесин ээрчип жумалап гастролдордо жүрүп, тестиер кээде театрда балдардын ролун аткарып, тасмалардын дубляждарына катышып, радиодо балдар уктурууларын алып барчу.

Ата-энеси каршы чыккан. Мектепти аяктагандан кийин шаарда ишкерлик менен алектенүүгө аракет кылган, бирок баштаганы оңунан чыккан эмес. Ошентип өзүнүн жашоосун театрсыз элестете албаган жаш жигит Кыргыз драма театрынын алдындагы училищеде окуп, кийин өз аракети менен Москвадагы Щепкин атындагы театралдык окуу жайына өткөн. Анын мындай чечимине ата-энеси каршы болгон. Себеби ал жылдары союз тарап, өлкө эгемендүүлүк алып маданият тармагы каралбай, искусство өкүлдөрү ара жолдо калган эле.

Известный кыргызстанский актер Азиз Мурадиллаев во время интервью Sputnik Кыргызстан
© Sputnik / Табылды Кадырбеков
Бүгүн белгилүү актёр, КРдин эмгек сиңирген артисти Азиз Мурадиллаевдин туулган күнү. Кино жана сахна чебери 43 жашка толду.

Студент ата. Актёр 18 жашында чогуу окуган курсташы Элвира Жумалиевага үйлөнүп, 19 жашында ата болгон. Россияда окуп жүргөндө атасы, апасы, келинчеги жана тун уулу Кыргызстанда болчу. Мекенге кайтып келгенден кийин бир эле маалда Арсен Өмүралиев атындагы шаардык театрда, кыргыз жана орус драма театрларында иштеген учурлары да болгон.

Көчөдө Бакыт, Темир, Алымбек... Мурадиллаев чыгармачылыкта өзүн көбүнчө театр актёру деп билет. Себеби ал 20 жыл бою сахнада жүрдү. Актёр "Манастын уулу Семетей" спектаклинде Семетейдин ролун эле 15 жыл катары менен аткарган. Ошондой эле "Ай тутулган түндө", "Каркыранын канаты", "Играем Андерсона" сыяктуу 40тан ашык спектаклде ойногон. Ал эми кинодо "Каракыз", "Сүйүү сынагы", "Апамдын махабаты", "Чиркин өмүр", "Жараланган турна", "Президент жана бомж", "Курманжан датка", "Ата" тасмаларда роль жараткан. Актёр өзү жараткан образдары тууралуу маек берип жатып "менин чыгармачылыгымда "Курманжан датка" кинофильминде Алымбек датканын орду чоң экендиги талашсыз. Кээде мени көчөдөн кинодогу ар түрдүү аттар менен Эркин, Бакыт, Темир, Алымбек деп чакырышат" деп айткан жайы бар.

Кадр из фильма Курманжан датка, актер Азиз Мурадиллаев в роли Алымбек датки
© Фото / предоставлено Азизом Мурадиллаевым
КРдин эмгек сиңирген артисти гитарада мыкты ойнойт, окуучу кезинде каратэ менен дагы машыгып калган. Өмүрлүк жары менен учурда театрда иштеп, экөө 14 жана 24 жаштагы эки уулдун ата-энеси.

Оор илдеттен айыккан талант. Азиз Мурадиллаевге 2016-жылы дарыгерлер боордун 4-даражадагы циррозу (кара сарык — ред.) диагнозун койгон. Анда президент Алмазбек Атамбаев актёрдун операциясы үчүн 500 миң сом, андан кийин 414 миң сом бөлсө, Жогорку Кеңештин депутаттары да бир күндүк маянасын (231, 8 миң сом) которгон. Мындан сырткары, ырчылар концерт-марафон өткөрүп акча чогулткан. Ага биринчи операция Москвада, экинчиси Стамбул шаарындагы клиникада жасалган. Профессор-гепатолог Корай Ажарлы экинчи операциясын жасагандан кийин боорунун иштеши жакшырып, калыбына келе баштаганын айтып, алмаштыруунун кажети жок экенин билдирген. Дарыгердин жакшы кабарынан кийин Мурадиллаевдин үй-бүлөсү  буга чейин чогулган каражатты муктаж болгондорго таратып берген.

Гитара ойноп, каратэ менен машыккан. КРдин эмгек сиңирген артисти жашоодо өзүн жалкоо деп эсептейт. Гитарада мыкты ойнойт, окуучу кезинде каратэ менен дагы машыгып калган. Өмүрлүк жары менен учурда театрда иштеп, экөө 14 жана 24 жаштагы эки уулдун ата-энеси.

656
Белгилер:
актер, факты, театр, кино, Азиз Мурадиллаев
Тема:
Кыргыздын көркөм өнөрү, белгилүү инсандары жөнүндө фактылар
Тема боюнча
Вагондон жүк түшүрүп бүлөсүн баккан Миңжылкыев. Опера ырчысы тууралуу 8 факты
"Чоңко эненин" жомогуна канып... Бексултан Жакиев жөнүндө 8 факты
Сахнада саясатчылардын айласын кетирип... Рахман Разыков тууралуу 8 факты
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

3
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

3
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады