Кишен. Архивдик сүрөт

"Акнет" иши: жетекчиси, эсепчиси жана дагы бир компания башчысы кармалды

216
(жаңыланган 19:12 28.05.2019)
Буга чейин аталган ишти Финансы полициясы карап келсе, азыр тергөө ИИМге өттү.

БИШКЕК, 28-май — Sputnik. "Акнет" ЖЧКсынын иши боюнча компаниянын президенти Кубан Ажумидинов, эсепчиси жана "Строй Сеть" ишканасынын директору кармалды. Бул туурасында ИИМдин маалымат кызматынан кабарлашты.

2018-жылдын ноябрь айында интернет-провайдердин баш кеңсесинде тинтүү жүргөн, анда компанияны салык төлөгөндөн качты деп шек санашкан. Жазык кодексинин 221-беренеси менен иш козголгону маалым.

Компаниянын жетекчисине "Акнеттин" тең түптөөчүсү Руслан Абдумажитов арыз жазган. Ишти алгач Финансы полициясы тергеген. Андан соң Башкы прокуратура ИИМге өткөрүп берген. Бир катар ЖМКлардын жазганына караганда, биринчи орган ишти туура эмес алып барган.

Иликтөөнүн жүрүшүндө 2017-жылы абоненттик төлөм катары "Акнетке" бир миллиарддан ашык акча түшкөнү белгилүү болгон. Анткен менен компания ошол жылдын эсеби менен пайда 195 миллион гана сом болгон деп белгиленип, калган каражат чыгым катары жазылып кеткени айтылды. 2018-жылдын эсебине "Акнетке" абоненттик төлөм катары 1,2 миллиард сом түшкөн.

Маалыматта ИИМдин аталган ишкананын жетекчилигинин чыгымды негизсиз көбөйтүп көрсөткөнүн жана 150 миллион сомдук салык төлөнбөй калганын таап чыкканы айтылган.

Милициядан "Акнетке" тиешелүү болгон 11 компания аныкталгандыгын, кеп алардын бири "Строй Сеть" компаниясы туурасында жүрүп жаткандыгын маалымдашты.

2016-жылдын июнь айынан тарта 2018-жылга чейин "Строй Сеть" ЖЧКсына 101 миллион 99 миң 401 сом которулган. Акча нак алынып, кызмат көрсөтүлдү деп белгиленген. Бирок текшере келгенде аларды тастыктай турган документтер чыккан эмес.

Эки компаниянын 2018, 2016-жылдардагы иштери боюнча аудит жүргүзүлүп, 14 миллион 176 миң 173 сомдун мыйзамсыз түрдө кечип салганы аныкталган.

Кармалгандарга алардын Жазык кодексинин 205-берене (Ишенип берилген мүлктү, ири суммадагы каражатты адамдардын тобу же алдын ала сүйлөшүү боюнча адамдардын тобу тарабынан ыйгарып алуу же коротуу) менен шек саналып жатканы түшүндүрүлгөн.

Алардын Бишкек шаарындагы убактылуу кармоо жайына киргизилгендиги маалымдалды.

216
Белгилер:
финансы полициясы, акча, качуу, салык, ишкана, Акнет, Кыргызстан
Тема боюнча
"Акнеттин" чуусу. Жактоочу менен түптөөчүлөрүнүн бири түшүндүрмө берди
Финпол: "Акнет" мамлекетке 150 миллион сом төлөп берди
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

118
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

118
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок
Жарылуу болгон жерде газ баллон. Архивдик сүрөт

Таластагы тамактануучу жайда газ баллон жарылып, жаракат алган аял көз жумду

78
(жаңыланган 19:14 23.01.2021)
4-январда Кара-Буура районундагы Кызыл-Адыр айылында "Шаурма City" коомдук тамактануучу жайында жарылуу болгон.

БИШКЕК, 24-янв. — Sputnik. Талас облусунда коомдук тамактануучу жайдан газ баллон жарылып жаракат алган аял каза болду. Бул тууралуу Бишкек травматология жана ортопедия илим-изилдөө борборунун маалымат кызматы билдирди.

39 жаштагы аял 21-январь күнү көз жумган. Ал күйүк алып өтө оор абалда ооруканага түшүп, жандандыруу бөлүмүндө жаткан.

Белгилей кетсек, 4-январь күнү Таластын Кара-Буура районундагы Кызыл-Адыр айылында "Шаурма City" коомдук тамактануучу жайында жарылуу болгон. Анын кесепетинен 11 адам жаракат алган, арасында жаш балдар дагы бар. Төртөө өтө оор абалда райондук ооруканага жаткырылган. Ар кимисинин күйүгү ар кандай деңгээлде болгон.

Реанимацияда жаткандардын экөө Бишкек травматология жана ортопедия илим-изилдөө борборуна которулган.

78
Белгилер:
өлүм, күйүк, жарылуу, баллон, газ, Талас
Тема боюнча
Денесинин 82%ы күйгөн. Таластагы жарылуудан жабыркагандардын абалы айтылды
Мурдагы Фрунзе заводунда жарылуу болуп, үч адам жабыркады
Айыл чарба министри Тилек Токтогазиев. Архивдик сүрөт

Бишкекте айыл чарбасын камсыздандыруу боюнча жыйын өтөт

0
Министр Тилек Токтогазиев дүйнөдөгү айыл чарбанын тез өнүгүп жатканын эске алуу менен өндүрүүчүлөр үчүн мамлекеттик деңгээлде шарттар түзүлүшү керектигин айткан.

БИШКЕК, 24-янв. — Sputnik. Кийинки жуманын биринчи күнү, 25-январда, айыл чарбасын камсыздандыруу боюнча жыйын өтөт. Бул тууралуу Айыл чарба, тамак-аш өнөр жайы жана мелиорация министрлиги билдирди.

Министр Тилек Токтогазиев тегерек столдун алкагында айыл чарбасын камсыздандырууну өнүктүрүү концепциясын талкуулап, аны ишке ашыруу боюнча конкреттүү сунуштарды иштеп чыгуу керектигин айткан.

"Дүйнөдөгү айыл чарбанын динамикалуу өнүгүп жатканын эске алуу менен өндүрүүчүлөр үчүн мамлекеттик деңгээлде шарттарды түзүп берүү керек", — деген Токтогазиев.

Министрлик бардык кызыкдар тараптарды айыл чарбасын өнүктүрүүгө багытталган маселелерди талкуулоого чакырды. Ал үчүн 0502 40 39 69 телефон номери же alchynbek.b@gmail.com электрондук дареги аркылуу байланышууга болот.

0
Белгилер:
жыйын, Тилек Токтогазиев, өнөр жай, тамак-аш, айыл чарба, Кыргызстан
Тема боюнча
Кыргызстанда былтыр канча азык-түлүк өндүрүлдү. Сандар