Жол кырсык. Архивдик сүрөт

Адам өмүрүн жолдо алган 7 эреже бузуу. ИИМ статистикасы

275
(жаңыланган 09:33 24.05.2019)
Жол кырсыгынын негизги себептери — ылдамдыкты ашыра айдоо, каршы тилкеге чыгып кетүү, мас абалда айдоо.

БИШКЕК, 23-май — Sputnik. 2018-жылы Кыргызстан боюнча жол кырсыгынан канча киши каза таап, канчасы жаракат алганын Sputnik Кыргызстан агенттигине ИИМдин маалымат кызматынан кабарлашты.

Бирдирмеге ылайык, өлкө аймагы боюнча өткөн жылы 5 995 жол кырсыгы катталган. Анда 9 160 киши ар кандай жаракаттарды алса, 716 адам көз жумган. Бул 2017-жылга салыштырмалуу жол кырсыктары жана андан жабыркагандар азайды дегенди түшүндүрөт.

"Тагыраагы, унаа кырсыктары бир жыл ичинде 5,5 пайызга, өлүмдөр 21 пайызга кыскарган. 2017-жылы 6 346 жол кырсыгында 907 адамдын өмүрү кыйылган. Анткен менен жабыркагандардын саны көп өзгөргөн жок, 9 миңдин тегереги", — деп айтылат билдирүүдө.

Бишкек жана Ош шаарлары тууралуу айтсак, 2018-жылы борбор калаада 2 313 жол кырсыгы болгон. Анда 2 064 киши жабыр тартып, 65 киши каза тапкан. Ош шаарында өлгөндөрдүн саны Бишкектикинен эки эсе көп — 119. Түштүк калаадагы 663 кырсыкта 6 346 адам жаракат алган.

Жол кырсыктарынын негизги себептери:

  • 30,8 пайызы — ылдамдыкты ашыра айдоо;
  • 28,1 пайызы — каршы тилкеде туура эмес маневр жасоо;
  • 10,1 пайызы — каршы тилкеге чыгып кетүү;
  • 7,0 пайызы — айдоочунун транспорт каражатын мас абалда башкаруусу;
  • 6,9 пайызы — айдоочулар жол кесилишинде бири-бирин өткөрбөгөндүгү;
  • 6,8 пайызы — айдоочунун жол белгилерине баш ийбегендиги;
  • 4,7 пайызы — айдоочунун аралыкты сактабагандыгы.

Баса, Өкмөт "Коопсуз шаар" долбоору ишке киргенден тартып Бишкек шаарында жол кырсыгынын саны 3,4 пайызга, каза болгондордун саны 68,8 пайызга кыскарганын билдирген. Ал эми Чүй облусу боюнча көрсөткүч 3,8 пайызга, автокырсыктан көз жумгандардын саны 37 пайызга төмөндөгөн.

Белгилей кетсек, 12-февралдан тарта "Коопсуз шаар" долбоорунун алкагында коюлган камералар ишке кирип, эреже бузуунун 7 түрүн каттай баштаган.

275
Белгилер:
статистика, өлүм, ИИМ, Кыргызстан
Тема:
2018-жылы Кыргызстанда катталган жол кырсыктары (382)
Тема боюнча
ИИМ имаратынын жанында жол кырсыгы болуп, унаа оодарылып калды. Видео
Бишкекте баланы бус жол чийинден коюп кеткен кырсыктын чоо-жайы
Куралчан адам. Архив

Кыргыз-тажик чек арасында ок атылып, кыргызстандык аскер жаракат алды

204
(жаңыланган 10:41 06.08.2020)
Учурда чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

БИШКЕК, 6-авг. – Sputnik. Бүгүн кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алды. Бул тууралуу Мамлекеттик чек ара кызматынан билдиришти.

“Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок аткан. Жыйынтыгында ок аскердин колун тешип өткөн”, — деп айтылат билдирүүдө.

Ага медициналык жардам көрсөтүлүп, ушул тапта абалы канааттандырарлык деп бааланууда.

Азыр чек ара кызматтарынын Баткен (Кыргызстан) жана Исфара (Тажикстан) облустары боюнча өкүлдөрүнүн жолугушуусу өтүп жатат.

Абал туруктуу.

204
Белгилер:
жаракат, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү
Сел. Архив

Жүрөктүн үшүн алган сел Арсланбап айылын каптады. Видео

355
(жаңыланган 10:30 06.08.2020)
Куткаруучулар жергиликтүү эл менен кошо кечээтен тарта селдин кесепеттерин четтетүү аракеттерин көрүп жатышат. Алар короо жайларды жана жолдорду тазалашууда.

БИШКЕК, 6-авг. — Sputnik. Жалал-Абад облусунун Арсланбап айылында дагы катуу сел жүрдү. Бул тууралуу ӨКМдин маалымат кызматы кабарлады.

Окуянын жеринен тартылган видеосун "Короче" Telegram-каналы жарыялады.

Видеодо сел үйлөрдүн короо-жайларына кирип, жолдорду жарактан чыгарууда.

ӨКМдин маалыматы боюнча, сел кечээ, 5-августта, саат 19:00дө тоолордо жааган катуу жаандан улам жүргөн. Анын кесепетинен 10 турак үйдүн короосуна суу толгон. Сарайлардын дубалдары ураган. 1,2 чакырым жол бузулуп, бир электр мамычасы кулаган.

Жапа чеккендер болгон эмес.

Селдин кесепетин жоюу үчүн жерине атайын техникалар жана ӨКМдин ыкчам тобу тартылган. 50 жергиликтүү тургун аларга жардам берип жатышат.

Кечээтен бери алар үч үйдүн короосун тазалашты, иш бүгүн да уланып жатат.

355
Белгилер:
ӨКМ, сел, жаан-чачын, Арсланбап
Тема боюнча
Жети-Өгүз: сел жүрүп жаап калган Көк-Жайык жайлоосунун жолу ачылды. Видео
Улуттук статистика комитетинин төрагасынын орун басары Кошой Исалиев. Архив

Улуттук статистика комитетинин башчысынын орун басары пневмониядан каза тапты

0
(жаңыланган 15:52 06.08.2020)
Кошоев Улуттук статистика комитетинин төрагасынын орун басары болуп 2019-жылдын февраль айынан тарта иштеп келе жаткан.

БИШКЕК, 6-авг. — Sputnik. Улуттук статистика комитетинин төрагасынын орун басары Кошой Исалиев 62 жаш курагында эки тараптуу пневмониядан каза тапты. Бул туурасында аталган ведомствонун маалымат кызматынан кабарлашты.

Кошоев аталган кызматта 2019-жылдын февраль айынан тарта иштеп келе жаткан.

"Ал республиканын аймагында 2020-жылы белгиленген эл жана турак жай каттоо тармагын көзөмөлдөп, даярдык иштерине чоң салымын кошкон", — деп айтылат маалыматта.

Бирок коронавирус пандемиясынан улам аны жүргүзүү жылдырылган.

Акыркы суткада коронавирустан 9 киши каза тапты

Аталган ведомстводон Исалиев статистика органдарында эмгек жолун 1999-жылы Чүй-Токмок мамлекеттик статистиканын аймактык бөлүмүнүн жетекчиси катары баштагандыгын билдиришти. Биринчи улуттук эл каттоо, 2009-жылкы эл жана турак-жай каттоо сыяктуу ири масштабдуу иш-чараларды жетектеп, 2002-2003-жылдары жүргүзүлгөн Биринчи айыл чарбалык каттоонун башында турган. Кыргыз Республикасынын статистика тармагынын мыктысы наамы ыйгарылган.

0
Белгилер:
пневмония, өлүм, оору, коронавирус, Улуттук статистика комитети, Кыргызстан
Тема:
Кыргызстандагы коронавирус жуктуруп алгандар
Тема боюнча
Рентген аппараттарын алуу маселеси чечилген эмес. Боронов министрликти сындады