Жол кырсык. Архивдик сүрөт

Жүк ташуучу унаа менен жеңил машина кагышып, бир кыз жабыркады. Сүрөт

242
(жаңыланган 19:01 11.05.2019)
Унаалар 11-май, ишемби күнү, болжол менен 14:40та Токомбаев жана Тыналиев көчөлөрүнүн кесилишинде кагылышты.

БИШКЕК, 11-май — Sputnik. Бишкектеги Түштүк магистралда жүк ташуучу унаа бурулуп жатып Honda Fit үлгүсүндөгү машинаны сүзүп алганын Sputnik Кыргызстан маалымат агенттигине окуянын күбөсү билдирди. 

На южной магистрали в Бишкеке грузовик при повороте протаранил автомобиль марки Honda Fit
© фото очевидца, отправленное по WhatsApp-каналу.
Бишкектеги Түштүк магистралда жүк ташуучу унаа бурулуп жатып Honda Fit үлгүсүндөгү машинаны сүзүп алган

Унаалар 11-май, ишемби күнү, болжол менен 14:40та Токомбаев жана Тыналиев көчөлөрүнүн кесилишинде кагылышкан.

Жол кыймылы коопсуздугун камсыздоо башкы башкармалыгынын маалымат катчысы Адилет Кыдырбаев жол кырсыгы болгонун тастыктап берди.

"Honda Fit үлгүсүндөгү унаа Токомбаев көчөсүнөн батышты көздөй кетип бара жаткан, Тыналиев көчөсүнүн кесилишинен Howo маркасындагы жүк ташуучу унаа аны коюп кеткен. Ал сол жакка бурулган", — деди Кыдырбаев.

Натыйжада жеңил унааны айдаган кыз ооруканага жеткирилген. Бул факты Кылмыштар менен жоруктардын бирдиктүү реестрине катталып, тиешелүү экспертизалар дайындалган. Машиналар унаа токтотуучу атайын жайга жеткирилди.

242
Белгилер:
күбө, унаа, Бишкек
Тема:
2019-жылдын башынан бери Кыргызстанда болгон жол кырсыктар (265)
Тема боюнча
Кеминдеги трагедия. Автоунаалар кагышып, төрт киши каза болду. Сүрөт

Милициянын Кочкор-Атада кылмыштуу топтун 11 мүчөсүн кармаган видеосу

327
(жаңыланган 15:07 26.05.2020)
Жалал-Абад облустук ИИБдин жана Ноокен райондук милициясынын Уюшкан кылмыштуулукка каршы күрөшүү бөлүмү УКМКнын аймактык кызматкерлери менен биргеликте Кочкор-Ата шаарындагы кафелердин биринен уюшкан кылмыштуу топтун 11 мүчөсүн кармаган.

Бул туурасында Жалал-Абад ОИИБдин маалымат кызматы кабарлады.

Маалыматта алардын Ноокен районунун Кочкор-Ата шаарында криминалдык чөйрөдөгү "авторитеттердин" жыйынына чогулган учурда колго түшүрүлгөнү айтылат.

Алардын ичинен эки адамдын үстүнөн 19-мартта башка жарандан арыз түшкөн. Арызданган киши опузалап акча талап кылуу фактысы болгонун айтып, чара көрүүнү суранып кайрылган. Ал иш боюнча топтолгон материал Жалал-Абад ОИИБдин Кылмыш жана жоруктардын бирдиктүү реестрине катталып, Жазык кодексинин 203-беренесинин негизинде ("Опузалап талап кылуу") сотко чейинки өндүрүш иши башталган.

Иликтөө иштери алардын ким экендигин тактап чыккан. Бири Базар-Коргон районунун 26 жаштагы Ж. у М. аттуу тургуну экени, анын мурда бир нече ирет соттолгону аныкталган. Буга кошумча, кылмыштуу топтун ишин колдоп, аталган аймакта "положенец" болуп шайлангандыгы такталган.

Экинчиси, З.И. да аталган райондун жашоочусу болуп чыккан.

"Аталган кылмыш иши боюнча шектүү Ж. у М. өзүнүн жүргөн жерин жашырып, жашаган жерин өзгөртүп тергөөгө келбей, тоскоолдук жаратып качып жүргөн", — деп айтылат маалыматта.

Орган кызматкерлери аларды өздөрүнүн тобунун жыйынына келгенде колго түшүрүүнү чечкен.

Кочкор-Ата шаарындагы Ош — Бишкек автожолунун боюнда жайгашкан ашканалардын биринде аталган жыйын учурунда Ж. у М. жана З.И. кармалган. Алар менен кошо ошол жыйынга келген ыкчам кызыкчылык жараткан 9 (тогуз) атуул Жалал-Абад облустук милициясына жеткирилип, аты-жөнү такталып, манжа издери алынып, түшүндүрүү жана алдын алуу иштери жүргүзүлүп кайра коё берилген.

Маалыматта алардын да мурда соттолуп, учурда уюшкан кылмыштуу топтун активдүү мүчөлөрү катарында ИИМдин каттоосунда тургандар экени айтылды. Кармалгандардын эң улуусу 56, кичүүсү 25 жашта болуп чыкты.

Ал эми жогорудагы айтылган эки шектүү жаран кармалган ошол эле күнү, 22-майда, Жалал-Абад шаардык милициясынын убактылуу кармоо жайына киргизилген.

Бирок эки күн өтпөй Жалал-Абад шаардык сотунун тергөө судьясы аларды үй камагына чыгарып жиберген.

"24-май күнү Жазык кодексинин 203-беренесинин ("Опузалап талап кылуу") негизинде тергелип жаткан шектүүлөр Жалал-Абад шаардык сотунун тергөө судьясы тарабынан үй камагына чыгарылган", — деп айтылат маалыматта.

Учурда аталган сотко чейинки өндүрүш ишинин алкагында тергөө иштери улантылып жатканы белгиленди.

327
Белгилер:
тергөө, кармоо, опузалоо, топ, киберкылмыштуулук, Жалал-Абад, Кыргызстан
Тема боюнча
ИИМ: кыргызстандыктар менен бирге Европага героин ташыган чет элдиктер кармалды
Көлбаевдин кылмыштуу тобундагы "Чач" кармалды. Видео
Казакстандын жол кызматынын полиция кызматкерлери. Архив

Алматы: блокпостту сүзгөн айдоочу полициянын мурдагы кызматкери болуп чыкты

85
(жаңыланган 11:42 26.05.2020)
Блокпостту сүзгөн айдоочу алты жыл полицияда иштеп, начар кызмат өтөгөндүктөн, жумушунан кол жууганы маалым болду.

БИШКЕК, 26-май — Sputnik. Казакстандын Алматы шаарында жүрөк үшүн алган жол кырсыгына себепчи болгон айдоочу мурдагы полиция кызматкери экени аныкталды. Бул тууралуу Sputnik Казакстан агенттигинин Telegram каналы маалымдады.

Эске салсак, кечээ, 25-майда, 26 жаштагы айдоочу (буга чейин 28 жаш деп айтылган) блокпостту сүзүп, анын кесепетинен эки полиция кызматкери көз жуумп, үчүнчүсү оор абалда ооруканага түшкөн. Полициянын айтымында, ал мас болгон.

"Блокпостту сүзгөн мас айдоочу алты жыл полицияда иштеп, начар кызмат өтөгөндүктөн, жумушунан кол жууган. Ага төрт жолу дисциплинардык чара көрүлгөн. Кылмышка шектүү 15 жылдан 20 жылга чейин эркинен ажыратылат же өмүр бою абакка кесилет",— деп айтылат маалыматта.

Каза болгон автоинспектордун бири, 42 жаштагы Жарас Жангазиевдин артында эки кызы калды. Ал ички иштер органдарында 20 жылдай кызмат өтөгөн.

Кырсыктын курмандыгы болгон экинчи жаран, полициянын сержанты Дастан Абдыканов 26 гана жашта  болгон. Төрт жыл ички иштер органдарында кызмат өтөгөн. Анын үй-бүлөлүү экени, бир ай мурда эле кыздуу болгону айтылды.

85
Белгилер:
кырсык, полиция, айдоочу, блокпост, Алматы, Казакстан
Тема боюнча
Ош—Бишкек жолундагы автокырсык: каза тапкан айдоочу бир үйдүн жалгыз уулу болгон
Ош базарынын айланасындагы унаалар. Архивдик сүрөт

Бишкекте муниципалдык унаа токтотуучу жайлар иштей баштады. Тизме

0
(жаңыланган 18:09 26.05.2020)
Шаардын көчөлөрүнөн унаа токтотуучу жайларды, биринчиден, белгиге карап билсе болот. Экинчиден, ал жактарда кызгылт сары түстөгү атайын кийим кийген кызматкерлер турат.

БИШКЕК, 26-май — Sputnik. Борбор калаада муниципалдык унаа токтотуучу жайлар иштей баштады. Бул тууралуу мэриянын маалымат кызматы кабарлады.

Билдирмеге ылайык, коронавирустун айынан киргизилген карантинден улам кызматкерлер үйдө болуп, убактылуу унаа токтотуучу жайларга акы алынбай эле турган.

Муниципалдык унаа токтотуучу жайлардын тизмеси:

Ош базарынын айланасы

  • Бейшеналиев көчөсүнүн Москва көчөсүнөн Чүй проспектисине чейинки бөлүгү;
  • Кулиев көчөсүнүн Токтогулдан Киев көчөсүнө чейинки бөлүгү;
  • Токтогул көчөсүнүн Жаш гвардия бульварынан "Ала-Арча" суусуна чейинки бөлүгү;
  • Киев көчөсүнүн Жаш Гвардия бульварынан Кулиев көчөсүнө чейинки бөлүгү;
  • Павлов көчөсүнүн Чүй проспектиси менен Киев көчөсүнө чейинки бөлүгү;

Орто-Сай базары

  • Суеркулов көчөсүнүн Жукеев-Пудовкинден Юнусалиев көчөсүнө чейинки бөлүгү;
  • Юнусалиев көчөсүнүн Суеркуловдон Безымянный көчөсүнө чейинки бөлүгү;
  • Жукеев-Пудовкин көчөсүнүн Безымянныйдан Суеркулов көчөсүнө чейинки бөлүгү;

"Эски толчок" базары

  • Орозбеков көчөсүнүн Фере көчөсүнөн Можайский кууш жолуна чейинки бөлүгү;

"Комфорт" базары

  • Ибраимов көчөсүнүн Москвадан Токтогул көчөсүнө чейинки бөлүгү;
  • Кулатов көчөсүнүн Ибраимовдон Матросов көчөсүнө чейинки бөлүгү (Май-сыр базасы);
  • Сүйүмбаев көчөсүнүн Чүй проспектисинен Огонбаев көчөсүнө чейинки бөлүгү;
  • Огомбаев көчөсүнүн Гоголдон Сүйүмбаев көчөсүнө чейинки бөлүгү;

"Сары-Өзөн" базары

  • Клубный кууш жолу.

"Бул жерлерде "унаа токтотууга болот" деген белгилер бар. Мындан тышкары кызматкерлерибиз атайын тигилген кызгылт сары түстөгү "Бишкектин унаа токтотуучу жайлары" деген жазуусу бар кийимчен болушат. Ошондой эле бейджик тагынып, акы төлөгөндүгү тууралуу талон беришет. Талондун баасы турган убактысына карабай 25 сом", — деп айтылат маалыматта.

Эске салсак, 25-майдан тарта борбор калаада бардык базарлар иштей баштаган.

0
Белгилер:
көчө, белги, унаа токтотуучу жай, Бишкек
Тема боюнча
Кангелдиева: Бишкекке 45 көп кабаттуу унаа токтотуучу жай курулат